Month: August 2026

ബെംഗളൂരു : മാണ്ഡ്യ ജില്ലയിലെ ശ്രീരംഗപട്ടണം താലൂക്കിലുള്ള ഉക്കട ക്ഷേത്രത്തിൽ വെച്ച് വനിതാ സബ് ഇൻസ്‌പെക്ടറെ മകൾ മർദിച്ചെന്ന ആരോപണത്തിൽ പരസ്യമായി മാപ്പുപറഞ്ഞ് ബി.ജെ.പി എം.എൽ.എ ബി. സുരേഷ് ഗൗഡ. തുമകൂർ റൂറൽ എം.എൽ.എയായ സുരേഷ് ഗൗഡയുടെ മകൾ ഐശ്വര്യയും ഡ്യൂട്ടിയിലുണ്ടായിരുന്ന പി.എസ്.ഐ സവിതയും തമ്മിലാണ് തർക്കമുണ്ടായത്. സംഭവത്തിൽ ഐശ്വര്യക്കെതിരെ ക്യാത്തനഹള്ളി പോലീസ് കേസ് രജിസ്റ്റർ ചെയ്തു. ഭീമന അമാവാസി ദിനത്തിൽ ആയിരക്കണക്കിന് ഭക്തർ എത്തിയ സമയത്താണ് സംഭവം. കുട്ടികളോടൊപ്പം ക്ഷേത്രദർശനത്തിനെത്തിയ ഐശ്വര്യക്ക് വി.ഐ.പി പ്രവേശനം നൽകിയിരുന്നു. തുടർന്ന് ശ്രീകോവിലിന് അടുത്തേക്ക് പോകാൻ അനുവാദം…

ജില്ലയിൽ ആളൊഴിഞ്ഞ വീടുകൾ കേന്ദ്രീകരിച്ച് നിവാസികളെ ഭീഷണിപ്പെടുത്തി വൻ കവർച്ച നടത്തിവന്നിരുന്ന ഖതർനാക് കവർച്ചാ സംഘത്തെ ഹാസൻ പോലീസ് സാഹസികമായി പിടികൂടി. ഹാസൻ ജില്ലാ പോലീസ് സൂപ്രണ്ട് (എസ്.പി) ശുഭനവിതയുടെ നേരിട്ടുള്ള മേൽനോട്ടത്തിൽ രൂപീകരിച്ച പ്രത്യേക അന്വേഷണ സംഘമാണ് പ്രതികളെ വലയിലാക്കിയത്. കഴിഞ്ഞ ജൂൺ 2-ന് ആളൂർ താലൂക്കിലെ മണിപ്പൂർ ഗ്രാമത്തിൽ വിരമിച്ച ഉദ്യോഗസ്ഥനായ ചന്ദ്രശേഖരയ്യയുടെ വീട്ടിലും, തുടർന്ന് ജൂലൈ 22-ന് ഈശ്വരഹള്ളിയിലെ കുടുഗെ ഗ്രാമത്തിൽ മഞ്ചെഗൗഡയുടെ വീട്ടിലും നടന്ന വൻ മോഷണങ്ങളിലാണ് സംഘം പിടിയിലായത്. രണ്ടിടത്തുനിന്നുമായി 19.5 ലക്ഷത്തോളം രൂപ വിലമതിക്കുന്ന സ്വർണ്ണാഭരണങ്ങളും…

ബെംഗളൂരു : തെക്കുപടിഞ്ഞാറൻ ബംഗളൂരുവിൽ അപ്പാർട്ട്‌മെന്റിലെ ബാല്ക്കണി വൃത്തിയാക്കുന്നതിനിടെ 18-ാം നിലയിൽ നിന്ന് താഴേക്ക് വീണ് 72-കാരൻ മരിച്ചു. മഗാഡി റോഡിലെ അപ്പാർട്ട്‌മെന്റിൽ ഭാര്യയ്ക്കും മകൾക്കും മരുമകനുമൊപ്പം താമസിച്ചിരുന്ന പരമേശ്വർ എന്നയാളാണ് ഞായറാഴ്ച ഉച്ചയ്ക്ക് അപകടത്തിൽപ്പെട്ട് മരിച്ചത്. ബാല്ക്കണിയിലെ ചില്ലുഷ്ണങ്ങൾ വൃത്തിയാക്കുന്നതിനിടെ കാല് വഴുതി താഴേക്ക് വീഴുകയായിരുന്നുവെന്ന് ഭാര്യ പോലീസിന് നൽകിയ മൊഴിയിൽ പറയുന്നു. സംഭവത്തെക്കുറിച്ച് വിവരമറിഞ്ഞ ഉടൻ കെ.പി ഗ്രഹാര പോലീസ് സ്ഥലത്തെത്തി തുടര്നടപടികൾ സ്വീകരിച്ചു. മൃതദേഹം പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റിയിട്ടുണ്ട്. സംഭവത്തിൽ അസ്വാഭാവിക മരണത്തിന് (UDR) കേസെടുത്ത് പോലീസ് അന്വേഷണം ആരംഭിച്ചു.

