Honey bee – BengaluruVartha

ബെംഗളൂരു ∙ കോഫി ബോർഡ് മുൻ ചെയർമാൻ എം.എസ്.ഭോജെ ഗൗഡ (74) ചിക്കമഗളൂരുവിലെ തോട്ടത്തിൽ വെച്ച് ശനിയാഴ്ച വൈകിട്ട് തേനീച്ചക്കൂട്ടത്തിന്റെ കുത്തേറ്റ് മരിച്ചു. ദാസറഹള്ളി കൃഷ്ണഗിരി എസ്റ്റേറ്റിൽ വെച്ചായിരുന്നു സംഭവം. തൊഴിലാളികൾ ചേർന്ന് ചിക്കമഗളൂരുവിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. 2 തവണ കോഫി ബോർഡ് ചെയർമാനായിരുന്ന ഭോജെ ഗൗഡ ജനതാ പാർട്ടിയിലൂടെയാണ് രാഷ്ട്രീയത്തിലേക്ക് പ്രവേശിച്ചത്. പിന്നീട് കോൺഗ്രസിലും ബിജെപിയിലും പ്രവർത്തിച്ചു. മൃതദേഹം കൃഷ്ണഗിരി എസ്റ്റേറ്റിൽ സംസ്കരിച്ചു. ഭാര്യ: എച്ച്.എസ്.ഗീത. മക്കൾ: ഹിമകീർത്തി, ജയകീർത്തി.

ബെംഗളൂരു: നഗരത്തിൽ പാർക്കുകളിലും കെട്ടിടങ്ങളിലും തേനീച്ചകളുടെ ആക്രമണം കൂടുന്നു. അടുത്ത ദിവസങ്ങളിൽ ആയി ഫ്രീഡം പാർക്കിൽ നിന്നും പത്തോളം പോലീസുകാർക്കാണ് തേനീച്ചയുടെ കുത്തേറ്റത്. ഗുരുതരമായി പരിക്കേറ്റ 2 പോലീസുകാരെ ആശുപത്രിയിൽ പ്രവേശിപ്പിക്കുകയും ചെയ്തിരുന്നു. ഹൊസ്സൂർ റോഡ് സെമിത്തേരിയിലും സംസ്കാര ചടങ്ങിനിടെ സമാനമായ സംഭവം നടന്നിരുന്നു. വേനൽ കാലമായതോടെ നഗരത്തിലെ മരങ്ങൾ എല്ലം പൂവിട്ടതോടെയാണ് തേനീച്ചകൾ പെരുക്കിയത്. തേനീച്ചകളെ പ്രകോപിപ്പിക്കാതിരുന്നാൽ കൂട്ടത്തോടെ വന്നുള്ള അക്രമണം ഒഴിവാക്കാമെന്ന് പരിസ്ഥിതി വിദഗ്ധർ പറയുന്നു.

Tag: Honey bee

കോഫി ബോർഡ് മുൻ ചെയർമാൻ ഭോജെ ഗൗഡ തേനീച്ചക്കുത്തേറ്റ് മരിച്ചു

തേനീച്ചകൾ പെരുകുന്നു, ശ്രദ്ധിച്ചാൽ കുത്തേൽക്കില്ല