Day: 5 October 2017

ബെംഗളൂരു ∙ പ്രതിരോധ നിർമാണ രംഗത്തെ പൊതുമേഖലാ സ്ഥാപനമായ ഹിന്ദുസ്ഥാൻ എയറോനോട്ടിക്സ് ലിമിറ്റഡ് 10 ശതമാനം ഓഹരികൾ വിൽക്കുന്നതിനുള്ള നടപടികളിലേക്കു കടന്നു. 2012ൽ കേന്ദ്ര സർക്കാർ അനുമതി നൽകിയതിനെ തുടർന്നാണിത്. 10 രൂപ മുഖവിലയുള്ള 3615 ഓഹരികൾ വിൽക്കാനാണു തീരുമാനം. ഇന്ത്യൻ സേനകൾക്കായി വിമാനങ്ങൾ നിർമിക്കുകയും അറ്റകുറ്റപ്പണികൾ നിർവഹിക്കുകയും ചെയ്യുന്ന എച്ച്എഎല്ലിന്റെ ഓഹരികൾ ഐപിഒ (ഇനീഷ്യൽ പബ്ലിക് ഓഫർ) പുറത്തിറക്കാനുള്ള തയാറെടുപ്പിലാണ്. പോർവിമാനങ്ങൾ നിർമിക്കുന്ന പദ്ധതികൾ ഏറ്റെടുക്കുന്നതിനായി റിലയൻസ് ഡിഫൻസും ആദാനി ഗ്രൂപ്പും ടാറ്റാ ഗ്രൂപ്പുമൊക്കെ മുന്നോട്ടു വന്നിരിക്കുന്നതിനിടെയാണു സർക്കാരിന്റെ നടപടി. വലിയൊരു നാഴികക്കല്ലാണിതെന്ന്…