Month: September 2019

ബെംഗളൂരു: ശനിയാഴ്ച പുലർച്ചെ  ഉഡുപ്പിക്ക് സമീപത്തായിരുന്നു കവർച്ച. നേത്രാവതി എക്സ്പ്രസ് തീവണ്ടിയിൽ എ.സി. കോച്ചിൽ കേരളത്തിൽനിന്ന് മുംബൈയിലേക്കുള്ള യാത്രാമധ്യേ മൂന്നു മലയാളികളാണ് കവർച്ചയ്ക്കിരയായത്. കായംകുളത്തുനിന്ന് യാത്രചെയ്ത കുടുംബത്തിന്റെ എട്ടരപ്പവൻ സ്വർണവും മൈാബൈൽ ഫോണും 3,000 രൂപയും നഷ്ടമായി. കവർച്ചയ്ക്കിരയായ മറ്റു രണ്ടുപേർ പരാതി നല്കിയിട്ടില്ല. ബാഗിലുണ്ടായിരുന്ന പാൻ കാർഡും ആധാർ കാർഡും ഉപേക്ഷിച്ചനിലയിൽ ശൗചാലയത്തിന്റെ അരികിൽനിന്ന് കിട്ടി. നവിമുംബൈയിലാണ് ഈ കുടുംബം താമസിക്കുന്നത്. റെയിൽവേ പോലീസിൽ പരാതി നല്കി.

ബെംഗളൂരു: സംസ്ഥാനത്ത് വരാനിരിക്കുന്ന നിയമസഭാ ഉപതിരഞ്ഞെടുപ്പിൽ കോൺഗ്രസ് ഒറ്റയ്ക്ക് മത്സരിക്കാനൊരുങ്ങുന്നു. സഖ്യം തുടരുന്ന കാര്യത്തിൽ അനിശ്ചിതത്വം നിലനിൽക്കെ ഉപതിരഞ്ഞെടുപ്പിൽ കോൺഗ്രസ് ഒറ്റയ്ക്ക് മത്സരിക്കുമെന്ന് വ്യക്തമാക്കി കെ.പി.സി.സി. പ്രസിഡന്റ് ദിനേശ് ഗുണ്ടുറാവു രംഗത്തെത്തി. സ്ഥാനാർഥി നിർണയവുമായി ബന്ധപ്പെട്ടും തിരഞ്ഞെടുപ്പിനൊരുങ്ങുന്നതിനെ കുറിച്ചും ദിനേശ് ഗുണ്ടുറാവു, നിയമസഭാ കക്ഷി നേതാവ് സിദ്ധരാമയ്യ എന്നിവർ ചർച്ച നടത്തി. ഇതിനുശേഷമാണ് ഉപതിരഞ്ഞെടുപ്പിൽ ഒറ്റയ്ക്കു മത്സരിക്കാനുള്ള സാധ്യത ഗുണ്ടുറാവു മുന്നോട്ടുവെച്ചത്. ഒറ്റയ്ക്ക് മുന്നോട്ടുപോകാനാണ് നിലവിലെ തീരുമാനമെന്നായിരുന്നു ഗുണ്ടുറാവു യോഗത്തിനുശേഷം മാധ്യമങ്ങളോട് പ്രതികരിച്ചത്. കെ.ആർ. പേട്ട്, ചിക്കബെല്ലാപുര, ഹൊസകോട്ട, റാണെബെന്നൂർ എന്നീ നിയമസഭാ മണ്ഡലങ്ങളിലെ കോൺഗ്രസ് നേതാക്കളും…

ബെംഗളൂരു: 20 ജെ.ഡി.എസ് എം.എല്‍.എമാര്‍ രാജിക്ക് തയ്യാറാണെന്ന എം.എല്‍.എ നാരായണ ഗൗഡയുടെ പ്രസ്താവനയ്ക്ക് മറുപടിയുമായി മുന്‍ പ്രധാനമന്ത്രിയും ജെ.ഡി.എസ് നേതാവുമായ എച്ച്.ഡി.ദേവദൗഡ. ആരും പാര്‍ട്ടി വിട്ട് പുറത്തുപോകുന്നില്ലെന്നും അദ്ദേഹം എന്താണ് പറയുന്നതെന്നും ദേവഗൗഡ ചോദിച്ചു. ആരും എങ്ങോട്ടും ഓടിപ്പോവില്ല. അദ്ദേഹം എന്താണ് പറഞ്ഞത്, വളരെ മോശമായാണ് അയാള്‍ സംസാരിക്കുന്നതെന്നും ദേവഗൗഡ കൂട്ടിച്ചേര്‍ത്തു. എംഎല്‍എമാരായ ജി.ടി.ദേവ ഗൗഡയും എസ്.ആര്‍.മഹേഷും തമ്മില്‍ അഭിപ്രായവ്യത്യാസം നിലനില്‍ക്കുന്നുണ്ടെന്ന് സമ്മതിച്ച ദേവഗൗഡ എന്നാല്‍ അവര്‍ പാര്‍ട്ടിവിടുമെന്ന് സൂചിപ്പിച്ചിട്ടില്ലെന്നും വ്യക്തമാക്കി. സഖ്യസര്‍ക്കാരിന്റെ വീഴ്ച്ചക്ക് കാരണമായ വിമത നീക്കം നടത്തി രൗജി നല്‍കിയ 17…

