ബെംഗളൂരു : നാട്ടിലേക്ക് മടങ്ങുന്നതിനിടെ മെജസ്റ്റിക് റെയിൽവെ സ്റ്റേഷനിൽ മലയാളി യുവാവിനെ കാ
ണാതായതായി പരാതി.
തിരുവനന്തപുരം നെയ്യാറ്റിൻകര തിരുപുറം ശുതിലയം വീട്ടിൽ രാജുവിന്റെയും പ്രസന്നയുടെയും
മകൻ അരുൺരാജി(38)നെയാണ് കാണാതായത്.
ബംഗളൂരു സുന്ദദ് ഘട്ട പ്രിയദർശിനി ആശുപത്രിക്ക് സമീപം സഹോദരനൊപ്പം ഭക്ഷണശാലയിൽ ജോലി നോക്കി വരികയായിരുന്നു.
കൊച്ചുവേളി എക്സ്പ്രസിൽ നാട്ടിലേക്ക് പോകാൻ കഴിഞ്ഞ തിങ്കളാഴ്ച ഉച്ചക്ക് ഒന്നരയോടെ സഹോദരനൊപ്പം മെജസ്റ്റിക് റെയിൽവെ സ്റ്റേഷനിലെത്തിയപ്പോഴാണ് അരുൺരാജിനെ കാണാതായത്. തുടർന്ന് റെയിൽവെ പോലീസിൽ പരാതി നൽകി.
സഹോദരൻ അശ്വിനിരാജും ബന്ധുക്കളും ചേർന്ന് ഒരാഴ്ചയായി നഗരത്തിന്റെ വിവിധ ഭാഗങ്ങളിൽ അന്വേഷണം നടത്തി
യെങ്കിലും കണ്ടെത്താനായില്ല.
ബുധനാഴ്ച മാഗഡി റോഡിലെ ലെപ്രസി ആശുപത്രിക്ക്
സമീപം വൈകീട്ട് ആറോടെ അരുൺരാജിനെ കണ്ടതായി
വിവരം ലഭിച്ചിരുന്നു. കാണാതായ അരുൺ രാജിന് ചെറിയതോതിൽ മാനസിക പ്രശ്നമുള്ളതായി സഹോദരൻ അറിയിച്ചു.
കണ്ടെത്തുന്നവർ 08281833330, 09746101020 നമ്പറുകളിൽ
വിവരമറിയിക്കണം.
