Day: 22 March 2026

ബെം​ഗളൂരു: ഈദുൽ ഫിത്തർ പ്രമാണിച്ച് ഈദ്ഗാഹിൽ കൂട്ടപ്രാർത്ഥന നടത്തുന്നതിനിടെ തേനീച്ചക്കൂട്ടം ഇളകിയെത്തി ആക്രമിച്ചു. കർണാടകയിലെ ദാവൻഗരെ താലൂക്കിലുള്ള അനഗോഡു ഗ്രാമത്തിൽ ശനിയാഴ്ച രാവിലെയാണ് സംഭവം. ആക്രമണത്തിൽ 25-ലധികം പേർക്ക് പരിക്കേറ്റു. ഗ്രാമത്തിലെ ഈദ്ഗാഹ് മൈതാനത്ത് പെരുന്നാൾ നിസ്കാരം നടന്നുകൊണ്ടിരിക്കെയാണ് അപ്രതീക്ഷിതമായി തേനീച്ചക്കൂട്ടം വിശ്വാസികളെ ആക്രമിച്ചത്. പ്രാർത്ഥനയിൽ മുഴുകിയിരുന്നവർ ചിതറിയോടിയെങ്കിലും പലർക്കും കടിയേറ്റു. പരിക്കേറ്റവരിൽ 11 പേരുടെ നില ഗുരുതരമായതിനെത്തുടർന്ന് അവരെ നഗരത്തിലെ ചിഗതേരി ജില്ലാ ജനറൽ ആശുപത്രിയിൽ പ്രവേശിപ്പിച്ചു. ഗുരുതരമായി പരിക്കേറ്റ 11 പേരിൽ മൂന്ന് കുട്ടികളും ഉൾപ്പെടുന്നു. ഇവർ നിലവിൽ അപകടനില തരണം…

ബെംഗളൂരു: ആഗോളതലത്തിലെ യുദ്ധപ്രതിസന്ധിയെത്തുടർന്നുണ്ടായ പാചകവാതക ക്ഷാമം കർണാടകയിലെ ഹോട്ടൽ വ്യവസായത്തെ തളർത്തുന്നു. വാണിജ്യ സിലിണ്ടറുകളുടെ ലഭ്യത കുറഞ്ഞതോടെ കഴിഞ്ഞ രണ്ടാഴ്ചയ്ക്കുള്ളിൽ ബെംഗളൂരുവിലെ ഹോട്ടലുകൾക്ക് മാത്രം 150 കോടി രൂപയുടെ നഷ്ടമുണ്ടായതായി ഹോട്ടൽ ഓണേഴ്‌സ് അസോസിയേഷൻ പ്രസിഡന്റ് പി.സി. റാവു അറിയിച്ചു. ഗൾഫ് മേഖലയിലെ സംഘർഷത്തെത്തുടർന്ന് ഇറാൻ ഹോർമുസ് കടലിടുക്ക് അടച്ചതാണ് ഇന്ത്യയിലേക്കുള്ള ഗ്യാസ് വരവിനെ ബാധിച്ചത്. ഇന്ത്യയിലേക്കുള്ള എണ്ണയും ഗ്യാസുമായി വന്ന 22 കപ്പലുകൾ നിലവിൽ ഇറാന്റെ കസ്റ്റഡിയിലാണ്. ഇതിന്റെ ആഘാതം രാജ്യത്തുടനീളം പ്രതിഫലിക്കുന്നുണ്ട്. നഷ്ടത്തിന്റെ കണക്കുകൾ: കഴിഞ്ഞയാഴ്ച 100 കോടിയും ഈ ആഴ്ച…

ബെംഗളൂരു : അമ്മയുടെ കൈപിടിച്ച് ക്ഷേത്രത്തിലേക്ക് പോയ നാല് വയസ്സുകാരിക്ക് അമ്മയുടെയും സഹോദരന്റെയും കൺമുന്നിൽ ലോറിയിടിച്ച് ദാരുണമരണം. ബെംഗളൂരു നോർത്ത് താലൂക്കിലെ ഹനുമന്തഗൗഡ പാളയയിൽ ശനിയാഴ്ചയാണ് നാടിനെ നടുക്കിയ അപകടം നടന്നത്. രാജേന്ദ്രൻ-ലാവണ്യ ദമ്പതികളുടെ മൂത്ത മകൾ നിഷികയാണ് മരിച്ചത്. ഗൊല്ലഹള്ളിയിലെ ആഞ്ജനേയ സ്വാമി ക്ഷേത്രത്തിലേക്ക് ദർശനത്തിനായി നടന്നുപോവുകയായിരുന്നു ലാവണ്യയും മക്കളും. രണ്ടാമത്തെ കുഞ്ഞിനെ കൈകളിൽ എടുത്തും നിഷികയുടെ കൈപിടിച്ചുമാണ് ലാവണ്യ റോഡിലൂടെ നടന്നിരുന്നത്. ഇടുങ്ങിയ റോഡിലൂടെ അമിതവേഗതയിൽ വന്ന കാൻട്രോ ലോറി നിയന്ത്രണം വിട്ട് നിഷികയുടെ മേൽ പാഞ്ഞുകയറുകയായിരുന്നു. അദ്ഭുതകരമായ രക്ഷപ്പെടൽ: ലോറി…