Day: 22 June 2019

ബെംഗളൂരു: കര്‍ണാടകയുടെ തെക്കന്‍ മേഖലയില്‍,ബെംഗളൂരു ഉള്‍പ്പെടുന്ന സ്ഥലങ്ങളില്‍ ഇന്നും നാളെയും കനത്ത മഴയ്ക്ക് സാധ്യത ഉണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.40 മില്ലി മീറ്ററോളം മഴ ലഭിച്ചേക്കാം എന്നാണ് പ്രവചനം. 9 വര്‍ഷത്തിനിടയില്‍ സംസ്ഥാനത്ത് കാലവര്‍ഷം ഇത്രയധികം വൈകുന്നത് ആദ്യമായാണ്.കാലവര്‍ഷം സജീവമാകാത്തതിനാല്‍ 33% കുറവ് മഴയാണ് സംസ്ഥാനത്ത് ഇതുവരെ ലഭിച്ചത്. മഴ ലഭിക്കാന്‍ ക്ലൌഡ് സീടിംഗ് അടക്കമുള്ള വഴികള്‍ തേടാന്‍ സര്‍ക്കാര്‍ ശ്രമം തുടങ്ങിക്കഴിഞ്ഞു.

ബെംഗളൂരു: ഉത്തര കർണാടകയിലെ യദ്ഗിർ ജില്ലയിലെ സന്ദർശനത്തിനിടെയാണ് സംഭവം. സർക്കാർ സ്കൂളിൽ നിലത്ത് കിടന്നുറങ്ങി സമൂഹ്യമാധ്യമങ്ങളിൽ ശ്രദ്ധ പിടിച്ചുപറ്റിയിരിക്കുകയാണ് മുഖ്യമന്ത്രി എച്ച്.ഡി കുമാരസ്വാമി. ഗ്രാമ വാസ്തവ്യ പരിപാടിയുടെ ഭാഗമായി ചന്ദ്രകി ഗ്രാമത്തിലെത്തുകയായിരുന്നു. നൂറ് കണക്കിനാളുകളാണ് പരിപാടിയിൽ പങ്കെടുത്ത് മുഖിയമന്ത്രിയോട് പ്രശ്നങ്ങൾ അവതരിപ്പിച്ചത്. രാത്രിയിൽ സ്കൂളിലെ വിദ്യാർഥികളോടൊപ്പം ഭക്ഷണം കഴിച്ച കുമാരസ്വാമി നിലത്ത് കിടന്നുറങ്ങുകയും ചെയ്തു. പിന്നീട് ഇതേക്കുറിച്ചുള്ള ചോദ്യത്തിന് ജനങ്ങൾക്കുവേണ്ടി റോഡിൽ കിടന്നുറങ്ങാനും തയ്യാറാണെന്നായിരുന്നു അദ്ദേഹത്തിന്റെ മറുപടി.

ബെംഗളൂരു: ‘ഗ്രാമ വാസ്തവ്യ’ പരിപാടിയുടെ ഭാഗമായി ചന്ദ്രകി ഗ്രാമത്തിലെ ആളുകളുകളുടെ പ്രശ്നങ്ങൾ ആരാഞ് മുഖ്യമന്ത്രി. ചന്ദ്രകി ഗ്രാമത്തിലെ ആളുകളുടെ പ്രശ്നങ്ങൾ കേൾക്കുകയും സാംസ്കാരിക പരിപാടികളിൽ പങ്കെടുക്കുകയും ചെയ്തതായി അധികൃതർ അറിയിച്ചു. നല്ല സ്കൂളുകളില്ലാത്തതും ആരോഗ്യമേഖലയിലും അടിസ്ഥാന വികസന മേഖലയിലുമുള്ള പ്രശ്നങ്ങളും ജനങ്ങൾ കുമാരസ്വാമിയുമായി സംസാരിച്ചു.