Day: 1 September 2017

ബെംഗളൂരു∙ തിപ്പസന്ദ്ര ഫ്രണ്ട്സ് അസോസിയേഷന്റെ നേതൃത്വത്തിൽ ‘ഓണോൽസവത്തിന്റെ കാൽപനികത’ എന്ന വിഷയത്തിൽ സെമിനാർ നടത്തി. പി. മോഹൻദാസ് ഉദ്ഘാടനം ചെയ്തു. പി. കെ. കേശവൻ നായർ മുഖ്യപ്രഭാഷണം നടത്തി. പ്രസിഡന്റ് സി. ജേക്കബ് അധ്യക്ഷത വഹിച്ചു. പി. രാഘവൻ നായർ, ഉമേശ് ശർമ്മ, തങ്കച്ചൻ പന്തളം, പൊന്നമ്മ ദാസ്, പി. എ. രവീന്ദ്രൻ, എം. ബി. മോഹൻദാസ്, ആർ. വി. പിള്ള എന്നിവർ നേതൃത്വം നൽകി.

ബെംഗളൂരു∙ കാരുണ്യ ബെംഗളൂരുവിന്റെ നേതൃത്വത്തിൽ ഓണക്കിറ്റ് വിതരണം നാളെ വൈകിട്ടു മൂന്നിന് ജീവൻഭീമ നഗറിലെ കാരുണ്യ മുഖ്യകാര്യാലയത്തിൽ നടക്കും. 150 കുടുംബങ്ങൾക്കുള്ള കിറ്റ് വിതരണം എം.എസ്.ചന്ദ്രശേഖരൻ ഉദ്ഘാടനം ചെയ്യും

ബെംഗളൂരു∙ ബൊമ്മനഹള്ളി സെന്റ് മേരീസ് പള്ളിയിൽ പരിശുദ്ധ കന്യാമറിയത്തിന്റെ തിരുനാളിന് ഇന്നു കൊടിയേറും. വൈകിട്ട് ആറിനു കൊടിയേറ്റ്, ഫാ.സിറിയക് മഠത്തിൽ കുർബാനയ്ക്കു നേതൃത്വംനൽകും. നാളെ വൈകിട്ട് ആറിനു കുർബാന, നൊവേന, മൂന്നിനു രാവിലെ 8.45നു കുർബാന, ദിവ്യകാരുണ്യ സ്വീകരണത്തിനു ഫാ.ജോർജ് ഇടയാടിൽ നേതൃത്വം നൽകും. നാലു മുതൽ എട്ടു വരെ എല്ലാ ദിവസവും വൈകിട്ട് ആറിനു കുർബാന, നൊവേന എന്നിവയുണ്ടായിരിക്കും. ഒൻപതിനു വൈകിട്ട് അഞ്ചിനു കുർബാനയ്ക്ക് മണ്ഡ്യ രൂപതാ ചാൻസലർ ഫാ.ജോമോൻ കോലഞ്ചേരി, സമാപനദിനമായ പത്തിനു രാവിലെ 9.30നു കുർബാനയ്ക്കു മണ്ഡ്യ ബിഷപ് മാർ…

ബെംഗളൂരു∙ ഹൊസൂർ കൈരളി സമാജത്തിന്റെ ഓണച്ചന്ത നാളെമുതൽ സെപ്റ്റംബർ മൂന്നുവരെ ഹൊസൂർ ബസ്‌ സ്റ്റാൻഡിന് എതിർവശത്തെ ജെഎംസി ഗോൾഡൻ കോംപ്ലക്സിൽ നടക്കും. നാളെ വൈകിട്ടു നാലിനാണ് ഉദ്ഘാടനം. കേരളത്തിൽനിന്നെത്തിക്കുന്ന ഓണവിഭവങ്ങൾ മിതമായ നിരക്കിൽ ലഭിക്കുമെന്നു പ്രസിഡന്റ് ജി.മണി അറിയിച്ചു. ∙ കോടിഹള്ളി അയ്യപ്പ സേവാ സമിതിയുടെ ഓണച്ചന്ത സെപ്റ്റംബർ ഒന്നുമുതൽ മൂന്നുവരെ ക്ഷേത്രം ഹാളിൽ നടക്കും. ദിവസവും രാവിലെ 10 മുതൽ രാത്രി എട്ടുവരെ പ്രവർത്തിക്കുമെന്നു സെക്രട്ടറി കെ.എം.ശ്രീനിവാസൻ അറിയിച്ചു. ഫോൺ: 9740835009 ∙ ആനേപ്പാളയ അയ്യപ്പക്ഷേത്ര ട്രസ്റ്റ് ഓണാഘോഷങ്ങളുടെ ഭാഗമായി സെപ്റ്റംബർ രണ്ടിനും…

ബെംഗളൂരു ∙ ബലിപ്പെരുന്നാൾ ആഘോഷത്തിനു മുന്നോടിയായുള്ള ബലിമാംസ വിതരണത്തിനുള്ള ഒരുക്കങ്ങൾ സജീവമായി. ജയമഹൽ മെയിൻ റോഡ്, ചാമരാജ്പേട്ട് ഈദ്ഗാഹ് ഗ്രൗണ്ട്, ശിവാജിനഗർ, യശ്വന്ത്പുര എന്നിവിടങ്ങളിൽ ബലിമാംസത്തിനായുള്ള ആടുകളുടെ വ്യാപാരം ദിവസങ്ങൾക്കു മുൻപേ തന്നെ ആരംഭിച്ചിരുന്നു. വടക്കൻ കർണാടകയിലെ ബെളഗാവി, യാദ്ഗീർ എന്നിവിടങ്ങളിൽ നിന്ന് നൂറുകണക്കിന് ആടുകളെയാണ് വിൽപനയ്ക്കായി എത്തിച്ചിട്ടുള്ളത്. ബന്നൂർ, സിറ, സിന്ധന്നൂർ, ബാഗേവാടി ഇനങ്ങളിലുള്ള ആടുകൾക്കാണ് ആവശ്യക്കാരേറെ. 10,000 രൂപ മുതൽ ഒരു ലക്ഷം രൂപവരെ വില വരുന്നവ വിൽപനയ്ക്കുണ്ട്. ജയമഹൽ പാലസ് റോഡിന്റെ ഇരുവശങ്ങളിലും ആടു കച്ചവടക്കാർ കൈയടക്കിയതോടെ ഗതാഗതക്കുരുക്കും വർധിച്ചു.