Day: 20 December 2024

വണ്ടിപ്പെരിയാര്‍ പോക്‌സോ കേസില്‍ കോടതി വെറുതെവിട്ട പ്രതി അര്‍ജുന്‍ കീഴടങ്ങണമെന്ന് ഹൈക്കോടതി ഡിവിഷന്‍ ബെഞ്ചിന്റെ നിര്‍ദേശം. പത്ത് ദിവസത്തിനകം കട്ടപ്പന പോക്‌സോ കോടതിയില്‍ കീഴടങ്ങണം. നിരന്തരം ആവശ്യപ്പെട്ടിട്ടും അപ്പീലില്‍ അര്‍ജുന്‍ മറുപടി സത്യവാങ്മൂലം നല്‍കിയിരുന്നില്ല. ഈ സാഹചര്യത്തിലാണ് ഹൈക്കോടതി ഡിവിഷന്‍ ബെഞ്ചിന്റെ കടുത്ത നടപടി. അതേസമയം കോടതി നടപടിയില്‍ ആശ്വാസമുണ്ടെന്ന് പെണ്‍കുട്ടിയുടെ പിതാവ് വ്യക്തമാക്കി. കുറ്റവിമുക്തനാക്കപ്പെട്ടയാളോട് കീഴടങ്ങാന്‍ കോടതി നിര്‍ദ്ദേശിക്കുന്നത് അപൂര്‍വ്വ നടപടിയാണ്. നിരന്തരം ആവശ്യപ്പെട്ടിട്ടും അപ്പീലില്‍ അര്‍ജുന്‍ മറുപടി സത്യവാങ്മൂലം നല്‍കിയിരുന്നില്ല. ഈ സാഹചര്യത്തിലാണ് ഹൈക്കോടതി ഡിവിഷന്‍ ബെഞ്ചിന്റെ കടുത്ത നടപടി. അര്‍ജുന്‍…

ബെംഗളൂരു: റൈസ് മില്ലിൽ ബോയിലർ പൊട്ടിത്തെറിച്ചുണ്ടായ അപകടത്തിൽ ഏഴ് പേർക്ക് പൊള്ളലേറ്റു. ശിവമോഗ ഭദ്രാവതിയിലെ ചന്നഗിരി റോഡിലാണ് സംഭവം. അപകടത്തിൽ കെട്ടിടം മുഴുവൻ തകർന്നു. യന്ത്രങ്ങൾക്കും കാര്യമായ കേടുപാടുകൾ സംഭവിച്ചു. ബോയിലറിൻ്റെ ശകലങ്ങൾ സൈറ്റിൽ നിന്ന് ഒരു കിലോമീറ്ററോളം ചിതറിക്കിടക്കുന്നതായി പോലീസ് പറഞ്ഞു. വ്യാഴാഴ്ച വൈകീട്ട് ഇരുപതിലധികം തൊഴിലാളികൾ മില്ലിൽ അരി കയറ്റുന്നതിനിടെയാണ് സംഭവം. സ്ഫോടനത്തിൽ റൈസ് മിൽ കെട്ടിടം പൂർണമായും തകർന്നു. സ്ത്രീകൾ ഉൾപ്പെടെ ഏഴ് പേർക്കാണ് പൊള്ളലേറ്റത്. ഇവരെ ചികിത്സയ്ക്കായി മക്ഗാൻ ആശുപത്രിയിൽ പ്രവേശിപ്പിച്ചു. ഇവരിൽ രണ്ട് പേരുടെ നില ഗുരുതരമാണെന്നാണ്…

ബെംഗളൂരു: ഓട്ടോക്കൂലി മിനിമം നിരക്ക് 40 രൂപയാക്കണമെന്ന ആവശ്യം ശക്തമാക്കിയതോടെ സംസ്ഥാന സർക്കാർ തൊഴിലാളി സംഘടനകളുമായി ചർച്ച നടത്തും. അധിക കിലോമീറ്ററിനുള്ള നിരക്ക് 15 രൂപയിൽ നിന്ന് 20 രൂപയാക്കണമെന്നത് ഉൾപ്പെടെയുള്ള ആവശ്യങ്ങൾ പരിഗണിക്കും. 23നാണ് യോഗം. നിലവിൽ ആദ്യ 2 കിലോമീറ്ററിനു 30 രൂപയാണ് നിരക്ക്. 2021 ഡിസംബറിലാണ് അവസാനമായി നിരക്ക് പരിഷ്കരിച്ചത്. എൽപിജി വില കൂടിയതും, അറ്റകുറ്റപ്പണികളുടെ ചെലവ് കൂടിയതും ഉൾപ്പെടെ ചൂണ്ടിക്കാട്ടിയാണ് തൊഴിലാളി സംഘടനകൾ നിരക്ക് വർധന ആവശ്യപ്പെടുന്നത്. പുതിയ ഓട്ടോകളുടെ വില വർധിച്ചിട്ടുണ്ട്.കഴിഞ്ഞ 10 വർഷത്തിനിടെ 2 തവണ…

