ഡാളസ്: അമേരിക്കയിലെ സ്പ്രിങ് ക്രീക്ക് – പാർക്കർ റോഡില് വാഹനാപകടത്തെ തുടർന്ന് ചികില്സയിലായിരുന്ന മലയാളി ദമ്പതികള് മരിച്ചു. വിക്ടർ വർഗീസ് എന്ന സുനില് (45 ), ഭാര്യ ഖുശ്ബു വർഗീസ് എന്നിവരാണ് മരണപ്പെട്ടത്. സപ്തംബർ ഏഴിന് ശനിയാഴ്ച രാത്രിയുണ്ടായ വാഹനാപകടത്തില് ഗുരുതരമായി പരിക്കേറ്റ് തീവ്രപരിചരണ വിഭാഗത്തില് ചികില്സയിലായിരുന്നു. എഴുമറ്റൂർ മാൻകിളിമുറ്റം സ്വദേശി പരേതനായ ഏബ്രഹാം വർഗീസിൻ്റെയും അമ്മിണി വർഗീസിൻ്റേയും മകനാണ് വിക്ടർ വർഗീസ്. മരണപ്പെട്ട ദമ്പതികള്ക്ക് രണ്ട് മക്കളുണ്ട്. ടെക്സാസിലെ സെഹിയോണ് മർത്തോമാ ആരാധനാലയത്തില് സംസ്കാര ശുശ്രൂഷകള് 21നു രാവിലെ 10 ന് നടക്കും.…
Read MoreMonth: September 2024
നാട്ടിലേക്ക് ഓണം ആഘോഷിക്കാൻ പോകാൻ കൂടുതൽ പ്രത്യേക ട്രെയിൻ സർവീസുകൾ കൂടി
ബെംഗളൂരു : കേരളത്തിൽ ഓണം ആഘോഷിക്കാൻ ഏറ്റവും കൂടുതൽ ബെംഗളൂരു മലയാളികൾ നാട്ടിലേക്ക് പോകുന്ന വെള്ളിയാഴ്ച കേരള, കർണാടക ആർ.ടി.സി.കൾ സംയുക്തമായി സർവീസ് നടത്തുന്നത് നൂറോളം പ്രത്യേക ബസുകൾ. യാത്രാത്തിരക്ക് കണക്കിലെടുത്ത് അവസാനനിമിഷവും കേരളത്തിലേക്ക് പ്രത്യേക സർവീസുകൾ പ്രഖ്യാപിച്ചിട്ടുണ്ട്. കർണാടക ആർ.ടി.സി. ബെംഗളൂരുവിൽനിന്ന് ആലപ്പുഴയിലേക്കാണ് പ്രത്യേക സർവീസ് അനുവദിച്ചത്. ആലപ്പുഴ എം.പി. കെ.സി. വേണുഗോപാലിന്റെ നിർദേശപ്രകാരമാണ് പ്രത്യേക സർവീസ് അനുവദിച്ചത്. ഐരാവത് ക്ലബ്ബ് ക്ലാസ് ബസാണ് സർവീസ് നടത്തുക. 2583 രൂപയാണ് ടിക്കറ്റ് നിരക്ക്. രാത്രി 7.45-ന് ബെംഗളൂരുവിൽനിന്ന് പുറപ്പെടുന്ന ബസ് പിറ്റേദിവസം രാവിലെ…
Read Moreനഗരം ഓണലഹരിയിൽ; ഓണച്ചന്തകൾ സുലഭം; ഓണസദ്യയൊരുക്കി ഹോട്ടലുകൾ
