Month: July 2024

ബെംഗളൂരു: കുശാൽനഗർ ഹാരംഗി അണക്കെട്ട് കാണാൻ എത്തിയ യുവാവ് മുങ്ങി മരിച്ചു. മൈസൂരു സ്വദേശി ശശിയാണ് മരിച്ചത്. മൈസൂരുവിൽ നിന്ന് 15 അംഗ സംഘമാണ് അണക്കെട്ടിൽ എത്തിയത്.

ബെംഗളൂരു : എസ്.ടി. വികസന കോർപ്പറേഷൻ ഫണ്ട് തിരിമറിക്കേസുമായി ബന്ധപ്പെട്ട് മുഖ്യമന്ത്രി സിദ്ധരാമയ്യയുടെ രാജി ആവശ്യപ്പെട്ട് ബി.ജെ.പി. ജൂലായ് മൂന്നിന് മുഖ്യമന്ത്രിയുടെ വീട് ബി.ജെ.പി. ഉപരോധിക്കുമെന്ന് സംസ്ഥാന പ്രസിഡന്റ് ബി.വൈ.വിജയേന്ദ്ര പറഞ്ഞു. കോർപ്പറേഷന്റെ 187 കോടി രൂപ അനധികൃതമായി തിരിമറി നടത്തിയെന്നാണ് ആരോപണം. കോർപ്പറേഷന്റെ എം.ഡി.യുൾപ്പെടെ കേസിൽ അറസ്റ്റിലായിരുന്നു. പട്ടികവർഗ വികസനവകുപ്പ് മന്ത്രി ബി. നാഗേന്ദ്ര രാജിവെക്കുകയും ചെയ്തു.

ബെംഗളൂരു : അന്താരാഷ്ട്ര ബഹിരാകാശനിലയത്തിൽ (ഐ.എസ്.എസ്.) നിന്ന് ഇന്ത്യൻവംശജയായ സുനിതാ വില്യംസിന്റെ മടങ്ങിവരവ് വൈകുന്നതിൽ ആശങ്കപ്പെടേണ്ടതില്ലെന്ന് ഐ.എസ്.ആർ.ഒ. ചെയർമാൻ എസ്. സോമനാഥ് പറഞ്ഞു. ബഹിരാകാശനിലയം മനുഷ്യർക്ക് വളരെക്കാലം താമസിക്കാൻ സുരക്ഷിതമായ സ്ഥലമാണ്. ബഹിരാകാശനിലയത്തിലുള്ളവരെല്ലാം ഒരുദിവസം തിരിച്ചെത്തും. ബോയിങ് സ്റ്റാർലൈനർ എന്ന പുതിയ ക്രൂ മൊഡ്യൂളിനെക്കുറിച്ചും സുരക്ഷിതമായി മടങ്ങിവരാനുള്ള അതിന്റെ കഴിവിനെക്കുറിച്ചുമുള്ള ചർച്ചകൾ പുരോഗമിക്കുകയാണ്. സുരക്ഷിതമായി ഭൂമിയിലെത്താനുള്ള കഴിവ് ബോയിങ്ങിന്റെ സ്റ്റാർലൈനർ പേടകത്തിനുണ്ട്. അതിനാൽ ആശങ്കപ്പെടേണ്ടതില്ല. തങ്ങളെല്ലാവരും സുനിതയുടെ ധീരതയിൽ അഭിമാനിക്കുകയാണെന്നും ഇനിയും ധാരാളം ദൗത്യങ്ങൾ അവർക്ക് മുന്നിലുണ്ടെന്നും സോമനാഥ് പറഞ്ഞു. ജൂൺ അഞ്ചിനാണ് സുനിതയും…

ബെംഗളൂരു : പ്രമുഖ ഓൺലൈൻ ടാക്സി കമ്പനികളായ ഒല, ഊബർ മാതൃകയിൽ കർണാടക സർക്കാർ സ്വന്തമായി ആരംഭിക്കുമെന്ന് പ്രഖ്യാപിച്ച യാത്രാ ആപ്പ് ഇപ്പോഴും കടലാസിൽ തന്നെ. സ്വകാര്യ ഓൺലൈൻ ടാക്സി കമ്പനികൾക്കെതിരേ ഓട്ടോ, ടാക്സി ഡ്രൈവർമാർ വ്യാപക പരാതികൾ ഉന്നയിച്ചതിനെ തുടർന്ന് 2023 ഓഗസ്റ്റിലാണ് സർക്കാർ സ്വന്തമായി യാത്രാ ആപ്പ് ആരംഭിക്കാൻ നടപടി ആരംഭിച്ചത്. ഒല, ഊബർ തുടങ്ങിയ കമ്പനികൾ വൻ തുക കമ്മിഷനായി ഈടാക്കുന്നുവെന്നായിരുന്നു ഡ്രൈവർമാരുടെ പരാതി. മൊബൈൽ ആപ്ലിക്കേഷൻ വികസിപ്പിക്കുന്നതിന് ഗതാഗതവകുപ്പ് ഇ-ഗവേണൻസ് വകുപ്പിനെ ചുമതലപ്പെടുത്തിയിരുന്നു. ആറുമാസമായിരുന്നു സമയപരിധി നിശ്ചയിച്ചിരുന്നത്. ഇതിന്…