ബംഗളുരു : ബി എം ആർ സി എൽ റാപ്പിഡോയുമായി ചേർന്ന് 20 മെട്രോ സ്റ്റേഷനുകളിൽ വെബ് ഓട്ടോ സ്റ്റാറ്റൻഡുകൾ ക്രമീകരിക്കിം. ഇതിന്റെ ഭാഗമായി റാപ്പിഡോയിൽ രജിസ്റ്റർ ചെയ്ത ഓട്ടോ ഡ്രൈവർമാർക്ക് സ്റ്റേഷനുകളിൽ സ്ഥലം അനുവദിക്കും. മെട്രോ സ്റ്റേഷനുകളിൽ നിന്ന് പുറത്തിറങ്ങുന്ന യാത്രക്കാർക്ക് കമ്പനി എക്സിക്യൂട്ടീവിന്റെ സഹായത്തോടെ റൈഡ് ബുക്ക്‌ ചെയാം. സർക്കാർ നിശ്ചയിച്ച നിരക്കിൽ തന്നെ സർവീസ് നടത്തുമെന്ന് കമ്പനി അറിയിച്ചു. ഇതിന്റെ അനുയോജ്യമായ മെട്രോ സ്റ്റേഷനുകൾ കണ്ടെത്താൻ ബി എം ആർ സി ഉടൻ സർവേ ആരംഭിക്കും. വെബ് ടാക്സി അപ്പുകളുടെ…

ബെംഗളൂരു: ക്രിസ്മസ് അവധിയോടനുബന്ധിച്ച് ബെംഗളൂരു – ആലപ്പുഴ റൂട്ടിൽ സ്പെഷ്യൽ സർവീസ് പ്രഖ്യാപിച്ച് കർണാടക ആർടിസി. വെള്ളിയാഴ്ച രാത്രി 7.45ന് ബെംഗളൂരുവിൽ നിന്ന് പുറപ്പെട്ടു നാളെ രാവിലെ 7.15ന് ആലപ്പുഴയിലെത്തും. ഐരാവത് ക്ലബ് ക്ലാസ് സെമി സ്ലീപ്പർ ബസ്സാണ് സർവീസ് നടത്തുക. എറണാകുളം, ചേർത്തല, ആലപ്പുഴ ഭാഗങ്ങളിലേക്ക് യാത്ര ചെയ്യുന്നവർക്ക് ഏറെ സഹായകരമാണ് ഈ അധിക ബസ് സർവീസ്. ശനിയാഴ്ചയും ആലപ്പുഴയിലേക്ക് പ്രത്യേക സർവീസ് നടത്തിയേക്കും. ഇതിന് പുറമേ കർണാടക ആർ.ടി.സി. വെള്ളിയാഴ്ച കേരളത്തിലേക്ക് മുപ്പതോളം പ്രത്യേക സർവീസുകൾ നടത്തുന്നുണ്ട്.

ബെംഗളൂരു: എയര്‍ ഇന്ത്യ എക്‌സ്പ്രസിന്റെ ബെംഗളൂരു- ദമാം സര്‍വീസ് ജനുവരി 1 മുതല്‍ ആരംഭിക്കും. ആഴ്ചയില്‍ 3 ദിവസമാണ സര്‍വാസ്. ബുധന്‍ , വെളളി, ഞായര്‍ ദിവസങ്ങളില്‍ രാവിലെ 5.50ന് ബെംഗളൂരുവില്‍ നിന്ന് പുറപ്പെട്ട് ഉച്ചയ്ക്ക് 12.50ന ദമാമിലെത്തും. ഇതെ ദിവസങ്ങളില്‍ ദമാമില്‍ നിന്ന് ഉച്ചയ്ക്ക് 1.50ന് പുറപ്പെട്ട് വൈകിട്ട് 4.30ന് ബെംഗളൂരുവിലെത്തും. കൂടാതെ ബെംഗളൂരു – അബുദാബി സര്‍വീസ് ജനുവരി 15 മുതല്‍ പ്രതിദിനമാകും. എയര്‍ ഇന്ത്യ എക്‌സ്പ്രസിന്റെ ബെംഗളൂരു – അമ്യത്സര്‍ സര്‍വീസ് 27ന് ആരംഭിക്കും. ആഴ്ചയില്‍ 4 ദിവസമാണ് സര്‍വീസ്…