ബെംഗളൂരു : തിരുവോണത്തെ വരവേൽക്കാനുള്ള തയ്യാറെടുപ്പിലാണ് ഉദ്യാനനഗരി. നഗരത്തിൽ മലയാളികളുള്ള സ്ഥലങ്ങളിലെല്ലാം വിവിധ സംഘടനകളുടെയും സ്ഥാപനങ്ങളുടെയും നേതൃത്വത്തിൽ ഓണാഘോഷങ്ങൾ പൊടിപൊടിക്കുകയാണ്. നാട്ടിൽ പോകാൻ സാധിക്കാത്ത മലയാളികൾക്ക് നാട്ടിലേതുപോലെ ഓണം ആഘോഷിക്കാനുള്ള അവസരങ്ങളാണ് മലയാളി സംഘടനകൾ ഒരുക്കുന്നത്. വിവിധയിനം ഓണക്കളികളും മത്സരങ്ങളുമെല്ലാം തകൃതിയായി നടക്കുന്നു. ഓണസദ്യക്കാവശ്യമായ സാധനങ്ങളുമായി ഓണച്ചന്തകളും നഗരത്തിൽ സജീവമാണ്. വിവിധ സംഘടനകളുടെ നേതൃത്വത്തിൽ നടന്നുവരുന്ന മിക്ക ഓണച്ചന്തകളും ശനിയാഴ്ച രാത്രിയോടെ സമാപിക്കും. മൈസൂരു മൃഗശാലയ്ക്ക് സമീപത്തെ ഹോട്ടൽ ഇന്റർനാഷണൽ, ബസ് സ്റ്റാൻഡിനടുത്തുള്ള ഹോട്ടൽ മഹാരാജാസ്, ഹെബ്ബാളിലുള്ള ചേട്ടായീസ് ഫാമിലി ഹോട്ടൽ തുടങ്ങിയ സ്ഥലങ്ങളിൽ…
Read More“ഇത് മടക്കാൻ കഴിയുമ്ബോള് ഞങ്ങളെ അറിയിക്ക്”: ആപ്പിളിനെ ട്രോളി സാംസങ്ങിന്റെ ട്വീറ്റ്
പ്രീമിയം സ്മാർട്ഫോണ് എന്ന നിലയില് ഐഫോണിന് ആരാധകർ ഏറെയുണ്ട്. ഒരു കാലത്ത് നൂതനമായ ആശയങ്ങളുമായി എത്തിയിരുന്ന കമ്പനി ഇപ്പോള് ബഹുദൂരം പിന്നില് ഓടുകയാണെന്ന വിമർശനം ശക്തമാണ്. ഐഫോണ് 16 സീരീസിനൊപ്പം ആപ്പിള് അവതരിപ്പിച്ച ഫീച്ചറുകളില് ഭൂരിഭാഗവും ആൻഡ്രോയിഡ് നിർമാതാക്കള് ഏതാനും വർഷങ്ങള്ക്ക് മുമ്ബ് തന്നെ തങ്ങളുടെ ഫോണുകളില് അവതരിപ്പിച്ചിരുന്നതാണ്. ഇപ്പോഴിതാ ആപ്പിളിനെ കളിയാക്കി രംഗത്തുവന്നിരിക്കുകയാണ് വിപണിയിലെ എതിരാളിയായ സാംസങ്. ‘ഇത് മടക്കാൻകഴിയുമ്ബോള് ഞങ്ങളെ അറിയിക്ക്’ എന്നെഴുതിയ 2022 ല് കമ്ബനി പങ്കുവെച്ച പോസ്റ്റ് റീപോസ്റ്റ് ചെയ്തുകൊണ്ടാണ് സാംസങ് ആപ്പിളിനിട്ടൊരു ‘തട്ട് തട്ടിയത്.’ ഇപ്പോഴും കാത്തിരിക്കുകയാണെന്ന് സാംസങ്…
Read Moreസർഗ്ഗധാര സാംസ്കാരിക സമിതിയുടെ പ്രഥമ സാഹിത്യ പുരസ്കാര ചടങ്ങ് നടന്നു
