Month: September 2020

ബെംഗളുരു : സൂപ്പർ താരം ദർശൻ നായകനായി 2012ൽ ഇറങ്ങിയ “സങ്കൊള്ളി രായണ്ണ “എന്ന സൂപ്പർഹിറ്റ് സിനിമയുടെ നിർമാതാവായ ആനന്ദ് ബാലകൃഷ്ണ അപ്പുഗോലിൻ്റെ 31.35 കോടി രൂപയുടെ സ്വത്തുവകകൾ എൻഫോഴ്സ്മെന്റ് ഡയറക്ടറേറ്റ്(ഇഡി) കണ്ടുകെട്ടി. ബൈളഗാവി ക്രാന്തി വീര സങ്കൊള്ളി രായണ്ണ സഹകരണ സൊസൈറ്റി എന്ന പേരിൽ പേരിൽ ബൈളഗാവിയിലുള്ള കോ-ഓപറേറ്റീവ് സൊസൈറ്റിയുടെ ചെയർമാനാണ് ആനന്ദ്. ഈ കോ-ഓപറേറ്റീവ് സൊസൈറ്റിയുടെ പേരിൽ 12-16% വാർഷിക പലിശ വാഗ്ദാനം ചെയ്ത് ആയിരത്തിലേറെ അംഗങ്ങളിൽ നിന്നു സ്ഥിര നിക്ഷേപമായി സമാഹരിച്ച 232 കോടി രൂപസമാഹരിച്ചുവെന്നും കാലാവധി കഴിഞ്ഞിട്ടും തുക മടക്കിക്കൊടുത്തില്ലെന്നുമുള്ള പൊലീസ്…

ബെംഗളൂരു: ബാംഗ്ലൂർ യൂണിവേഴ്‌സിറ്റി ഹോസ്റ്റലിലെ വിദ്യാർത്ഥികൾക്ക് കോവിഡ്. ജ്ഞാനഭാരതി കാമ്പസിലെ രണ്ടു ഹോസ്റ്റൽ വിദ്യാർഥികൾക്കാണ് കോവിഡ് സ്ഥിരീകരിച്ചത്. ദൊഡ്ഡബെല്ലാപുരയിൽനിന്നുള്ള വിദ്യാർഥിക്കും ജമ്മുകശ്മിരീൽനിന്നുള്ള വിദ്യാർഥിക്കുമാണ് കോവിഡ് പോസിറ്റീവായതെന്ന് ബാംഗ്ലൂർ യൂണിവേഴ്‌സിറ്റി വി.സി. കെ.ആർ. വേണുഗോപാൽ അറിയിച്ചു. ഇതോ ഹോസ്റ്റലിലെ എല്ലാ വിദ്യാർഥികളെയും കോവിഡ് പരിശോധനയ്ക്ക് വിധേയമാക്കും. എല്ലാ വിദ്യാർഥികളെയും പരിശോധിക്കുന്നതിനായി കാമ്പസിൽ മെഡിക്കൽ ക്യാമ്പ് നടത്തും. ഈ മാസം നടക്കേണ്ട പരീക്ഷ എഴുതുന്നതിനായാണ് കഴിഞ്ഞയാഴ്ച അവസാനവർഷ ബിരുദ വിദ്യാർഥികളും പി.ജി. വിദ്യാർഥികളും ഹോസ്റ്റലിലെത്തിയത്. റിവിഷൻ ക്ലാസുകൾ ഇപ്പോൾ നടക്കുന്നുണ്ട്. വിദ്യാർഥികളിൽ കുറെപ്പേർ ഹോസ്റ്റലിലെത്തിയശേഷം ആന്റിജൻ പരിശോധന നടത്തിയിരുന്നെങ്കിലും പോസിറ്റീവ്…