ബെംഗളൂരു: വിദ്യാർത്ഥികളുടെ ക്ലാസ്സിനുള്ളിലെ മൊബൈൽ ഫോൺ ഉപയോഗത്തിൽ ക്ഷുഭിതനായി എംഇഎസ്പിയു കോളേജ് പ്രിന്‍സിപ്പാള്‍ ഫോണുകള്‍ തല്ലിത്തകര്‍ത്തു!! വിദ്യാര്‍ത്ഥികള്‍ മൊബൈല്‍ ഫോണ്‍ ഉപയോഗിക്കുന്നത് ശ്രദ്ധയില്‍പ്പെട്ട പ്രിന്‍സിപ്പാള്‍ കുട്ടികളുടെ മുമ്പില്‍ വെച്ച് ഫോണുകള്‍ ചുറ്റിക ഉപയോഗിച്ച് തല്ലിത്തകര്‍ക്കുകയായിരുന്നു. പ്രിന്‍സിപ്പാള്‍ ആര്‍ എം ഭട്ട് മൊബൈല്‍ ഫോണുകള്‍ തല്ലിത്തകര്‍ക്കുന്നതിന്റെ വീഡിയോ സോഷ്യല്‍ മീഡിയയില്‍ പ്രചരിച്ചിരുന്നു. ക്ലാസ് മുറിക്കുള്ളില്‍ മൊബൈല്‍ ഫോണ്‍ ഉപയോഗിക്കുന്നതില്‍ നിന്നും വിദ്യാര്‍ത്ഥികളെ വിലക്കിയിട്ടുണ്ട്. അനുവദനീയമല്ലാതിരുന്നിട്ടും ചില വിദ്യാര്‍ത്ഥികള്‍ മൊബൈല്‍ ഫോണുകള്‍ ഉപയോഗിക്കുന്നതായി അധ്യാപകരുടെ ശ്രദ്ധയില്‍പ്പെട്ടിരുന്നു. ഇനിയും ഇത് ആവര്‍ത്തിക്കരുതെന്നും പിടിക്കപ്പെട്ടാല്‍ മൊബൈല്‍ ഫോണുകള്‍ നശിപ്പിക്കുമെന്നും അധ്യാപകര്‍ വിദ്യാര്‍ത്ഥികള്‍ക്ക് മുന്നറിയിപ്പ്…

ബെംഗളൂരു: ഇന്ത്യയെ ഒന്നിച്ചുനിർത്താൻ ഹിന്ദിക്കാണ് കഴിയുകയെന്ന അമിത്ഷായുടെ പ്രസ്താവനയ്ക്കെതിരെ കന്നഡ അനുകൂല സംഘടനകളുടെ പ്രതിഷേധം. ശനിയാഴ്ച ബെംഗളൂരുവിലും സംസ്ഥാനത്തെ മറ്റുപ്രദേശങ്ങളിലും കർണാടക രക്ഷണ വേദികെ, കർണാടക രണധീര പടെ തുടങ്ങിയ സംഘടനകളുടെ നേതൃത്വത്തിൽ വ്യാപക പ്രതിഷേധമാണ് അരങ്ങേറിയത്. ഹിന്ദി അടിച്ചേൽപ്പിക്കാനുള്ള നീക്കം അനുവദിക്കില്ലെന്നും ഹിന്ദിദിവസ് രാജ്യം മുഴുവൻ ആചരിക്കുന്നത് പിൻവലിക്കണമെന്നും സമരക്കാർ ആവശ്യപ്പെട്ടു. ബെംഗളൂരു ടൗൺഹാളിനുമുന്നിലും അനന്ത്‌റാവു സർക്കിളിലും നടന്ന പ്രതിഷേധങ്ങളിൽ നൂറുകണക്കിനുപേരാണ് പങ്കെടുത്തത്. മറ്റുഭാഷകൾക്ക് സമാനമായ പ്രാധാന്യമേ ഹിന്ദിക്കുള്ളൂവെന്നും അമിത്ഷായുടെ പ്രസ്താവന പിൻവലിക്കണമെന്നും ആവശ്യപ്പെടുന്ന പോസ്റ്ററുകളും ബാനറുകളും ഉയർത്തിയായിരുന്നു പ്രതിഷേധം. പ്രതിഷേധങ്ങളെത്തുടർന്ന് നഗരത്തിൽ…