ബെംഗളൂരു: ബെംഗളൂരുവിൽ 1-9 ക്ലാസുകളിലെ വിദ്യാർത്ഥികൾക്ക് ഫിസിക്കൽ ക്ലാസുകൾ പുനരാരംഭിക്കുമെന്ന് കർണാടക പ്രൈമറി ആൻഡ് സെക്കൻഡറി വിദ്യാഭ്യാസ മന്ത്രി ബി സി നാഗേഷ് സൂചന നൽകി. ബെംഗളൂരുവിൽ കൊവിഡ്-19 കേസുകൾ കുറഞ്ഞു വരുന്നതിനാൽ സ്കൂളുകൾ തുറക്കുന്നത് സംബന്ധിച്ച് മന്ത്രിസഭയിൽ അഭിപ്രായം തേടുമെന്നും അദ്ദേഹം പറഞ്ഞു.
അണുബാധയുടെ മൂന്നാം തരംഗത്തിന് മുമ്പ് മുൻകരുതൽ നടപടിയായിട്ടാണ് ബെംഗളൂരുവിലെ 1-9 വരെയുള്ള വിദ്യാർത്ഥികളുടെ ഫിസിക്കൽ ക്ലാസുകൾ അടച്ചത്. സംസ്ഥാനത്ത് ശരാശരിയേക്കാൾ ഉയർന്ന ടെസ്റ്റ് പോസിറ്റിവിറ്റി നിരക്ക് ബെംഗളൂരുവിൽ റിപ്പോർട്ട് ചെയ്തതിനാലാണ് സ്കൂളുകൾ തുറന്നിരിക്കുന്നതിൽ സർക്കാർ ആശങ്കാകുല പെട്ടിരുന്നതെന്ന് മന്ത്രി പറഞ്ഞു.
എന്നാലിപ്പോൾ, നഗരത്തിലും സംസ്ഥാനത്തും കേസുകൾ നാമമാത്രമായ ഇടിവ് കാണുന്നതിനാൽ, കുട്ടികൾക്കായി വീണ്ടും ക്ലാസുകൾ നടത്താൻ വിദ്യാഭ്യാസ വകുപ്പ് തയ്യാറാണെ ണെന്നും മന്ത്രി പറഞ്ഞു.പരീക്ഷകൾ അടുത്തിരിക്കുന്നതിനാൽ വിദ്യാർത്ഥികൾക്ക് ഫിസിക്കൽ ക്ലാസുകൾ വളരെ പ്രയോജനപ്പെടുമെന്നും അദ്ദേഹം കൂട്ടിച്ചേർത്തു
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