ബെംഗളൂരു: സർഗ്ഗധാര സാംസ്കാരിക സമിതിയുടെ പ്രഥമ സാഹിത്യ പുരസ്കാരചടങ്ങ് പ്രസിഡന്റ് ശാന്തമേനോന്റെ അദ്ധ്യക്ഷതയിൽ നടന്നു . ജോയിന്റ് സെക്രട്ടറി കൃഷ്ണപ്രസാദ് സ്വാഗതവും, കൺവീനർ പി . എൽ. പ്രസാദ് പരിപാടിയെക്കുറിച്ച് വിവരണം നടത്തി. പി . കൃഷ്ണകുമാർ വിഷ്ണുമംഗലം കുമാറിനേയും, പി . ശ്രീജേഷ് ചന്ദ്രശേഖരൻ തിക്കോടിയേയും സദസ്സിന് പരിചയപ്പെടുത്തി. മനോജ് മുഖ്യാതിഥിയെ പൊന്നാടയണിയിച്ച് ആദരിച്ചു.വിജയൻ ഗാനങ്ങൾ ആലപിച്ചു.ഷാജി അക്കിത്തടം പരിപാടിയുടെ അവതാരകനായി. പ്രശസ്ത എഴുത്തുകാരനും മുതിർന്ന പത്രപ്രവർത്തകനുമായ വിഷ്ണുമംഗലം കുമാറിന് പുരസ്കാരം സമ്മാനിച്ചുകൊണ്ട്, മുഖ്യാതിഥി ചന്ദ്രശേഖരൻ തിക്കോടി പ്രഭാഷണം നടത്തി.സർഗ്ഗധാര അംഗങ്ങൾ പൊന്നാടയണിയിച്ചു.…
Read Moreകന്നഡ അനുകൂല സംഘടനകൾ പദ്ധതി എതിർത്തു; നിർദിഷ്ട നമ്മ മെട്രോ ലിങ്ക് ഹൊസൂരിലേക്ക് നീട്ടുന്നതിൽ എതിർപ്പ്
ബെംഗളൂരു : ബെംഗളൂരു നമ്മ മെട്രോപാത തമിഴ്നാട്ടിലെ ഹൊസൂരുമായി ബന്ധിപ്പിക്കാനുള്ള പദ്ധതിയെ എതിർത്ത് വിവിധ കന്നഡ സംഘടനകൾ. തമിഴ്നാട്ടിൽ നിന്ന് കൂടുതൽ ആളുകൾ ബെംഗളൂരുവിൽ കുടിയേറുമെന്നും ഇത് ഐ.ടി. നഗരത്തിലെ തദ്ദേശീയർക്ക് ബുദ്ധിമുട്ടുണ്ടാകുമെന്നും ചൂണ്ടിക്കാട്ടിയാണ് എതിർപ്പ് ഉന്നയിക്കുന്നത്. നമ്മ മെട്രോയെ ഹൊസൂരുമായി ബന്ധിപ്പിക്കരുതെന്നും ഇപ്പോൾ തന്നെ തമിഴ്നാട്ടിൽനിന്ന് ആളുകൾ ബെംഗളൂരുവിലെത്തി താമസമാക്കിയിട്ടുണ്ടെന്നും കർണാടക രക്ഷണ വേദികെ പ്രസിഡന്റ് നാരായൺ ഗൗഡ പറഞ്ഞു. അതിർത്തി പ്രദേശങ്ങളായ അത്തിബലെ, ഇലക്ട്രോണിക്സിറ്റി എന്നിവിടങ്ങളിൽ തമിഴ്നാട്ടിൽനിന്നുള്ളവരെത്തി വലിയ കമ്പനികളിൽ ജോലിചെയ്യുന്നുണ്ട്. മെട്രോയെ തമിഴ്നാടുമായി ബന്ധിപ്പിച്ചാൽ കൂടുതൽ ആളുകൾ ബെംഗളൂരുവിലെത്തുന്നതിനിടയാക്കും. ഇക്കാര്യം…
