Day: 14 December 2024

ബെംഗളൂരു: മടിവാളയിൽ പിജി ഹോസ്റ്റലില്‍ സംഘര്‍ഷം. മലയാളി വിദ്യാര്‍ഥികളെ ഭീഷണിപ്പെടുത്തി ഇറക്കിവിട്ടതായി പരാതി. സംഭവത്തില്‍ വിദ്യാർത്ഥികളുടെ പരാതിയെ തുടർന്ന് മടിവാള പോലീസ് കേസെടുത്തിട്ടുണ്ട്. പിജി ഹോസ്റ്റല്‍ നടത്തിപ്പുകാരും ഉടമയും തമ്മിലുള്ള തര്‍ക്കമാണ് പ്രശ്നങ്ങള്‍ക്ക് കാരണം. ഉടമയെത്തി മലയാളികള്‍ അടക്കമുള്ള വിദ്യാര്‍ഥികളോട് ഉടന്‍തന്നെ ഇറങ്ങിപ്പോകാന്‍ ആവശ്യപ്പെടുകയായിരുന്നു. പിജി നടത്തിപ്പുകാരെ ഒഴിപ്പിക്കാന്‍ ലക്ഷ്യമിട്ടാണ് ഉടമയും പുറത്തുനിന്നുള്ളയാളും എത്തിയത്. മുന്നറിയിപ്പില്ലാതെ മുറിയിലെത്തി ഇറങ്ങിപ്പോകാന്‍ പറഞ്ഞുവെന്നാണ് പരാതി. ഹോള്‍ ടിക്കറ്റും പുസ്തകങ്ങളും ഉള്‍പ്പെടെ ഒന്നും എടുക്കാന്‍ സാധിച്ചില്ലെന്നും പരാതിയില്‍ പറയുന്നു.  

ബെംഗളൂരു: ടെക്കി ജീവനൊടുക്കിയ സംഭവത്തില്‍ ഭാര്യ നിഖിതക്ക് പോലീസ് സമന്‍സ് നല്‍കി. മൂന്ന് ദിവസത്തിനുള്ളില്‍ ചോദ്യം ചെയ്യലിനായി ഹാജരാകണമെന്നാണ് ആവശ്യപ്പെട്ടിരിക്കുന്നത്. മരിച്ച അതുലിന്റെ സഹോദരന്‍ ബികാസ് കുമാറിന്റെ പരാതിയിലാണ് നടപടി. ഇവര്‍ക്കെതിരെ ആത്മഹത്യാ പ്രേരണക്കുറ്റം ചുമത്തിയിട്ടുണ്ട്. അന്വേഷണ സംഘം ഉത്തര്‍പ്രദേശില്‍ എത്തിയപ്പോള്‍ നിഖിത ഉള്‍പ്പടെയുള്ളവര്‍ ഒളിവില്‍ പോയതായി ബെംഗളൂരു പൊലീസ് അറിയിച്ചിരുന്നു. 24 പേജുള്ള ആത്മഹത്യാ കുറിപ്പും ഒരു മണിക്കൂറിലധികം ദൈര്‍ഘ്യമുള്ള വീഡിയോയും പങ്കു വെച്ചായിരുന്നു യുപി സ്വദേശിയായ അതുല്‍ സുഭാഷ് ആത്മഹത്യ ചെയ്തത്. ഭാര്യയും ഭാര്യയുടെ ബന്ധുക്കളും തന്നെ നിരന്തരം ഉപദ്രവിച്ചെന്നായിരുന്നു അതുലിന്റെ…

ബെംഗളൂരു: കോടതിയില്‍ ദിവസേന എത്തുന്നത് പല വിധത്തിലുള്ള കേസുകളാണ്. പലതിലും തീർപ്പാവുകയും ചിലത് കേസ് മാറ്റി വക്കുകയും ഒക്കെ ചെയ്യാറുണ്ട്. എന്നാല്‍ വളരെ അസാധാരണമായ ഒരു കേസാണ് കർണാടക ഹൈക്കോടതിയില്‍ കുറച്ച്‌ ദിവസം മുമ്പ് എത്തിയത്. ബെംഗളൂരുവില്‍ നിന്നുള്ള ഒരു യുവാവിനെതിരെ ഭാര്യ നല്‍കിയ പരാതിയാണ് ഒടുവില്‍ കോടതിക്ക് മുന്നിലെത്തിയത്. ഭർത്താവ് തന്നേക്കാള്‍ പ്രാധാന്യം നല്‍കുന്നത് തങ്ങളുടെ വീട്ടിലെ പൂച്ചയ്ക്കാണ് എന്നതായിരുന്നു യുവതിയുടെ പരാതി. കേസില്‍ തുടരന്വേഷണം കോടതിയിടപെടലില്‍ നിർത്തി വച്ചിരിക്കയാണ്. വീട്ടില്‍ നടക്കുന്ന സാധാരണ തർക്കങ്ങളാണ് ഒടുവില്‍ കോടതി വരെ എത്തിയിരിക്കുന്നത്. ഭർത്താവിന്…

ബെംഗളൂരു: ഭാര്യയുടെയും ഭാര്യവീട്ടുകാരുടെയും പീഡനത്തില്‍ മനംനൊന്ത് ബെംഗളൂരുവില്‍ ടെക്കിയായ യുവാവ് മരിച്ചതിന് പിന്നാലെ നഗരത്തില്‍ വീണ്ടും സമാനമായ മരണം. 34-കാരനായ പോലീസ് കോണ്‍സ്റ്റബിളാണ് ബെംഗളൂരുവില്‍ ജീവനൊടുക്കിയത്. ഭാര്യയുടേയും ഭാര്യാപിതാവിന്റെയും പീഡനം സഹിക്കാൻ കഴിയാതെയാണ് മരിക്കാൻ തീരുമാനിച്ചതെന്ന് കോണ്‍സ്റ്റബിളായ എച്ച്‌.സി തിപ്പണ്ണ എഴുതിയ ആത്മഹത്യാക്കുറിപ്പില്‍ പറയുന്നു. ട്രെയിനിന് മുൻപില്‍ ചാടിയാണ് ഇയാള്‍ ജീവനൊടുക്കിയത്. വെള്ളിയാഴ്ച രാത്രി ഹീലാലിജെ സ്റ്റേഷനും കാർമെലാരം ഹുസഗുരു റെയില്‍വേ ഗേറ്റിനും ഇടയിലായിരുന്നു സംഭവം. സ്ഥലത്തെത്തിയ പോലീസ് ഇൻക്വസ്റ്റ് നടപടികള്‍ പൂർത്തിയാക്കി കേസെടുത്തു. ഭാര്യ വീട്ടുകാരുടെ പീഡനത്തെ തുടർന്ന് 34-കാരനായ അതുല്‍ സുഭാഷ്…