Day: 30 September 2017

ബെംഗളുരു: ബെംഗളുരു മലയാളി ഫ്രണ്ട്സ് ചാരിറ്റബിൾ ട്രസ്റ്റ് അംഗങ്ങൾ കുടുംബാംഗളോടൊപ്പം ബെംഗളുരു നാഗവാര തൃത്വ ആശ്രമ അഗതിമന്ദിരത്തിലെ അന്തേവാസികളുമൊത്ത് ഓണാഘോഷം സംഘടിപ്പിച്ചു. വിഭവസമൃദ്ധമായ സദ്യയും അതോടനുബന്ധിച്ച് അംഗങ്ങളായ റൗഫ്, നിമ്മി, വേലു ഹരിദാസ്, ഷൈബു, രജത് എന്നിവർ അവതരിപ്പിച്ച സംഗീത വിരുന്നും ശ്രദ്ധേയമായിരുന്നു. ബെംഗളുരുവിന്റെ വിവിധ ഭാഗങ്ങളിൽ നിന്നും വന്ന നാൽപതോളം പേർ പങ്കെടുത്ത ചടങ്ങുകൾക്ക് പ്രസിഡന്റ് സുമോജ് മാത്യു, സെക്രട്ടറി ഉണ്ണികൃഷ്ണൻ, ട്രഷറർ ബിജുമോൻ, നളിനി, സൂരജ്, വിനയദാസ്, എന്നിവർ നേതൃത്വം നൽകി.