Category: SPORTS

റിവേഴ്‌സ്‌ഡേല്‍: ക്രിക്കറ്റിലെ ഏറ്റവും മികച്ച അമ്പയർമാരിൽ ഒരാളായ റൂഡി കോർട്സൺ വാഹനാപകടത്തിൽ മരിച്ചു. ദക്ഷിണാഫ്രിക്കയിലെ റിവേഴ്സ്ഡേലിൽ വെച്ചാണ് അപകടമുണ്ടായത്. 108 ടെസ്റ്റുകളിലും 209 ഏകദിനങ്ങളിലും 14 ടി20കളിലും 73 കാരനായ കോര്‍ട്‌സണ്‍ അമ്പയറായിട്ടുണ്ട്. കോർട്സന്റെ മകൻ റൂഡി കോർട്സൺ ജൂനിയറാണ് പിതാവിന്‍റെ മരണം ലോകത്തെ അറിയിച്ചത്. കേപ്ടൗണിൽ നിന്ന് നെൽസൺ മണ്ടേല ബേയിലുളള വീട്ടിലേക്കുള്ള യാത്രാമധ്യേയാണ് അപകടമുണ്ടായത്. “ഒരു സുഹൃത്തിനൊപ്പം ഗോൾഫ് കളിക്കാൻ അദ്ദേഹം കേപ്ടൗണിൽ പോയതായിരുന്നു. തിങ്കളാഴ്ച തിരിച്ചെത്തുമെന്നായിരുന്നു ആദ്യം അറിയിച്ചിരുന്നത്. പിന്നെ ഒരു ദിവസം കൂടി തങ്ങാൻ തീരുമാനിച്ചു. വീട്ടിലേക്ക് മടങ്ങും…

കോഴിക്കോട്: കേരള ഫുട്ബോൾ അസോസിയേഷന്‍റെ ആഭിമുഖ്യത്തിൽ നടക്കുന്ന കേരള വനിതാ ലീഗിന്‍റെ നാലാം പതിപ്പിന് നാളെ തുടക്കമാകും. കോഴിക്കോട് ഇ.എം.എസ് കോർപ്പറേഷൻ സ്റ്റേഡിയത്തിൽ നടക്കുന്ന ഉദ്ഘാടന മത്സരത്തിൽ ഗോകുലം കേരള എഫ്.സി കേരള യുണൈറ്റഡ് എഫ്.സിയെ നേരിടും. വൈകിട്ട് നാല് മണിക്കാണ് മത്സരം. കേരള ബ്ലാസ്റ്റേഴ്സിനും നാളെ മത്സരമുണ്ട്. എറണാകുളം മഹാരാജാസ് കോളേജ് ഗ്രൗണ്ടിൽ നടക്കുന്ന മത്സരത്തില്‍ ബ്ലാസ്‌റ്റേഴ്‌സ് എമിറേറ്റ്‌സ് എഫ്.സിയെ നേരിടും. ഒക്ടോബർ 15നാണ് ലീഗ് അവസാനിക്കുന്നത്. കോഴിക്കോട് ഇ.എം.എസ്. കോർപ്പറേഷൻ സ്റ്റേഡിയം, എറണാകുളം മഹാരാജാസ് കോളേജ് ഗ്രൗണ്ട് എന്നിവിടങ്ങളിലാണ് ടൂർണമെന്‍റ് നടക്കുക.…

ലണ്ടന്‍: മുൻ വെസ്റ്റ് ഇൻഡീസ് നായകൻ കീറോൺ പൊള്ളാർഡ് 600 ടി20 മത്സരങ്ങൾ കളിക്കുന്ന ആദ്യ താരമായി. ദി ഹണ്ട്രഡിൽ മാഞ്ചസ്റ്റർ ഒറിജിനലിനെതിരെ ലണ്ടൻ സ്പിരിറ്റിന് വേണ്ടി കളിച്ചാണ് പൊള്ളാർഡ് റെക്കോർഡ് തകർത്തത്. 600-ാം ടി20യിൽ പൊള്ളാർഡ് 11 പന്തിൽ 34 റൺസ് നേടി. ഒരു ഫോറും നാല് സിക്സും വിൻഡീസ് ബിഗ് ഹിറ്ററിൽ നിന്ന് വന്നു. 600 ടി20 മത്സരങ്ങളിൽ നിന്ന് 11,723 റൺസാണ് പൊള്ളാർഡ് നേടിയത്. 31.34 ആണ് അദ്ദേഹത്തിന്‍റെ ബാറ്റിങ് ശരാശരി.  ടി20യിൽ പൊള്ളാർഡിന്‍റെ ഉയർന്ന സ്കോർ 104 റൺസാണ്.…