ബെംഗളൂരു: ബെംഗളൂരു കെംപഗൗഡ അന്താരാഷ്ട്ര വിമാനത്താവളത്തിലെ (KIA) സൗത്ത് റൺവേ അറ്റകുറ്റപ്പണികൾക്കായി ഓഗസ്റ്റ് 19 ബുധനാഴ്ച താൽക്കാലികമായി അടച്ചിടും. ഇന്ത്യൻ സമയം രാവിലെ 11:00 മുതൽ വൈകുന്നേരം 4:00 (16:00) വരെ അഞ്ച് മണിക്കൂർ സമയത്തേക്കാണ് റൺവേയുടെ പ്രവർത്തനം നിർത്തിവെക്കുന്നത്. റൺവേ അടച്ചിടുന്ന സമയത്ത് എയർ ട്രാഫിക് തടസ്സപ്പെടാനും വിമാന സർവീസുകൾ വൈകാനും സാധ്യതയുള്ളതിനാൽ യാത്രക്കാർ ആവശ്യത്തിന് സമയം കൈയ്യിൽ കരുതി വിമാനത്താവളത്തിലേക്ക് തിരിക്കണമെന്ന് എയർലൈനുകൾ നിർദ്ദേശം നൽകി. ഒറ്റ റൺവേയിൽ സർവീസ്; വൈകുന്നേരങ്ങളിലും തടസ്സത്തിന് സാധ്യത ഉച്ചസമയത്തെ ഈ അടച്ചിടൽ വേളയിൽ നോർത്ത്…

ബെംഗളൂരു: ഡ്യൂട്ടിയിലുണ്ടായിരുന്ന ട്രാഫിക് പോലീസുകാരനെ ക്രൂരമായി മർദിച്ച സംഭവത്തിൽ ജനതാദൾ (എസ്) സംസ്ഥാന ജനറൽ സെക്രട്ടറി ഗൊട്ടിഗെരെ മഞ്ചയെ (65) ഹുളിമാവ് പോലീസ് അറസ്റ്റ് ചെയ്തു. കഴിഞ്ഞ ഞായറാഴ്ച നടന്ന സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചതിന് പിന്നാലെയാണ് പോലീസ് നടപടി. ഗതാഗതം നിയന്ത്രിക്കുകയായിരുന്ന അരുൺ എം. ബഡഗൗഡർ എന്ന ട്രാഫിക് കോൺസ്റ്റബിൾ കൈകാണിച്ച് വാഹനം നിർത്തിയതിൽ പ്രകോപിതനായ മഞ്ച, ഉദ്യോഗസ്ഥനുമായി തർക്കത്തിലേർപ്പെടുകയായിരുന്നു. തുടർന്ന് കോൺസ്റ്റബിളിന്റെ ഷർട്ടിന്റെ കോളറിൽ പിടിച്ചുവലിക്കുകയും മർദിക്കാൻ ശ്രമിക്കുകയും ചെയ്തു. നാട്ടുകാർ ഇടപെട്ട് തടയാൻ ശ്രമിക്കുന്നതിനിടെ ഇയാൾ പോലീസുകാരനെ ചവിട്ടുകയും…

ബെംഗളൂരു : ഓഗസ്റ്റ് 15-ന് നടന്ന ഫ്രീഡം ഹബ്ബാ ആഘോഷങ്ങൾക്കിടെ കബ്ബൺ പാർക്ക്, സെൻട്രൽ കോളേജ് മെട്രോ സ്‌റ്റേഷനുകളിൽ ട്രെയിൻ സർവീസുകൾ താൽക്കാലികമായി നിർത്തിവെക്കേണ്ടി വന്ന സാഹചര്യത്തിൽ വിശദീകരണവുമായി നമ്മ മെട്രോ (BMRCL). വൻ ജനത്തിരക്ക് നിയന്ത്രിക്കുന്നതിന്റെയും യാത്രക്കാരുടെ സുരക്ഷ ഉറപ്പാക്കുന്നതിന്റെയും ഭാഗമായാണ് നടപടിയെടുത്തതെന്ന് ബംഗളൂരു മെട്രോ റെയിൽ കോർപ്പറേഷൻ ലിമിറ്റഡ് അറിയിച്ചു. ആസൂത്രിത ജനത്തിരക്ക് നിയന്ത്രണ നടപടികളുടെ ഭാഗമായി ഓഗസ്റ്റ് 15 രാവിലെ 10 മണി മുതൽ വിധാൻ സൗധ മെട്രോ സ്റ്റേഷൻ അടച്ചിട്ടിരുന്നു. തിരക്ക് കൈകാര്യം ചെയ്യാൻ അധിക സർവീസുകളും ഏർപ്പെടുത്തിയിരുന്നു.…