ബെംഗളൂരു ∙ ബിബിഎംപിയുടെ നിയന്ത്രണത്തിലുള്ള പാർക്കുകളിൽ വനിതകൾക്കു മാത്രമായി ജിംനേഷ്യം ആരംഭിക്കുന്നു. ബ്രിഗേഡ് റോഡിൽ വനിതകൾക്കായുള്ള പാർക്കിങ് കേന്ദ്രം ആരംഭിച്ചതിന് പിന്നാലെയാണു പാർക്കുകളിൽ ലേഡീസ് ഓൺലി ജിംനേഷ്യം ആരംഭിക്കുന്നതെന്ന് മേയർ സമ്പത്ത് രാജ് പറഞ്ഞു.
നിലവിൽ റസിഡന്റ്സ് അസോസിയേഷനുകളുടെ സഹകരണത്തോടെ ചില പാർക്കുകളിൽ വനിതകൾക്കായുള്ള ജിംനേഷ്യം പ്രവർത്തിക്കുന്നുണ്ട്. പാർക്കുകളിലെ സുരക്ഷയ്ക്കായി കൂടുതൽ സിസിടിവി ക്യാമറകളും സ്ഥാപിക്കുമെന്ന് മേയർ പറഞ്ഞു.