Read Moreകേരളമുൾപ്പെടെ എട്ട് സംസ്ഥാനങ്ങളുടെ മുഖ്യമന്ത്രിമാർക്ക് കത്തെഴുതി കർണാടക മുഖ്യമന്ത്രി സിദ്ധരാമയ്യ
ബെംഗളൂരു : സംസ്ഥാനങ്ങൾക്കു നികുതിവിഹിതം അനുവദിക്കുന്നതിൽ കേന്ദ്രം കാണിക്കുന്ന അനീതി ചൂണ്ടിക്കാട്ടി കേരളമുൾപ്പെടെ എട്ട് സംസ്ഥാനങ്ങളുടെ മുഖ്യമന്ത്രിമാർക്ക് കത്തെഴുതി കർണാടക മുഖ്യമന്ത്രി സിദ്ധരാമയ്യ. എൻ.ഡി.എ. സർക്കാരിന്റെ മുഖ്യമന്ത്രിമാർക്കുൾപ്പെടെയാണ് കത്തെഴുതിയത്. വിഷയം ചർച്ചചെയ്യാൻ കർണാടകം കോൺക്ലേവ് വിളിച്ചുചേർക്കുമെന്നും പങ്കെടുക്കാൻ മുഖ്യമന്ത്രിമാരെ ക്ഷണിക്കുന്നതായും കത്തിൽ പറയുന്നു. യോഗത്തിന്റെ തീയതി പിന്നീടറിയിക്കും. കേരളത്തിനുപുറമെ, തമിഴ്നാട്, ആന്ധ്രപ്രദേശ്, തെലങ്കാന, മഹാരാഷ്ട്ര, ഗുജറാത്ത്, ഹരിയാണ, പഞ്ചാബ് മുഖ്യമന്ത്രിമാർക്കാണ് കത്തയച്ചത്. ഉയർന്ന പ്രതിശീർഷ വരുമാനമുള്ളതും കേന്ദ്ര സർക്കാരിന് കൂടുതൽ നികുതിവരുമാനം നൽകുന്നതുമായ കർണാടക പോലുള്ള സംസ്ഥാനങ്ങൾക്ക് അവയുടെ സാമ്പത്തിക പ്രകടനത്തിന് അനുസൃതമായി നികുതിവിഹിതം…
Read Moreഷോർട്സ് ധരിച്ചതിന്റെ പേരിൽ യുവതിയെ പരസ്യമായി അപമാനിച്ച് സ്ത്രീ
ബെംഗളൂരു: ഓരോ തലമുറയും കാലത്തിനനുസരിച്ചുള്ള വസ്ത്രധാരണമാണ് തിരഞ്ഞെടുക്കാറുള്ളത്. എന്നാല് പരമ്പരാഗതമായ ആചാരങ്ങളും കാഴ്ചപ്പാടുകളും വെച്ചുപുലര്ത്തുന്ന ആളുകള്ക്ക് പുതുതലമുറയുടെ ഈ ചിന്താഗതി ഇഷ്ടപ്പെടണമെന്നില്ല. മാത്രമല്ല മതപരവും സാമൂഹികവുമായ എല്ലാത്തരം രീതിശാസ്ത്രങ്ങളും ഇത് ചോദ്യം ചെയ്തെന്നിരിക്കും. പ്രത്യേകിച്ച് ഗ്രാമങ്ങളില്. കാരണം സാധാരണഗതിയില് വസ്ത്രധാരണത്തിലെ പരമ്പരാഗത രീതികളെ നഗരങ്ങളിലെ ജനങ്ങള് അത്രകണ്ട് പിന്തുടരാറില്ലെങ്കിലും ഗ്രാമങ്ങളില് സ്ഥിതിഗതികള് വ്യത്യസ്തമാണ്. ഇത് തെളിയിക്കുന്ന ഒരു വീഡിയോയാണ് ഇപ്പോള് ശ്രദ്ധ നേടുന്നത്. പുതുതലമുറയാണ് നഗരത്തിലെ ജോലിക്കാരില് ഭൂരിപക്ഷവും. യുവജനതയുടെ സാന്നിധ്യം ഏറെ കൂടുതല്, വിപണിയില് ഇറങ്ങുന്ന പുതിയ ട്രെന്റുകളെല്ലാം നഗരത്തില് പെട്ടെന്ന് തന്നെ…
