ബെംഗളൂരു: സ്വകാര്യ ബസിൽ ഇടിച്ചതിനെ തുടർന്ന് ഒരു കാറിന് തീപിടിച്ചു, രണ്ട് പേർ മരിച്ചു. ചിക്കബെല്ലാപുര ജില്ലയിലെ ചിന്താമണി താലൂക്കിലെ ഗോപള്ളി ഗേറ്റിന് സമീപമാണ് സംഭവം. കാറിലുണ്ടായിരുന്ന ഒരു സ്ത്രീയും പുരുഷനും ജീവനോടെ കത്തിക്കരിഞ്ഞു. ആന്ധ്രാപ്രദേശ് സ്വദേശികളായ ധനഞ്ജയ റെഡ്ഡി (31), കലാവതി (35) എന്നിവരാണ് മരിച്ചതെന്ന് തിരിച്ചറിഞ്ഞിട്ടുണ്ട്. കാറിലുണ്ടായിരുന്ന മറ്റ് മൂന്ന് പേർ നിസാര പരിക്കുകളോടെ രക്ഷപ്പെട്ടു. അപകടത്തിൽ കാർ പൊട്ടിത്തെറിക്കുകയും ബസ് തലകീഴായി മറിഞ്ഞ് വീഴുകയും ചെയ്തു. പരിക്കേറ്റവരെ ഉടൻ തന്നെ ആശുപത്രിയിൽ പ്രവേശിപ്പിച്ചു. സ്വകാര്യ ബസിലെ യാത്രക്കാരെ രക്ഷപ്പെടുത്തി.
Read Moreസ്വകാര്യ ബസിടിച്ച് കാറിന് തീപിടിച്ചു; രണ്ട് പേർ ജീവനോടെ വെന്തുമരിച്ചു.