ബെംഗളുരു : സൈമൺ എന്ന നൈജീരിയൻ സ്വദേശി തന്റെ ഫ്ലാറ്റിൽ ലഹരി ഗുളികകൾ എത്തിച്ചിരുന്നതായി ലഹരി കേസിൽ അറസ്റ്റിലായ കന്നഡ നടി രാഗിണി ദ്വിവേദിയുടെ മൊഴി. രാഗിണിയും നടി സഞ്ജന ഗൽറാണിയും അന്വേഷണത്തോട് നിസ്സഹകരണം തുടരുന്നതിനിടെയാണ്  മണിക്കൂറുകളെടുത്തുള്ള ചോദ്യം ചെയ്യലെന്നും ബെംഗളുരു സെൻട്രൽ ക്രൈം ബ്രാഞ്ച് പൊലീസ് (സിസിബി) അറിയിച്ചു. ഇവരുടെ പൊലീസ് കസ്റ്റഡി നാളെ അവസാനിക്കും. ലഹരി ആവശ്യപ്പെട്ട് രാഗിണി സൈമണിന് അയച്ച് വാട്സാപ് സന്ദേശങ്ങളും കണ്ടെടുത്തു.

ബെംഗളൂരു: യൂസഫ് പട്ടേല്‍ പട്ടീല്‍ എന്നയാളുടെ ഹര്‍ജി പരിഗണിക്കവെയാണ് കോടതി ഇക്കാര്യം പറഞ്ഞത്. ആദ്യ ഭാര്യ നല്‍കിയ പരാതിയെ തുടര്‍ന്ന് ഇവരുടെ വിവാഹം റദ്ദാക്കിയ ഡിവിഷൻ ബഞ്ച് വിധി റദ്ദ് ചെയ്യണമെന്നാവശ്യപ്പെട്ട് ഇയാള്‍ നല്‍കിയ ഹര്‍ജി ഹൈക്കോടതി തള്ളി. മുസ്ലീങ്ങള്‍ക്ക് രണ്ടാം വിവാഹം നിയമപരമാണെങ്കിലും ആദ്യ ഭാര്യക്കെതിരെയുള്ള ക്രൂരതയാണെന്ന് കര്‍ണാടക ഹൈക്കോടതി പറഞ്ഞു. വിവാഹമോചനത്തിനുള്ള അവരുടെ ആവശ്യത്തിന് ന്യായമാണെന്നും കോടതി നിരീക്ഷിച്ചു. വിജയപുര സ്വദേശിയായ യൂസഫ് പട്ടേല്‍ 2014ലാണ് ശരിയാ നിയമമനുസരിച്ച് രാജംന്‍ബിയെ വിവാഹം കഴിക്കുന്നത്. എന്നാല്‍, ഏറെക്കഴിയും മുമ്പേ മറ്റൊരു യുവതിയെ ഇയാള്‍ വിവാഹം കഴിച്ചു.…

ബെംഗളൂരു: ആശുപത്രിയിൽ പോകാതെ കോവിഡിനെതിരേ പോരാടിയ 105കരി സുഖം പ്രാപിച്ചു. രാജ്യത്തുതന്നെ കോവിഡ് ബാധിച്ച് വീട്ടിൽ നിരീക്ഷണത്തിൽ കഴിഞ്ഞു രോഗമുക്തി നേടിയ ഏറ്റവും പ്രായംകൂടിയ വ്യക്തിയായിരിക്കുകയാണ് കൊപ്പാൾ കാടരാകി ഗ്രാമത്തിലെ കമലമ്മ ലിംഗനഗൗഡ. ഒരാഴ്ചമുമ്പാണ് കമലമ്മക്ക് കോവിഡ് സ്ഥിരീകരിച്ചത്. തുടർന്ന് കൊപ്പാൾ ടൗണിലെ മകന്റെ വീട്ടിലേക്ക് മാറി. പനി മാത്രമായിരുന്നു ഉണ്ടായിരുന്നത്. മറ്റു ആരോഗ്യപ്രശ്നങ്ങളൊന്നും ഇല്ലാത്തതിനാൽ വീട്ടിൽ നിരീക്ഷണത്തിൽ കഴിയാൻ ഡോക്ടർമാർ അനുവദിച്ചു. ആശുപത്രിയിൽ പോകാൻ കമലമ്മയ്ക്കും താത്പര്യമില്ലായിരുന്നു. ഏഴുദിവസത്തിനുശേഷം നടത്തിയ പരിശോധനയിൽ ഫലം നെഗറ്റീവാകുകയായിരുന്നു. വീട്ടിൽ നിരീക്ഷണത്തിലിരിക്കുമ്പോൾ ആവശ്യമായ നിർദേശങ്ങൾ നൽകിയത് കമലമ്മയുടെ…