Day: 21 March 2018

ബെംഗളൂരു : ഹെൽമറ്റ് ധരിക്കാത്തതിനു പലതവണ പിഴയീടാക്കിയിട്ടും നന്നാകാത്ത ഇരുചക്രവാഹന യാത്രക്കാരെ ബോധവൽക്കരണത്തിലൂടെ നന്നാക്കാൻ ട്രാഫിക് പൊലീസ്. ഹെൽമറ്റില്ലാതെ വാഹനമോടിക്കുന്നവരുടെ എണ്ണം വർധിക്കുന്ന സാഹചര്യത്തിലാണ് സിറ്റി ട്രാഫിക് പൊലീസിന്റെ നടപടി. വാഹനമോടിക്കുന്നവർക്കും പിന്നിൽ യാത്ര ചെയ്യുന്നവർക്കും ഹെൽമറ്റ് നിർബന്ധമാണ്. ഹെൽമറ്റ് ഉപയോഗിക്കുന്നവരിൽതന്നെ പലരും സ്ട്രാപ്പ് ഇടാതെയാണ് ഹെൽമറ്റ് തലയിൽ വയ്ക്കുന്നത്. നഗരത്തിലെ വാഹനാപകടങ്ങളിൽ ഉൾപ്പെടുന്നവരിൽ അറുപതുശതമാനവും ഇരുചക്രവാഹനയാത്രികരാണെന്നു ട്രാഫിക് അഡീഷനൽ കമ്മിഷണർ എച്ച്. ഹിതേന്ദ്ര പറഞ്ഞു. 18 വയസ്സിനും 40 വയസ്സിനും ഇടയിലുള്ളവരാണ് അപകടത്തിൽപെടുന്നവരിൽ ഏറെയും. തലയ്ക്കു മാരക ക്ഷതമേറ്റ് മരണത്തിനു കീഴടങ്ങുന്നവരുടെ എണ്ണം…

ബെംഗളൂരു : മധ്യവേനൽ അവധിക്കു സംസ്ഥാനത്തു പവർ കട്ട് ഉണ്ടാകില്ലെന്ന് ഊർജമന്ത്രി ഡി.കെ.ശിവകുമാർ. വേനലിൽ 900 മെഗാവാട്ട് അധിക വൈദ്യുതി ലഭ്യമാക്കാൻ നടപടി സ്വീകരിച്ചിട്ടുണ്ട്. വേനൽ കഴിയും വരെ കേബിൾ മാറ്റൽ ഉൾപ്പെടെയുള്ള അറ്റകുറ്റപ്പണികൾ അനുവദിക്കരുതെന്നു വകുപ്പിനു കർശന നിർദേശം നൽകിയിട്ടുമുണ്ട്. കർണാടകയിൽ മണിക്കൂറുകളോളം വൈദ്യുതി മുടങ്ങുന്നുവെന്ന് സംസ്ഥാനത്തെ ബിജെപിയുടെ ചുമതലയുള്ള കേന്ദ്രമന്ത്രി പ്രകാശ് ജാവഡേക്കറിന്റെ ആരോപണവും ശിവകുമാർ തള്ളി. സംസ്ഥാനത്തെ താപ വൈദ്യുത നിലയങ്ങൾക്കു നൽകേണ്ട കൽക്കരി വിഹിതം കേന്ദ്ര സർക്കാർ വെട്ടിക്കുറച്ചു. സംസ്ഥാനത്തിനെതിരെ അടിസ്ഥാന രഹിതമായ ആരോപണങ്ങൾ ഉന്നയിക്കുന്നതിനു പകരം കൽക്കരി…

ബെംഗളൂരു: ലിംഗായത്ത്- വീരശൈവ പ്രത്യേക ന്യൂനപക്ഷ മതരൂപീകരണ വിഷയത്തിൽ ഭാവിനടപടികൾ ആലോചിക്കാനായി അഖില ഭാരതീയ വീരശൈവ മഹാസഭ 23ന് യോഗം ചേരും. പ്രത്യേക മതപദവി നൽകാനുള്ള സർക്കാർ തീരുമാനത്തെ തള്ളുന്നതായും വീരശൈവ നേതാക്കളുമായും മഠാധിപതികളുമായും കൂടിയാലോചിച്ച ശേഷം 23ന് ഭാവി നടപടികളെ കുറിച്ചു തീരുമാനമെടുക്കുമെന്നും മുതിർന്ന കോൺഗ്രസ് നേതാവും അഖില ഭാരതീയ വീരശൈവ മഹാസഭ പ്രസിഡന്റുമായ ശാമന്നൂർ ശിവശങ്കരപ്പ അറിയിച്ചു. ആദ്യം സംസ്ഥാന സർക്കാർ തീരുമാനത്തെ സ്വാഗതം ചെയ്ത ശാമന്നൂർ നിലപാടു മാറ്റിയതോടെ, വീരശൈവരുടെ ആസ്ഥാനമായ പഞ്ചപീഠ, വിരക്ത മഠങ്ങളും വീരശൈവ മഹാസഭയും അഭിപ്രായസമന്വതയിൽ…

ബെംഗളൂരു : നമ്മ മെട്രോ ട്രെയിനുകളുടെ സമയവിവരം ഇനി ഗൂഗിൾ മാപ്പിലൂടെ അറിയാം. മെട്രോ സ്റ്റേഷൻ ലൊക്കേഷൻ നൽകിയാൽ സ്റ്റേഷനിലെത്തുന്ന ട്രെയിനുകളുടെ സമയവും ഇടവേള സംബന്ധിച്ചും കൃത്യമായ വിവരം ലഭിക്കും. പർപ്പിൾ ലൈനിലൂടെയും ഗ്രീൻ ലൈനിലൂടയും സഞ്ചരിക്കുന്ന ട്രെയിനുകളുടെ എല്ലാ വിവരവും മാപ്പിലൂടെ ലഭ്യമാകുമെന്നു ബിഎംആർസിഎൽ മാനേജിങ് ഡയറക്ടർ മഹേന്ദ്ര ജെയിൻ പറഞ്ഞു. നിലവിൽ മെട്രോ സ്റ്റേഷനുള്ളിലെത്തിയാൽ മാത്രമേ ട്രെയിനിന്റെ സമയവിവരങ്ങൾ ലഭ്യമായിരുന്നുള്ളൂ. ഗൂഗിൾ മാപ്പിൽ മെട്രോ സ്റ്റേഷൻ എന്നുള്ളതിന് ഇംഗ്ലിഷിൽ എം എന്നാണ് രേഖപ്പെടുത്തിയിരിക്കുന്നത്. നിലവിൽ ബിഎംടിസി ബസുകളുടെ സമയവും റൂട്ട് നമ്പറും…