ബെംഗളൂരു: മൈസൂരുവിലെ ശ്രീ ചാമുണ്ഡേശ്വരി ദേവി ക്ഷേത്രത്തില് സന്ദര്ശിച്ച് കേന്ദ്ര ആഭ്യന്തര മന്ത്രി അമിത് ഷാ.
കര്ണാടക സന്ദര്ശനത്തിന് മുന്നോടിയായാണ് ക്ഷേത്ര ദര്ശനം നടത്തിയത്. മൂന്ന് ദിവസത്തെ സന്ദര്ശനത്തിനായാണ് അമിത് ഷാ ഞായറാഴ്ച്ച കര്ണാടകയില് എത്തിയത്.
കഴിഞ്ഞ ദിവസം ബിജെപി അദ്ധ്യക്ഷന് ജെപി നദ്ദ മൂന്നു ദിവസത്തെ കര്ണാടക സന്ദര്ശനം ആരംഭിച്ചിരുന്നു. ചിക്കബല്ലാപ്പൂര് ജില്ലയിലെ സിദ്ലഘട്ടയില് അദ്ദേഹം റോഡ്ഷോയില് പങ്കെടുക്കും. ഉത്തര കന്നഡ ജില്ലയിലെ സിര്സിയിലെ ക്ഷേത്രം സന്ദര്ശിക്കുന്ന അദ്ദേഹം നിരവധി പൊതുയോഗങ്ങളിലും പങ്കെടുക്കും.
ഏപ്രില് 29 ന് പ്രധാനമന്ത്രി നരേന്ദ്ര മോദി സംസ്ഥാനം സന്ദര്ശിക്കുന്നതോടെ പാര്ട്ടിയുടെ മെഗാ തിരഞ്ഞെടുപ്പ് പ്രചാരണത്തിന് ശക്തിയേറും. പ്രധാനമന്ത്രി മോദി ബെളഗാവിയില് നിന്നാണ് പ്രചാരണം ആരംഭിക്കുന്നതെന്ന് കേന്ദ്രമന്ത്രി പ്രഹ്ലാദ് ജോഷി പറഞ്ഞു. കര്ണാടകയിലെ ഏറ്റവും വലിയ ജില്ലകളിലൊന്നായ ബെളഗാവിയിലെ ചിക്കോടി, കിറ്റൂര്, കുടച്ചി എന്നിവിടങ്ങള് അദ്ദേഹം സന്ദര്ശിക്കും. പ്രധാനമന്ത്രി ഉത്തര കന്നഡ ജില്ലയും സന്ദര്ശിക്കും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