ന്യൂഡല്‍ഹി: ഓൾ ഇന്ത്യ ഫുട്ബോൾ ഫെഡറേഷൻ 2021-2022 സീസണിലെ മികച്ച കളിക്കാർക്കുള്ള അവാർഡ് പ്രഖ്യാപിച്ചു. ഇന്ത്യൻ ഫുട്ബോൾ ടീം ക്യാപ്റ്റൻ സുനിൽ ഛേത്രി മികച്ച പുരുഷ താരമായും മനീഷ കല്യാൺ മികച്ച വനിതാ താരമായും തിരഞ്ഞെടുക്കപ്പെട്ടു. ദേശീയ ടീം പരിശീലകരായ തോമസ് ഡെന്നർബി, ഇഗോർ സ്റ്റിമാച്ച് എന്നിവരാണ് കളിക്കാരെ ശുപാർശ ചെയ്തത്. സുനിൽ ഛേത്രിയുടെ ഏഴാമത്തെ എഐഎഫ്എഫ് അവാർഡാണിത്. 2018-2019 സീസണിലാണ് ഛേത്രി അവസാനമായി മികച്ച താരത്തിനുള്ള പുരസ്കാരം നേടിയത്. തുടർച്ചയായ രണ്ടാം വർഷമാണ് മനീഷ പുരസ്കാരം നേടുന്നത്. കഴിഞ്ഞ സീസണിലും മനീഷയായിരുന്നു മികച്ച…

ബിര്‍മിങ്ഹാം: ഇന്ത്യയുടെ ലക്ഷ്യ സെൻ തന്‍റെ ഷർട്ട് ഊരി വീശിയാണ് ബിര്‍മിങ്ഹാമില്‍ സ്വർണ്ണ മെഡൽ നേട്ടം ആഘോഷിച്ചത്. നാറ്റ് വെസ്റ്റ് ട്രോഫിയില്‍ ഇംഗ്ലണ്ടിന്‍റെ തോൽവിക്ക് ശേഷം ഗാംഗുലി ലോർഡ്സിൽ ആഘോഷിച്ചത് പോലെ. എന്നാൽ ഗാംഗുലിയുടെ ആഘോഷം താൻ കണ്ടിട്ടില്ലെന്ന് ലക്ഷ്യ സെൻ പറഞ്ഞു. “അതാണ് ആ സമയത്ത് ചെയ്യാൻ തോന്നിയത്. അത് പ്ലാന്‍ ചെയ്തതല്ല. ഗാംഗുലിയുടെ ആഘോഷം ഞാൻ കണ്ടിട്ടില്ല,” സ്വർണ്ണം നേടിയ ശേഷം ലക്ഷ്യ സെൻ പറഞ്ഞു. ആദ്യ ഗെയിം തോറ്റതിന് ശേഷവും കളിയിലേക്ക് തിരിച്ചുവരാമെന്ന പ്രതീക്ഷ എനിക്കുണ്ടായിരുന്നു. രണ്ടാമത്തെയും മൂന്നാമത്തെയും ഗെയിമുകൾ…

ബിര്‍മിങ്ഹാം: കോമൺവെൽത്ത് ഗെയിംസിന് തിരശ്ശീല വീഴുമ്പോൾ ശ്രദ്ധ പിടിച്ചുപറ്റിയ താരമാണ് ഓസ്ട്രേലിയയുടെ നീന്തൽ താരം എമ്മ മക്കിയോൺ. ബർമിംഗ്ഹാമിൽ പങ്കെടുത്ത 56 രാജ്യങ്ങളെക്കാൾ കൂടുതൽ മെഡലുകൾ എമ്മ നീന്തൽക്കുളത്തിൽ നിന്ന് നേടി. 2022ലെ കോമൺവെൽത്ത് ഗെയിംസ് ആറ് സ്വർണവും ഒരു വെള്ളിയും ഒരു വെങ്കലവും നേടിയാണ് എമ്മ അവസാനിപ്പിക്കുന്നത്. ആകെ 72 രാജ്യങ്ങളാണ് കോമൺവെൽത്ത് ഗെയിംസിൽ പങ്കെടുത്തത്. എമ്മ അതിൽ 56 രാജ്യങ്ങളെക്കാൾ കൂടുതൽ മെഡലുകൾ നേടി. 72 രാജ്യങ്ങളിൽ 16 രാജ്യങ്ങൾ മാത്രമാണ് എട്ടോ അതിലധികമോ മെഡലുകൾ നേടിയത്.

