Month: November 2025

ബെംഗളൂരു : നഗരവീഥികളിൽ ഇനി ഇരുചക്രവാഹനങ്ങളിൽ വനിതാ പോലീസുകാർ കുതിച്ചെത്തും. നൈറ്റ് പട്രോളിങ്ങിനടക്കം അവർ ബൈക്കിൽ നഗരംചുറ്റും. ഇതിനായി മൈസൂരുവിലെ ജ്യോതിനഗറിലെ പോലീസ് പരിശീലന സ്കൂളിൽ 246 വനിതാ കോൺസ്റ്റബിൾമാർ ഇരുചക്രവാഹന പരിശീലനം പൂർത്തിയാക്കി. ഏഴുമാസത്തെ പരിശീലനംപൂർത്തിയാക്കിയ ഇവരെ സംസ്ഥാനത്തെ വിവിധ സ്റ്റേഷനുകളിൽ നിയമിക്കും. ഗിയറോടു കൂടിയതും ഗിയർ ഇല്ലാത്തതുമായ ഇരുചക്ര വാഹനങ്ങൾ ഓടിക്കുന്നതിനാണ് പരിശീലനം നൽകിയതെന്ന് വനിതാ പോലീസ് പരിശീലന സ്കൂൾ പ്രിൻസിപ്പൽ എം.എസ്. ഗീത പറഞ്ഞു. മുൻപരിചയമില്ലാത്തവർക്ക് ഗിയർലെസ് വാഹനങ്ങളിലും മുൻപരിചയമുള്ളവർക്ക് ഗിയർ വാഹനങ്ങളിലുമാണ് പരിശീലനംനൽകിയത്. ആദ്യ ബാച്ചാണ് ഇപ്പോൾ പരിശീലനംപൂർത്തിയാക്കിയത്.…

ബെംഗളൂരു: വിദ്യാർഥിനിക്ക് നേരെ ബസിനുള്ളിൽ അതിക്രമം. കർണാടക ആർടിസി ബസ് കണ്ടക്ടറാണ് കാസർകോട് കോളജിലേക്ക് പോവുകയായിരുന്ന യുവതിക്ക് നേരെ അതിക്രമം നടത്തി റോഡിൽ ഇറക്കിവിട്ടത്. വിദ്യാർഥിനിയുടെ പരാതിയിൽ കണ്ടക്ടർക്കെതിരെ പൊലീസ് കേസെടുത്തു. കാസർകോട് നിന്ന് മംഗളൂരുവിലെ കോളജിലേക്ക് പോയ വിദ്യാർത്ഥിനിക്ക് നേരെയാണ് അതിക്രമം ഉണ്ടായത്. മഞ്ചേശ്വരം സ്വദേശിയായ യുവതിയോട് കർണാടക ആർടിസി ബസ് കണ്ടക്ടർ മോശമായി പെരുമാറിയ എന്നാണ് പരാതി. മോശമായി സ്പർശിച്ചു, ചോദ്യം ചെയ്തപ്പോൾ അസഭ്യവർഷം. പിന്നാലെ പെൺകുട്ടിയെ നടുറോട്ടിൽ ഇറക്കിവിടുകയായിരുന്നു. ദിവസങ്ങൾക്കു മുമ്പ് ഇതേ കണ്ടക്ടറുടെ ഭാഗത്തുനിന്ന് മോശം അനുഭവം ഉണ്ടായതായി…

