ബെംഗളൂരു : യശ്വന്തപുര-കണ്ണൂർ എക്സ്‌പ്രസ് തീവണ്ടിയുടെ കോച്ചിൽനിന്ന് പുകയുയർന്നത് പരിഭ്രാന്തിപരത്തി. വെള്ളിയാഴ്ച വൈകീട്ട് യശ്വന്തപുരയിൽനിന്ന് പുറപ്പെട്ട വണ്ടി ബാനസവാടിയിലെത്തിയപ്പോഴായിരുന്നു സംഭവം. ബി.-4 കോച്ചിൽനിന്നാണ് പുകയുയർന്നത്. കോച്ചിന്റെ അടിഭാഗത്തുള്ള ബ്രേക്കിങ് സംവിധാനത്തിലുണ്ടായ സാങ്കേതിക തകരാറാണ് പുകയുയരാൻ കാരണമെന്ന് പറയുന്നു. ലോക്കോ പൈലറ്റിന്റെ നേതൃത്വത്തിൽ ഉടൻ തകരാർ പരിഹരിച്ചു. സംഭവത്തെത്തുടർന്ന് വണ്ടി അരമണിക്കൂറോളം സ്റ്റേഷനിൽ പിടിച്ചിട്ടു. തുടർന്ന് യാത്രതുടർന്നു.
Read Moreയാത്രക്കാർക്കിടയിൽ പരിഭ്രാന്തിപരത്തി കണ്ണൂർ എക്സ്‌പ്രസിന്റെ കോച്ചിൽ നിന്നും ഉയർന്ന പുക;
