Day: 28 December 2024

ബംഗളുരു : നാഗർഹോളെ കടുവസങ്കേതത്തിനരികെയുള്ള മദ്യശാലകൾ പൂട്ടാൻ നടപടി സ്വീകരിക്കണമെന്ന് ദേശീയ കടുവസംരക്ഷണ അതോറിറ്റി. വിഷയത്തിൽ നടപടി സ്വീകരിക്കണമെന്നാവശ്യപ്പെട്ട് അതോറിറ്റി ബെംഗളൂരു റീജണൽ ഓഫീസ് കർണാടക വനംവകുപ്പ് ചീഫ് വൈൽഡ് വാർഡന് കത്തയച്ചു. ഇതിനുപുറമെ മൈസൂരു-കേരള അതിർത്തിയിലുള്ള വന്യജീവിസങ്കേത കേന്ദ്രമായ കബനി നദിക്കരയിലെ മദ്യശാലകൾക്കെതിരേയും നടപടിവേണമെന്ന് ആവശ്യമുയർന്നു. കബനി നദിക്കരയിലെ മദ്യശാലകൾക്കെതിരേ ബെലഗാവി വന്യജീവിസംരക്ഷകൻ ഗിരിധർ കുൽക്കർണിയാണ് ദേശീയ കടുവസംരക്ഷണ അതോറിറ്റിക്ക് കത്തയച്ചത്. ഗിരിധർ കുൽക്കർണിയുടെ കത്തും അതോറിറ്റി വനംവകുപ്പിന് കൈമാറി. ഇവിടങ്ങളിലുള്ള മദ്യശാലകൾക്കെതിരേ പരിസ്ഥിതിസംരക്ഷണ പ്രവർത്തകരിൽനിന്നടക്കം പ്രതിഷേധമുയർന്ന സാഹചര്യത്തിലാണ് അതോറിറ്റി വിഷയത്തിലിടപെട്ടത്. 1972-ലെ…

ബെംഗളൂരു : കർണാടകത്തിൽ നന്ദിനി പാലിന്റെ വില വീണ്ടും വർധിപ്പിച്ചേക്കും. വിലകൂട്ടണമെന്ന കർഷകരുടെ ആവശ്യം ചർച്ചചെയ്യാൻ മകരസംക്രാന്തിക്കുശേഷം മുഖ്യമന്ത്രി സിദ്ധരാമയ്യ യോഗം വിളിക്കുമെന്ന് കർണാടക മിൽക്ക് ഫെഡറേഷൻ (കെ.എം.എഫ്.) ചെയർമാൻ ഭീമ നായിക് പറഞ്ഞു. കെ.എം.എഫിലെ മുതിർന്ന ഉദ്യോഗസ്ഥർ യോഗത്തിൽ പങ്കെടുക്കും.ലിറ്ററിന് അഞ്ചു രൂപയുടെ വർധനവാണ് യൂണിയനുകൾ ആവശ്യപ്പെട്ടിട്ടുള്ളത്. 2023 ഓഗസ്റ്റ് ഒന്നിനാണ് അവസാനമായി പാൽവില കൂട്ടിയത്. കഴിഞ്ഞ ജൂണിൽ രണ്ടുരൂപ വർധിപ്പിച്ചെങ്കിലും പാലിന്റെ അളവ് വർധിപ്പിച്ചതിനാൽ വിലവർധനവായി കാണാനാകില്ലെന്നും കെ.എം.എഫ്. ഉദ്യോഗസ്ഥർ പറഞ്ഞു.

ബെംഗളൂരു : പുതുവത്സര രാവിൽ നഗരത്തിലുണ്ടാകാൻ സാധ്യതയുള്ള ജനത്തിരക്ക് കണക്കിലെടുത്ത് നമ്മ മെട്രോ സർവീസ് സമയം നീട്ടി. പർപ്പിൾ ലൈനിലും (കിഴക്ക് – പടിഞ്ഞാറ് ഇടനാഴി) ഗ്രീൻ ലൈനിലും (തെക്ക് – വടക്ക് ഇടനാഴി) രാത്രി വൈകിയും സർവീസ് നടത്തുമെന്ന് ബെംഗളൂരു മെട്രോ റെയിൽ കോർപ്പറേഷൻ ലിമിറ്റഡ് (ബി.എം.ആർ.സി.എൽ.) അറിയിച്ചു. വൈറ്റ്ഫീൽഡ്, ചല്ലഘട്ട, മാധവാര, സിൽക്ക് ഇൻസ്റ്റിറ്റ്യൂട്ട് എന്നീ നാലു ടെർമിനൽ സ്റ്റേഷനുകളിൽനിന്നും അവസാന മെട്രോ ട്രെയിൻ പുറപ്പെടുന്നത് ജനുവരി ഒന്ന് പുലർച്ചെ രണ്ടിനായിരിക്കും. മജെസ്റ്റിക്കിൽ നിന്ന് നാലു ദിശകളിലേക്കുമുള്ള അവസാന മെട്രോ പുറപ്പെടുന്നത്…

ബെംഗളൂരു : ബെംഗളൂരുവിൽ രണ്ടുസംഭവങ്ങളിലായി തീവണ്ടിതട്ടി മൂന്നുപേർ മരിച്ചു. മൈസൂരുവിലെ ബി.സി.എ. വിദ്യാർഥിനി ശ്രേയ (19), ബിന്നിപേട്ട് സ്വദേശി കെ.പി. സൂര്യ (23), കെ.പി. അഗ്രഹാര സ്വദേശി ശരത് (27) എന്നിവരാണ് മരിച്ചത്. ശ്രേയ കെ.എസ്.ആർ. ബെംഗളൂരു റെയിൽവേ സ്റ്റേഷനിലും മറ്റു രണ്ടുപേർ ബിന്നിപേട്ട് റെയിൽവേ ഗേറ്റിലുണ്ടായ അപകടത്തിലുമാണ് മരിച്ചത്. സുഹൃത്തുക്കൾക്കൊപ്പം ചെന്നൈയിൽ പോയി തീവണ്ടിയിൽ മടങ്ങി വരുകയായിരുന്നു ശ്രേയ. ഭക്ഷണ സാധനങ്ങൾ വാങ്ങാനായി പ്ലാറ്റ്‌ഫോമിൽ ഇറങ്ങി. തീവണ്ടി നീങ്ങിത്തുടങ്ങിയപ്പോൾ ഓടി കയറുന്നതിനിടെ കാൽവഴുതി തീവണ്ടിക്ക് അടിയിൽ വീഴുകയായിരുന്നു. ബിന്നിപ്പേട്ട് റെയിൽവേ ഗേറ്റിന് സമീപം…