ബെംഗളൂരു : കർണാടകത്തിൽ ഭിന്നശേഷിക്കാർക്ക് സ്വകാര്യമേഖലയിൽ ജോലി സംവരണം ലക്ഷ്യമിട്ടുള്ള ബില്ലിന്റെ കരട് പ്രസിദ്ധീകരിച്ചു. ഇരുപതോ അതിലധികമോ ആളുകൾ ജോലിചെയ്യുന്ന എല്ലാ സ്ഥാപനങ്ങളിലും അഞ്ചുശതമാനം ജോലി ഭിന്നശേഷിക്കാർക്ക് സംവരണം ചെയ്യാനാണ് വ്യവസ്ഥചെയ്യുന്നത്. ‘കർണാടക റൈറ്റ്‌സ് ഓഫ് പേഴ്‌സൺസ് വിത്ത് ഡിസെബിലിറ്റീസ് ഇൻ എംപ്ലോയ്‌മെന്റ് ആൻഡ് എജുക്കേഷൻ ബിൽ-2025’ ബില്ലിൽ സ്വകാര്യ വിദ്യാഭ്യാസ സ്ഥാപനങ്ങളിൽ എല്ലാ കോഴ്‌സുകളിലും 10 ശതമാനം സീറ്റുകൾ ഭിന്നശേഷിക്കാർക്ക് നീക്കിവെക്കണമെന്നും വ്യവസ്ഥചെയ്യുന്നു. ഭിന്നശേഷിക്കാരുടെ വിവിധ വിഭാഗങ്ങളിൽപ്പെട്ടവർക്ക് നിശ്ചിത മുൻഗണനപ്രകാരം കമ്പനികൾ വിവിധ തസ്തികകളിൽ നിയമനം നൽകണമെന്ന് കരട് ബിൽ നിർദേശിക്കുന്നു. ന്യായമായ…

ബെംഗളൂരു : വിവേചനം ആരോപിച്ച് ഉബർ ഓഫീസിന് നേരേ ആക്രമണം നടത്തിയ കർണാടക സ്വദേശികളായ ടാക്സി ഡ്രൈവർമാർ അറസ്റ്റിൽ. ഉബർ ആപ്പിൽ മറ്റ് സംസ്ഥാനങ്ങളിൽനിന്നുള്ള ഡ്രൈവർമാർക്ക് കൂടുതൽ ആനുകൂല്യങ്ങൾ നൽകുന്നുവെന്നും കന്നഡിഗരായ ഡ്രൈവർമാരെ അവഗണിക്കുന്നുവെന്നും ആരോപിച്ചാണ് ബൊമ്മനഹള്ളിയിലുള്ള ഓഫീസിലെത്തി അക്രമം കാട്ടിയത്. പ്രതിഷേധവുമായി എത്തിയ സംഘം ഓഫീസിൽ സാധനങ്ങൾക്ക് നാശംവരുത്തുകയും ജീവനക്കാരെ ഭീഷണിപ്പെടുത്തുകയുമായിരുന്നു. ഭാരത് ട്രാൻസ്‌പോർട്ട് സംഘം എന്ന സംഘടനയുടെ പേരിൽ എത്തിയ 50-ഓളം പേർ ഉബർ ഓഫീസിന് മുൻപിൽ പ്രതിഷേധസമരം നടത്തുകയുംചെയ്തു.

ബെംഗളൂരു: അയോധ്യയിലെ ശ്രീരാമ മന്ദിറിന്റെ നിർമ്മാണത്തിന് ഗണ്യമായ സംഭാവന നൽകിയ കർണാടക, ഇപ്പോൾ ക്ഷേത്രത്തിൽ ഭഗവദ്വാജാരോഹണം ഉയർത്തുന്നതിന് വീണ്ടും സമ്മാനം നൽകി. ചടങ്ങിനായി കഴിഞ്ഞ കുറച്ച് ദിവസങ്ങളായി ബെംഗളൂരുവിൽ നിന്നും പരിസര ജില്ലകളിൽ നിന്നും ധാരാളം പൂക്കൾ ആണ് അയോധ്യയിലേക്ക് അയച്ചിത്. ക്ഷേത്രത്തിന്റെ പൂർത്തീകരണത്തിന്റെ ഭാഗമായി 22 അടി ഉയരമുള്ള കാവി പതാക പ്രധാനമന്ത്രി നരേന്ദ്ര മോദി ഇന്ന് അനാച്ഛാദനം ചെയ്തു. ചടങ്ങിനിടെ രാമക്ഷേത്രം മുഴുവൻ അലങ്കരിക്കാൻ അയോധ്യയിലേക്ക് പൂക്കൾ, പ്രത്യേകിച്ച് ആനേക്കൽ, ഹൊസൂർ, ചിക്കബെല്ലാപൂർ, ദൊഡ്ഡബെല്ലാപൂർ എന്നിവിടങ്ങളിൽ വളരുന്ന പൂച്ചെടികൾ ആണ് അയച്ചത്.…