ബെംഗളൂരു: നാഷണൽ ക്രൈം റെക്കോർഡ്സ് ബ്യൂറോയുടെ ഏറ്റവും പുതിയ കണക്കുകൾ പ്രകാരം 2022ൽ സ്ത്രീകൾക്കെതിരായ കുറ്റകൃത്യങ്ങളിൽ കർണാടകയിൽ ഗണ്യമായ വർധനവ് രേഖപ്പെടുത്തി.
സ്ത്രീകൾക്കെതിരായ കുറ്റകൃത്യങ്ങളിൽ 17,813 എഫ്ഐആറുകൾ 2022 ൽ രജിസ്റ്റർ ചെയ്തതായി കണക്കുകൾ കാണിക്കുന്നു, മുൻ വർഷം ഇത് 14,468 ആയിരുന്നു.
നാഷണൽ ക്രൈം റെക്കോർഡ്സ് ബ്യൂറോയുടെ (എൻസിആർബി) ഡാറ്റയുടെ വിശകലനം കാണിക്കുന്നത് 28 സംസ്ഥാനങ്ങളിൽ, 2022ൽ സ്ത്രീകൾക്കെതിരായ കുറ്റകൃത്യങ്ങളിൽ ഏറ്റവുമധികം കേസുകൾ രജിസ്റ്റർ ചെയ്തത് ഉത്തർപ്രദേശിലും (65,743) മഹാരാഷ്ട്രയിലും (45,331) രാജസ്ഥാനിലുമാണ് (45,058). മൊത്തം പട്ടികയിൽ കർണാടക പത്താം സ്ഥാനത്താണ്.
കർണാടകയിൽ സ്ത്രീകൾക്കെതിരായ കുറ്റകൃത്യങ്ങളുടെ നിരക്ക് ഒരു ലക്ഷം ജനസംഖ്യയിൽ 53.6 ശതമാനം ആണ്, അത്തരം കേസുകളിൽ കുറ്റപത്രം സമർപ്പിക്കുന്നത് 82.8 ശതമാനം ആണെന്നാണ് കണക്കുകൾ സൂചിപ്പിക്കുന്നത്.
ക്രൈം ഡാറ്റയുടെ ശേഖരണവും വിശകലനവുമാണ് എൻസിആർബിയുടെ ചുമതല.
കർണാടകയിൽ 2022-ൽ രജിസ്റ്റർ ചെയ്ത സ്ത്രീകൾക്കെതിരായ വിവിധ കുറ്റകൃത്യങ്ങളിൽ 6,201 എണ്ണം സ്ത്രീയുടെ നേരെയുള്ള ആക്രമണവുമായി ബന്ധപ്പെട്ടതാണ്, തുടർന്ന് 3,141 എണ്ണം കുട്ടികളെ ലൈംഗിക കുറ്റകൃത്യങ്ങളിൽ നിന്ന് സംരക്ഷിക്കുന്നതിനുള്ള നിയമപ്രകാരമുള്ള കുറ്റകൃത്യങ്ങളുമായി ബന്ധപ്പെട്ടതും 2,812 എണ്ണം സ്ത്രീകൾക്ക് നേരെ ഭർത്താവോ ബന്ധുക്കളോ ചെയുന്ന കുറ്റകൃത്യങ്ങളുടെ കണക്കുകളുമാണ്
2,224 കേസുകൾ സ്ത്രീധന നിരോധന നിയമവുമായി ബന്ധപ്പെട്ടതാണ്, 1,812 കേസുകൾ സ്ത്രീകളെ തട്ടിക്കൊണ്ടുപോകൽ, എന്നിവയാണ്.
കർണാടകയിലും 2022ൽ 595 ബലാത്സംഗക്കേസുകൾ രജിസ്റ്റർ ചെയ്തിട്ടുണ്ട്. ഇതിൽ ഭൂരിഭാഗം കേസുകളിലും കുറ്റവാളിയെ ഇരയ്ക്ക് അറിയാമായിരുന്നു.
288 സ്ത്രീകളുടെ ആത്മഹത്യാ പ്രേരണ കേസുകൾ, സൈബർ കുറ്റകൃത്യങ്ങൾ/വിവര സാങ്കേതിക നിയമങ്ങൾ (സ്ത്രീ കേന്ദ്രീകൃത കുറ്റകൃത്യങ്ങൾ) എന്നിവയുമായി ബന്ധപ്പെട്ട 235 എഫ്ഐആറുകൾ, സ്ത്രീധന മരണങ്ങളിൽ 165, സ്ത്രീകളെ അപമാനിച്ചതിന് 78 കേസുകൾ എന്നിവയും എൻസിആർബി ഡാറ്റ പ്രകാരം രജിസ്റ്റർ ചെയ്തിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