ഫോർട്ട് ലോഡർഹിൽ (ഫ്ലോറിഡ): ഇന്ത്യൻ ക്രിക്കറ്റ് ടീമിന്‍റെ മുഴുവൻ സമയ ക്യാപ്റ്റനായി ചുമതലയേൽക്കാൻ തയ്യാറാണെന്ന് ഓൾറൗണ്ടർ ഹാർദിക് പാണ്ഡ്യ. അഞ്ചാം ടി20യിൽ വെസ്റ്റ് ഇൻഡീസിനെ 88 റൺസിന് തോൽപ്പിച്ച് ഇന്ത്യ പരമ്പര 4-1ന് സ്വന്തമാക്കിയതിന് പിന്നാലെയാണ് ഹാർദിക് പ്രതികരിച്ചത്. ക്യാപ്റ്റൻ രോഹിത് ശർമയ്ക്കു വിശ്രമം അനുവദിച്ചതിനെത്തുടർന്ന് പകരം നായകൻ ഹാർദിക്കായിരുന്നു. അതേസമയം, ലോകകപ്പ് അരികിലെത്തിയ സമയത്ത് ക്യാപ്റ്റൻസിയെക്കാൾ ടീമിന്റെ കാര്യമാണ് പ്രധാനമെന്നു ഹാ‍ർദിക് പറഞ്ഞു. ശ്രേയസ് അയ്യരും (40 പന്തിൽ 64) 10 വിക്കറ്റ് പങ്കിട്ട മൂന്ന് സ്പിന്നർമാരും ചേർന്നാണ് ഇന്ത്യയെ വിജയത്തിലേക്ക് നയിച്ചത്.…

തമിഴ്നാട് : തമിഴ്നാട്ടിലെ മാമല്ലപുരത്ത് നടക്കുന്ന 44-ാമത് ചെസ്സ് ഒളിമ്പ്യാഡ് ഇന്ന് സമാപിക്കും. ഓപ്പൺ വിഭാഗത്തിലെയും വനിതാ വിഭാഗത്തിലെയും ഇന്ത്യൻ എ ടീമുകൾ 11-ാം റൗണ്ടിൽ ഒന്നാം സീഡായ അമേരിക്കയെ നേരിടും. ഓപ്പൺ വിഭാഗത്തിൽ ബി ടീം ജർമ്മനിയെയും സി ടീം കസാക്കിസ്ഥാനെയും നേരിടും. വനിതാ വിഭാഗത്തിൽ ബി ടീം സ്ലോവാക്യയെയും സി ടീം കസാഖിസ്ഥാനെയും നേരിടും. പതിനൊന്നാം റൗണ്ട് മത്സരങ്ങൾ ഇന്ന് രാവിലെ 10 മണിക്കാണ് ആരംഭിക്കുക. വൈകിട്ട് നാലിന് ചെന്നൈ ജവഹർലാൽ നെഹ്റു ഇൻഡോർ സ്റ്റേഡിയത്തിൽ നടക്കുന്ന സമാപന ചടങ്ങിൽ തമിഴ്നാട്…

മുംബൈ: ഈ മാസം അവസാനം ആരംഭിക്കുന്ന ഏഷ്യാ കപ്പിനുള്ള ഇന്ത്യൻ ടീമിനെ പ്രഖ്യാപിച്ചു. രോഹിത് ശർമ്മയാണ് ക്യാപ്റ്റൻ. കെഎൽ രാഹുൽ (വൈസ് ക്യാപ്റ്റൻ), വിരാട് കോഹ്ലി, സൂര്യകുമാർ യാദവ്, ദീപക് ഹൂഡ, റിഷഭ് പന്ത്, ദിനേശ് കാർത്തിക്, ഹാർദിക് പാണ്ഡ്യ, രവീന്ദ്ര ജഡേജ, ആർ അശ്വിൻ, യുസ്വേന്ദ്ര ചഹൽ, രവി ബിഷ്ണോയ്, ഭുവനേശ്വർ കുമാർ, ആര്‍ഷ്ദീപ് സിംഗ്, ആവേശ് ഖാൻ എന്നിവരാണ് ടീമംഗങ്ങള്‍. പേസർമാരായ ജസ്പ്രീത് ബുംറ, ഹർഷദ് പട്ടേൽ എന്നിവരെ പരിക്കിനെ തുടർന്ന് ടീമിൽ നിന്ന് ഒഴിവാക്കിയിട്ടുണ്ട്. ഓഗസ്റ്റ് 27 മുതൽ സെപ്റ്റംബർ 11…