ബെംഗളൂരു: മഞ്ചേശ്വരം ഹൊസങ്കടി രാജധാനി ജ്വലറി കവർചാക്കേസിൽ ജാമ്യത്തിലിറങ്ങിയ പ്രതി രണ്ടുപേർ മോഷ്ടിച്ച കാറിൽ കവർച്ച ചെയ്ത സ്വർണാഭരണങ്ങൾ കടത്തുന്നതിനിടെ ഉഡുപ്പിയിൽ പോലീസിന്റെ പിടിയിലായി.
ഉഡുപ്പി ജില്ലയിലെ റിയാസ് എന്ന മുഹമ്മദ് എന്ന റിയാസ് (39), രാജേഷ് ദേവാഡിഗ (38) എന്നിവരെയാണ് അറസ്റ്റ് ചെയ്തത്.
മുഹമ്മദ് റിയാസ് രണ്ടുവർഷം മുമ്പ് മഞ്ചേശ്വരം ഹൊസങ്കടിയിലെ രാജധാനി ജ്വലറിയിൽ കവർച്ച നടത്തിയ കേസിലെ മുഖ്യപ്രതിയാണ്. രാത്രിയിൽ കവർച കഴിഞ്ഞ് രക്ഷപ്പെടാൻ ശ്രമിച്ച ഇരുവരെയും ഉഡുപ്പി കോട്ട പോലീസ് ആണ് അറസ്റ്റ് ചെയ്തത്. ഇവർ കവർച്ച ചെയ്ത മൂന്ന് വാഹനങ്ങളും 15 ലക്ഷം രൂപയുടെ സ്വർണാഭരണങ്ങളും പോലീസ് കസ്റ്റഡിയിലെടുത്തു. കഴിഞ്ഞ സെപ്തംബറിൽ ബെംഗളൂരുവിൽ ഹോട്ടൽ ബിസിനസ് നടത്തുന്ന രാജേഷ് പൂജാരിയുടെ ബ്രഹ്മവാര താലൂക്കിലെ പാണ്ഡേശ്വരത്തുള്ള വസതിയിൽ ഇരുവരും കവർച്ച നടത്തിയതായി പോലീസ് പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
