Day: 28 November 2019

ബെംഗളൂരു: മാലിന്യ സംസ്കരണത്തിൽ വീഴ്ചവരുത്തിയ ലിഡോ മാളിന് മൂന്നുലക്ഷം രൂപ പിഴചുമത്തി ബി.ബി.എം.പി. ഇവിടെ നിന്ന് അനധികൃതമായി പുലർച്ചെ 2:30ന് മാലിന്യം കൊണ്ടു പോയ വാഹനം ബി.ബി.എം.പി മാർഷലുകൾ കയ്യോടെ പിടികൂടുകയായിരുന്നു. ഖര -ദ്രവ മാലിന്യം വേർതിരിക്കാതെയാണ് കൊണ്ടുപോയതെന്നും ഉദ്യോഗസ്ഥർ പറഞ്ഞു. അൾസൂരിൽ മുൻപ് ഉണ്ടായിരുന്ന ലിഡോ എന്ന സിനിമാ തീയേറ്റർ നിന്ന ഭാഗത്താണ് ലിഡോ മാൾ ഏതാനും വർഷങ്ങൾക്ക് മുമ്പ് നിർമ്മിച്ചത്. നഗരത്തിൽ കൂടുതൽ പേരെത്തുന്ന മാളുകളിൽ ഒന്നായ ലിഡോ എം.ജി.റോഡിന്റെ അവസാനവും അൾസൂർ തടാകത്തിന്ന് വളരെ ദൂരെയുമല്ലാതെയാണ് സ്ഥിതി ചെയ്യുന്നത്.

ബെംഗളൂരു : ബിഎംടിസി ഏറെ പ്രതീക്ഷയോടെ അവതരിപ്പിച്ച ബസ് ലൈൻ പദ്ധതി വൻ വിജയകരമാണെന്ന് ആദ്യ സർവ്വേ ഫലം. സിൽക്ക് ബോർഡ് ജംഗ്ഷൻ മുതൽ ബയപ്പനഹള്ളിവരെ ബിഎംടിസി ബസ്സുകൾക്ക് മാത്രമായി ഏർപ്പെടുത്തിയ പാതയിലൂടെ തിരക്കുള്ളപ്പോൾ യാത്രാസമയം ശരാശരി 7 മിനിറ്റ് കുറഞ്ഞതായി സിറ്റിസൺസ് ഫോർ ബെംഗളൂരു നടത്തിയ സർവ്വേയിൽ കണ്ടെത്തി. വലിയ പണച്ചെലവില്ലാതെ അടിസ്ഥാന സൗകര്യങ്ങൾ ഒരുക്കി, വലിയ മാറ്റം ഉണ്ടാക്കിയ ബസ് ലൈനിനെകുറിച്ച് യാത്രക്കാർക്ക് അഭിപ്രായങ്ങൾ ഇവയാണ്. ഓഫീസിലേക്കും തിരികെയുമുള്ള യാത്രയിൽ ബസ് ലൈൻ വലിയ മാറ്റം ഉണ്ടാക്കിയതായി സർവ്വേയിൽ പങ്കെടുത്ത 55%…

ബെംഗളൂരു: നഴ്സറി ക്ലാസിൽ‍ മൂത്രമൊഴിച്ചതിനു 3 വയസുകാരനെ കത്തി ഉപയോഗിച്ച് ആയ ഉപദ്രവിച്ചതായി പരാതി. ചിക്കമഗളൂരുവിലാണ് സംഭവം. പുറത്തും തലയ്ക്കും മുറിവേറ്റു രക്തം വാർന്ന കുട്ടിയെ ഉടൻ ആശുപത്രിയിൽ പ്രവേശിപ്പിച്ചു. കുട്ടി അപകടനില തരണം ചെയ്തതായി പൊലീസ് അറിയിച്ചു. നിക്കറിൽ മൂത്രമൊഴിച്ച കുട്ടിയോട് പാചകക്കാരി മാല ദേഷ്യപ്പെടുകയും കറിക്കത്തി ഉപയോഗിച്ച് ആക്രമിക്കുകയുമായിരുന്നു. മാലയ്ക്കെതിരെയും സംഭവം നടക്കുമ്പോൾ ഫോണിൽ സംസാരിച്ചിരുന്ന അധ്യാപികയ്ക്കെതിരെയും പോലീസ് കേസെടുത്തു.

ബെംഗളൂരു : ഇന്ന് പുലർച്ച 3.40ന് ദോഹയിലേക്ക് പുറപ്പെടേണ്ട ഖത്തർ എയർവേയ്‌സ് കമ്പനിയുടെ QR573 എന്ന വിമാനം യാത്രക്കാരെ കയറ്റി റൺവേയിൽ തന്നെ തുടരുന്നു. സാകേതിക തകരാർ എന്നാണ് യാത്രകാരെ അറിയിച്ചിരിക്കുന്നത്. ഇന്ധന ടാങ്കിലെ അളവ് കൃത്യമായി കാണിക്കാത്തതിനാൽ വിമാന കമ്പനിയുടെ എൻജിനിയറിങ് വിഭാഗം പരിശോധന നടത്തി കൊണ്ടിരിക്കുന്നു എന്ന് യാത്രക്കാരിൽ ഒരാൾക്ക് ലഭിച്ച വിവരം. ഇന്നലെയും ഇതേ വിമാനം റദ്ധാക്കിയിരുന്നു. ഇന്നലെ വിമാനം റദ്ധാക്കിയപ്പോൾ പല യാത്രകരെയും ഹോട്ടലിലേക്ക് മാറ്റിയിരുന്നു.പക്ഷേ യാത്രക്കാരുടെ ലഗേജുകൾ വിമാനത്താവളത്തിൽ നിന്ന് വിട്ടു കൊടുത്തിരുന്നില്ല . രണ്ടാം ദിവസവും ബുദ്ധിമുട്ട്…