Read Moreനിമജ്ജനം ചെയ്ത വിഗ്രഹത്തില് 4 ലക്ഷത്തിന്റെ സ്വർണാഭരണം തിരിച്ചെടുക്കാൻ മറന്നു; ജലസംഭരണി വറ്റിച്ചു
ബെംഗളൂരു: ഗണേശ ചതുർത്ഥി ആഘോഷത്തിൻ്റെ ഭാഗമായി നിമജ്ജനം ചെയ്ത വിഗ്രഹത്തില് നിന്ന് നാല് ലക്ഷം രൂപ വിലമതിക്കുന്ന സ്വർണാഭരണം നീക്കാൻ മറന്നു. ബെംഗളൂരു ദസറഹള്ളിയിലെ രാമയ്യ, ഉമാദേവി ദമ്പതികള്ക്കാണ് അബദ്ധം പറ്റിയത്. 2 ദിവസം നീണ്ട പരിശ്രമത്തിനൊടുവില് 60 ഗ്രാം തൂക്കം വരുന്ന സ്വർണമാല ജലസംഭരണി വറ്റിച്ചാണ് വിഗ്രഹത്തില് നിന്ന് തിരിച്ചെടുത്തത്. ഗണേശ ചതുർത്ഥി ആഘോഷങ്ങളുടെ ഭാഗമായി ദമ്പതികള് വീടിനകത്ത് ഗണേശ വിഗ്രഹം വെച്ചിരുന്നു. ഇതില് സ്വർണ മാലയ്ക്കൊപ്പം പൂമാലകളും വെച്ചിരുന്നു. വിഗ്രഹം നിമജ്ജനം ചെയ്ത കഴിഞ്ഞ ശനിയാഴ്ചയാണ് ഒരു മൊബൈല് ടാങ്കില് ഇവർ…
Read Moreഓണാഘോഷത്തിനിടെ അധ്യാപികയ്ക്ക് ക്ലാസ് മുറിയിൽ പാമ്പ് കടിയേറ്റു
കാസർക്കോട്: നീലേശ്വരം രാജാസ് ഹൈസ്കൂളിലെ അധ്യാപികയ്ക്ക് ക്ലാസ് മുറിയില്വച്ച് പാമ്പുകടിയേറ്റു. നീലേശ്വരം സ്വദേശി വിദ്യയെയാണ് പാമ്പുകടിച്ചത്. ഓണഘാഷോത്തിനിടെയായിരുന്നു സംഭവം. ഉടൻ തന്നെ ഇവരെ കാഞ്ഞങ്ങാട് ജില്ലാ ആശുപത്രിയില് പ്രവേശിപ്പിച്ചു. ഇന്നായിരുന്നു സ്കൂളില് ഓണാഘോഷം. രാവിലെ പരിപാടി നടക്കുന്നതിനിടെ 8 ബി ക്ലാസ് റൂമില് വച്ചാണ് പാമ്പ് കടിച്ചത്. അധ്യാപികയുടെ കാലിനാണ് കടിയേറ്റത്. വിഷമില്ലാത്ത പാമ്പാണ് അധ്യാപികയെ കടിച്ചതെന്നാണ് പ്രാഥമിക നിഗമനം. അധ്യാപിക ആശുപത്രിയില് നിരീക്ഷണത്തിലാണ്. ഇവരുടെ ആരോഗ്യനിലയില് ആശങ്കപ്പെടേണ്ട സാഹചര്യമില്ലെന്ന് ആശുപത്രി അധികൃതര് അറിയിച്ചു.
Read More