ബെംഗളൂരു: കര്ണാടകയില് നിയമസഭാ തെരഞ്ഞെടുപ്പ് പ്രഖ്യാപിച്ചതോടെ കര്ണാടക – കേരള സംസ്ഥാനങ്ങള്ക്കിടയിലുള്ള അതിര്ത്തി ചെക് പോസ്റ്റുകളില് പൊലീസ് പരിശോധന ശക്തമാക്കി. 50,000 രൂപയോ അതിന് മുകളിലോ തുക കൈവശം വയ്ക്കുന്നവര് തെരഞ്ഞെടുപ്പ് ഉദ്യോഗസ്ഥര്ക്ക് തെളിവ് നല്കണം. അല്ലാത്തപക്ഷം തുക കണക്കില് പെടാത്തതായി കണ്ടുകെട്ടും.
തലപ്പാടി ടോള് ഗേറ്റിലാണ് കര്ണാടക സര്കാര് പ്രധാന ചെക് പോസ്റ്റ് തുറന്നിരിക്കുന്നത്. കൂടാതെ ബണ്ട് വാളില് ശാരദ്ക, ആനേക്കല്ലു, കന്യാന, സാലെത്തൂറു, മേടു എന്നിവിടങ്ങളിലാണ് ചെക് പോസ്റ്റുകള് സ്ഥാപിച്ചിരിക്കുന്നത്. കേരളത്തില് നിന്ന് വരുന്ന എല്ലാ വാഹനങ്ങളും രണ്ടുതവണ പരിശോധിക്കും. ദേവിപുര റോഡില് മറ്റൊരു ചെക് പോസ്റ്റും തുറന്നിട്ടുണ്ട്. സുള്ള്യ താലൂക് പരിധിയില് കല്ലുഗുണ്ടി ജില്ലാ അതിര്ത്തി ചെക് പോസ്റ്റ്, സമ്ബാജെ ഫോറസ്റ്റ് ചെക് പോസ്റ്റ്, ജാല്സൂര് പൊലീസ് ചെക് പോസ്റ്റ്, നാര്ക്കോട് സംസ്ഥാന അതിര്ത്തി പോസ്റ്റ് എന്നിവിടങ്ങളിലും പരിശോധന ശക്തമാക്കിയിട്ടുണ്ട്.
കേരളത്തില് നിന്ന് ബിസിനസ്, ചികിത്സ, വിദ്യാഭ്യാസ, അഡ്മിഷന് ആവശ്യങ്ങള്ക്ക് അതിര്ത്തി കടന്നുവരുന്നവര് ഏറെയാണ്. വലിയ തുകകള് കൈവശം വെക്കുന്നവര് മതിയായ രേഖകള് കരുതേണ്ടത് പ്രധാനമാണ്. രേഖകള് ഇല്ല എന്ന കാരണത്താല് പിടിച്ചെടുക്കുന്ന പണം തെരഞ്ഞെടുപ്പ് പ്രക്രിയ കഴിഞ്ഞാല് മാത്രമാണ് തിരികെ ലഭിക്കാന് സാധ്യതയുള്ളത്. തെളിവില്ലാതെ അധിക പണം കൊണ്ടുപോകരുതെന്ന് അധികൃതര് പൊതുജനങ്ങളോട് നിര്ദേശിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