കര്‍ണാടകയില്‍ വനിതാ മന്ത്രി ലക്ഷ്മി ഹെബ്ബാള്‍ക്കറെ അപമാനിച്ച സംഭവത്തില്‍ ബി.ജെ.പി എംഎല്‍സി സിടി രവി പൊലീസ് കസ്റ്റഡിയില്‍. ഭാരതീയ ന്യായ സംഹിത 75,79 വകുപ്പുകള്‍ ചുമത്തിയാണ് കേസ് രജിസ്റ്റര്‍ ചെയ്തിരിക്കുന്നത്. ലക്ഷ്മി ഹെബ്ബാള്‍ക്കറുടെ പരാതിയിലാണ് പൊലീസ് നടപടി. നേരത്തേ മന്ത്രിയെ അപമാനിച്ചെന്നാരോപിച്ച് കോണ്‍ഗ്രസ് പ്രവര്‍ത്തകര്‍ സിടി രവിയെ നിയമസഭയില്‍ കയറി മര്‍ദിക്കാന്‍ ശ്രമിച്ചിരുന്നു. ഇന്ന് ഉച്ചയോടെയായിരുന്നു ശീതകാല സമ്മേളനം നടക്കുന്ന ബെലഗാവിയിലെ സുവര്‍ണ വിധാന്‍ സൗധയില്‍ നാടകീയരംഗങ്ങളുണ്ടായത്. അമിത്ഷായുടെ അംബേദ്കര്‍ പരാമര്‍ശത്തില്‍ ബിജെപി കോണ്‍ഗ്രസ് അംഗങ്ങള്‍ തമ്മില്‍ രൂക്ഷമായ വാക്ക്‌പോരുണ്ടായി. സഭ പിരിയാനൊരുങ്ങുമ്പോള്‍ ആയിരുന്നു…

ചികിത്സയ്ക്കായി ഇന്നലെ രാത്രി ശിവരാജ്കുമാർ അമേരിക്കയിലേക്ക് വിമാനം കയറി. മെഡിക്കൽ നടപടിക്രമങ്ങൾക്കായി അമേരിക്കയിലേക്ക് പോകും മുമ്പ് മാധ്യമങ്ങളോട് സംസാരിക്കുകയായിരുന്നു അദ്ദേഹം. ദശലക്ഷക്കണക്കിന് കന്നഡക്കാരുടെ ഹൃദയത്തിൽ പ്രത്യേക സ്ഥാനം നേടിയ താരത്തിന്റെ ശസ്ത്രക്രിയ ഡിസംബർ 24 ന് ഫ്ലോറിഡയിലെ മിയാമിയിൽ നടക്കും. താൻ ചികിത്സയിലാണെന്ന് പ്രശസ്ത കന്നഡ നടൻ ശിവ രാജ്കുമാർ അടുത്തിടെ പങ്കുവെച്ചിരുന്നു. നിർണായക ശസ്ത്രക്രിയയ്ക്കായി താരം അമേരിക്കയിലേക്ക് പോയത് ആരാധകരിൽ ആശങ്കയുണ്ടാക്കി. കിച്ച സുദീപ് , നന്ദമുരി ബാലകൃഷ്ണ തുടങ്ങിയ അഭിനേതാക്കൾ പ്രധാന ശസ്ത്രക്രിയയ്ക്കായി യുഎസിലേക്ക് പറക്കുന്നതിന് മുമ്പ് അദ്ദേഹത്തെ വീട്ടിൽ എത്തി…

ബെംഗളൂരു : ക്രിസ്മസിനോടനുബന്ധിച്ച് കേരളത്തിലേക്കുള്ള അവധിയാത്രയ്ക്ക് വെള്ളിയാഴ്ച തുടക്കമാകും. പതിവ് സർവീസുകളിലും പ്രത്യേക സർവീസുകളിലും ടിക്കറ്റ് തീർന്നതിനാൽ അവസാന നിമിഷം പ്രത്യേക സർവീസിനായി കാത്തിരിക്കുന്നവർ ഒട്ടേറെയാണ്. വെള്ളിയാഴ്ച മുതൽ ക്രിസ്മസ് തലേന്ന് വരെയായി ആയിരക്കണക്കിന് മലയാളികളാണ് നാട്ടിൽ പോകുന്നത്. കർണാടക ആർ.ടി.സി. വെള്ളിയാഴ്ച കേരളത്തിലേക്ക് മുപ്പതോളം പ്രത്യേക സർവീസുകൾ നടത്തുന്നുണ്ട്. അതിനിടെ കെ.സി. വേണുഗോപാൽ എം.പി. ഇടപെട്ടതിനെത്തുടർന്ന് ആലപ്പുഴയിലേക്ക് കർണാടക ആർ.ടി.സി. വെള്ളിയാഴ്ച പ്രത്യേക സർവീസ് അനുവദിച്ചിട്ടുണ്ട്. കർണാടക ഗതാഗതവകുപ്പ് മന്ത്രി രാമലിംഗ റെഡ്ഡിയെ വേണുഗോപാൽ ഫോണിൽ വിളിച്ച് പ്രത്യേക ബസ് വേണമെന്ന് ആവശ്യപ്പെട്ടിരുന്നു.…