ബെംഗളൂരു : മഹാദേയി ജല തർക്ക ട്രിബ്യൂണൽ (എംഡബ്ല്യുഡിടി) അവാർഡ് കേന്ദ്രം വിജ്ഞാപനം ചെയ്‌ത് രണ്ട് വർഷത്തിന് ശേഷം, തർക്കത്തിലുള്ള നദീതടത്തിലെ വെള്ളം ഉപയോഗിച്ച് ജലവൈദ്യുത പദ്ധതി നടപ്പിലാക്കുന്നതിനുള്ള ഉത്തരവ് ബിജെപി സർക്കാർ പുറപ്പെടുവിച്ചു.
മഹാദായിയും മേക്കേദാറ്റുമുൾപ്പെടെ വിവിധ ജലസ്രോതസ പദ്ധതികൾ നടപ്പാക്കുന്നതിൽ കോൺഗ്രസിന്റെ സമ്മർദ്ദം ബിജെപി സർക്കാർ നേരിടുന്ന സമയത്താണ് പദ്ധതിക്ക് സർക്കാർ അനുമതി നൽകിയിരിക്കുന്നത്.
ഈ മാസം ആദ്യം പുറത്തിറക്കിയ ഉത്തരവിൽ, എംഡബ്ല്യുഡിടിയുടെ അന്തിമ വിധി പ്രകാരം, മഹാദായി ജലവൈദ്യുത പദ്ധതി നടപ്പാക്കാൻ കർണാടക പവർ കോർപ്പറേഷൻ ലിമിറ്റഡിന് (കെപിസിഎൽ) സർക്കാർ അനുമതി നൽകിയിട്ടുണ്ട്.
കർണാടകയ്ക്ക് 8.02 ടിഎംസി ജലം വൈദ്യുതി ഉൽപാദനത്തിനായി ഉപയോഗിക്കാമെന്നാണ് മഹാദായി ജല തർക്ക ട്രിബ്യൂണലിന്റെ (എംഡബ്ല്യുഡിടി) അന്തിമ റിപ്പോർട്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
