Year: 2019

ബെംഗളൂരു : വീഡിയോ കാളിൽ നിർബന്ധപൂർവ്വം വന്നതിന് ശേഷം നഗ്നത കാണിച്ച യുവാവിനെതിരെ ഫ്രഞ്ച് കാരിയായ യുവതി പോലീസിൽ പരാതി നൽകി. നഗരത്തിൽ ഒരു സ്വകാര്യ കമ്പനിയിൽ ജോലി ചെയ്യുന്ന 28 കാരിയാണ് പരാതി നൽകിയത്.കഴിഞ്ഞ ശനിയാഴ്ച രാത്രിയോടെ വീഡിയോ കോളിൽ വന്ന പുരുഷൻ പൂർണ നഗ്നൻ ആകുകയായിരുന്നു. കുറെ ദിവസങ്ങൾക്ക് മുന്പ് മുതൽ തന്നെ മറ്റൊരു നമ്പറിൽ നിന്ന് തുടർച്ചയായ വാട്സ് ആപ് സന്ദേശങ്ങൾ യുവതിക്ക് ലഭിക്കുന്നുണ്ടായിരുന്നു. കഴിഞ്ഞ ആഴ്ച ഒരു അശ്ലീല സന്ദേശവും ലഭിച്ചു ,അതിന് 2 ദിവസത്തിന് ശേഷമാണ് സംഭവം.…

ബെംഗളൂരു: ഉഡുപ്പിയിലെ സെയിന്റ് മേരീസ് ദ്വീപിൽ മലയാളി വിനോദ സഞ്ചാരികളുടെ സംഘം ഒരു രാത്രി മുഴുവൻ കുടുങ്ങി. കൊച്ചി സ്വദേശികളായ ജസ്റ്റിൻ (34), ഷീജ (33), ജോഷ് (28), ഹരീഷ് (17) എന്നിവരാണ് ദ്വീപിൽ അകപ്പെട്ടത്. വിനോദസഞ്ചാര കേന്ദ്രമായ ഇവിടം സന്ദർശിക്കാനെത്തിയ സംഘമാണ് കുടുങ്ങിയത്. ദ്വീപിൽനിന്ന് തീരത്തേക്കുള്ള അവസാനബോട്ട് ഇവരെ കയറ്റാതെ പോയതോടെ നാൽവർ സംഘത്തിന് കൊച്ചുദ്വീപിൽ ഭക്ഷണംപോലും കിട്ടാതെ ഒരു രാത്രി കഴിച്ചുകൂട്ടേണ്ടിവന്നു. ശനിയാഴ്ച ഉച്ചയോടെയാണ് സംഘം സെയ്ന്റ് മേരീസ് ദ്വീപിലെത്തിയത്. അവിടെനിന്ന് തൊട്ടടുത്ത ദ്വീപ് കാണാനായി ഇവർ പോയി. എന്നാൽ വൈകീട്ടോടെ…

ബെംഗളൂരു : മംഗളൂരു – ബെംഗളൂരു ദേശീയ പാതയിൽ ചന്നരായണ പട്ടണക്ക് സമീപം ഇന്ന് പുലർച്ചെ 2 മണിയോടെ ഉണ്ടായ അപകടത്തിൽ ഒരു യാത്രക്കാരൻ മരിച്ചു. 25 പേർക്ക് പരിക്കേറ്റു, ഇവരെ സമീപത്തെ ആശുപത്രികളിൽ പ്രവേശിപ്പിച്ചിരിക്കുകയാണ്. ദക്ഷിണ കന്നഡ ജില്ലയിലെ ബന്ദ്വാളിൽ നിന്നുള്ള അഭിഷേക് (28) ആണ് മരിച്ചത്. മംഗളൂരുവിൽ നിന്ന് നഗരത്തിലേക്ക് വരികയായിരുന്ന ബസ്സിൽ 46 യാത്രക്കാർ ഉണ്ടായിരുന്നു. എതിർ ദിശയിൽ പെട്ടെന്ന് കാർ വന്നതിനാൽ ഡ്രൈവർക്ക് ബസിന്റെ നിയന്ത്രണം നഷ്ടപ്പെട്ടതാണ് അപകടത്തിന് കാരണം എന്നതാണ് ആദ്യ നിഗമനം.

ബെംഗളൂരു: കർണാടക എക്സാമിനേഷൻ അതോറിറ്റി(കെ.ഇ.എ.)യുടെ വെബ്‌സൈറ്റ് ഹാക്ക് ഹാക്ക് ചെയ്ത് വിദ്യാർഥികളുടെ വിവരങ്ങൾ ചോർത്തിയതായി പരാതി. എൻജിനിയറിങ് ഉൾപ്പെടെയുള്ള പ്രൊഫഷണൽ കോഴ്‌സുകൾക്കായുള്ള പൊതുപ്രവേശന പരീക്ഷയ്ക്ക് (സി.ഇ.ടി.) രജിസ്റ്റർചെയ്ത വിദ്യാർഥികളുടെയും രക്ഷിതാക്കളുടെയും വിവരങ്ങളാണ് ചോർത്തിയത്. സ്വകാര്യ മാർക്കറ്റിങ് ഏജൻസിയാണ് വെബ്‌സൈറ്റ് ഹാക്ക് ചെയ്തതെന്ന് കെ.ഇ.എ. മുൻ അഡ്മിനിസ്‌ട്രേറ്റീവ് ഓഫീസർ എം. ശില്പ പോലീസിൽ നൽകിയ പരാതിയിൽ പറഞ്ഞു. ജൂലായ് അഞ്ചിന് വിവരങ്ങൾ ചോർത്തിയകാര്യം ശ്രദ്ധയിൽപ്പെട്ടിരുന്നെങ്കിലും നവംബർ 21-നാണ് പരാതിനൽകിയത്. 2019-20 അധ്യയനവർഷത്തെ പ്രവേശനനടപടികൾ തുടങ്ങിയതു മുതൽ വിവരങ്ങൾ ചോർന്നിരുന്നതായി വിദ്യാർഥികൾ ആരോപിച്ചു. കെ.ഇ.എ.യിൽ രജിസ്റ്റർചെയ്ത വിദ്യാർഥികളുടെയും…

ബെംഗളൂരു: കോൺഗ്രസിൽനിന്ന് കൂടുതൽ എം. എൽ.എ.മാർ തന്നോടൊപ്പമുണ്ടെന്ന് ബി.ജെ.പി. സ്ഥാനാർഥിയും കോൺഗ്രസ് വിമതനുമായ രമേശ് ജാർക്കിഹോളി. തനിക്കെതിരേ അടിസ്ഥാനരഹിത ആരോപണങ്ങൾ ഉന്നയിച്ചാൽ നഷ്ടം കോൺഗ്രസിനായിരിക്കുമെന്നും രമേശ് ജാർക്കിഹോളി പറഞ്ഞു. ഉപതിരഞ്ഞെടുപ്പിനുള്ള അവസരമൊരുക്കിയിത് കോൺഗ്രസാണ്. ഇതിൽ ബി.ജെ.പി.ക്ക് പങ്കില്ല. മണ്ഡലത്തിലെ വികസനവും ജനങ്ങളുടെ ക്ഷേമവും മുന്നിൽ കണ്ടാണ് കോൺഗ്രസിൽനിന്ന് രാജിവെച്ചതെന്നും അദ്ദേഹം പറഞ്ഞു.