Month: July 2024

ബംഗളൂരു: ബിഎംടിസി ബസുകളിൽ ഹിന്ദി ബോർഡുകൾ സ്ഥാപിച്ചതിനെതിരെ വ്യാപക പ്രതിഷേധം . ഈ ഹിന്ദി ഭാഷാ ബോർഡിന് പിന്നിൽ ആരെണെന്ന് ചോദിച്ചുകൊണ്ടാണ് സോഷ്യൽ മീഡിയയിൽ ആളുകൾ ബഹളം വയ്ക്കുന്നത്. ബിഎംടിസിയെ ടാഗ് ചെയ്ത് സോഷ്യൽ മീഡിയയിൽ പോസ്റ്റ് ചെയ്ത നെറ്റിസൻമാർ ഹിന്ദി അടിച്ചേൽപ്പിക്കുന്നതിനെതിരെ രോഷം പ്രകടിപ്പിച്ചു. എക്‌സിൻ്റെ അക്കൗണ്ടിൽ വൈറലായ വീഡിയോ ഒരു ലക്ഷത്തിലധികം ആളുകൾ കണ്ടു. വീഡിയോ വീണ്ടും പോസ്റ്റ് ചെയ്തതിലൂടെ പൊതുജനങ്ങൾ രോഷം പ്രകടിപ്പിക്കുകയാണ്. നമ്മുടെ മെട്രോകളിൽ ഹിന്ദി അടിച്ചേൽപ്പിക്കുന്നതിനെതിരെ വർഷങ്ങളായി വ്യാപകമായ എതിർപ്പുണ്ട്. ബിഎംടിസിയിൽ ഹിന്ദി ഉപയോഗിക്കുന്നതിനെതിരെ യാത്രക്കാർ ഇപ്പോൾ…

ബംഗളുരു : ബയ്യപ്പനഹള്ളി മെട്രോ സ്റ്റേഷന് സമീപം ബൈക്ക് ടാക്സി ഡ്രൈവറെ ആക്രമിച്ച് വാഹനം തല്ലിതകർത്ത 3 ഓട്ടോ ഡ്രൈവർമാരെ അറസ്റ്റ് ചെയ്തു. യാത്രക്കാരനെ കയറ്റുന്നതിനായി സ്റ്റേഷനിലെത്തിയ യുവാവിനെ വളഞ്ഞ aaram സംഘം അസഭ്യം പറയുകയും ആക്രമിക്കുകയുമായിരുന്നു. മറ്റുയാത്രക്കാർ ഇടപെട്ടു ഏറെ പണിപെട്ടാണ് യുവാവിനെ രക്ഷിച്ചത്. യുവാവ് നിലവിൽ ആശുപത്രിയിൽ ചികിത്സയിലാണ്. തങ്ങളുടെ വരുമാനം തട്ടിയെടുക്കുന്നതായി ആരോപിച്ച് ബൈക്ക് ടാക്സി ഡ്രൈവർമാരെ ഓട്ടോക്കാർ ആക്രമിക്കുന്ന സംഭവങ്ങൾ പതിവാണ്.    

ബംഗളുരു : തനിക്കെതിരായ പോക്സോ കേസ് തള്ളണമെന്ന് ആവശ്യപ്പെട്ട് മുൻ മുഖ്യമന്ത്രി യെദിയൂരപ്പ നൽകിയ ഹർജി ഹൈകോടതി ഒരാഴ്ചത്തേക്ക് കൂടി മാറ്റിവെച്ചു. ശിവമോഗ്ഗ ശിക്കാരിപുര സ്വദേശിനിയായ വിട്ടമ്മയ്ക്ക് ഒപ്പം പരാതി പറയാൻ എത്തിയ 17 വയസുകാരിയായ മകളെ ഫെബ്രുവരി 2ന് പീഡിപ്പിച്ചെന്നാണ് കേസ്. യെദിയൂരപ്പയുടെ ആരോഗ്യസ്ഥിതിയും പ്രായവും കണക്കിലെടുത്ത് അറസ്റ്റ് ചെയ്യരുതെന്ന് നിർദേശച്ച ഹൈകോടതി നേരെത്തെ ഇടക്കാല ഉത്തരവ് ഇറക്കിയിരുന്നു.

ബെംഗളൂരു: മുഡ ഭൂമികൈമാറ്റവുമായി ബന്ധപ്പെട്ടുള്ള ആരോപണങ്ങളുമായി മുഖ്യമന്ത്രി സിദ്ധരാമയ്യയ്ക്കെതിരേ പ്രക്ഷോഭം കടുപ്പിക്കാനുള്ള ശ്രമത്തിലാണ് ബി.ജെ.പി.യും ജെ.ഡി.എസും. മുഖ്യമന്ത്രിയുടെ രാജി ആവശ്യപ്പെട്ട് ബെംഗളൂരുവിൽനിന്ന് മൈസൂരുവിലേക്ക് പത്തു ദിവസത്തെ പദയാത്ര സംഘടിപ്പിക്കാനാണ് തീരുമാനം. പദയാത്ര ജൂലായ് 31-ന് തുടങ്ങും. കേന്ദ്രമന്ത്രിമാർ ഉൾപ്പെടെ പദയാത്രയിൽ സംബന്ധിക്കും. ചന്നപട്ടണ ഉപതിരഞ്ഞെടുപ്പ് വരുന്നതുകൂടി കണക്കിലെടുത്താണ് നീക്കം. അതേസമയം, സിദ്ധരാമയ്യയെ അനാവശ്യമായി അപകീർത്തിപ്പെടുത്താനാണ് പദയാത്ര സംഘടിപ്പിക്കുന്നതെന്ന് ഉപമുഖ്യമന്ത്രി ഡി.കെ. ശിവകുമാർ ആരോപിച്ചു. അഴിമതിയുടെ ആചാര്യന്മാർ ബി.ജെ.പി.യാണെന്നും കുറ്റപ്പെടുത്തി.

ബെംഗളൂരു : രാമനഗര ജില്ലയുടെ പേര് ബെംഗളൂരു സൗത്ത് എന്നാക്കാൻ മുഖ്യമന്ത്രി സിദ്ധാരമയ്യയുടെ അധ്യക്ഷതയിൽ ചേർന്ന മന്ത്രിസഭാ യോഗം അനുമതി നൽകി. രാമനഗരിയിലെ കനകപുര എം. എൽ. എ. കൂടിയായ ഉപമുഖ്യമന്ത്രി ഡി. കെ. ശിവകുമാർ ഉൾപ്പെടെയുള്ള ജനപ്രതിനിധികൾ മുഖ്യമന്ത്രിക്ക് ഇത് സംബന്ധിച്ച് നേരെത്തെ നിവേദനം നൽകിയിരുന്നു. ബംഗളുരുവിൽ നിന്ന് 50 കിലോമീറ്റർ അകലെയാണ് രാമനഗര ജില്ലാ ആസ്ഥാനം. രാമനഗര, ചന്നപട്ടണ മാഗഡി, കനകപുര, ഹരോഹള്ളി, താലൂക്കുകൾ ഉൾപ്പെടെയുള്ള ജില്ലയുടെ സമഗ്ര വികസനത്തിനായി ബംഗളുരു സൗത്ത് എന്ന് പേര് നൽകണമെന്ന് ആയിരുന്നു ആവശ്യം. ഭൂമിയുടെ…

ബെംഗളൂരു : ചെന്നൈക്കും മൈസൂരുവിനും ഇടയിൽ രണ്ടരമണിക്കൂർകൊണ്ട് എത്താൻസാധിക്കുന്ന അതിവേഗ റെയിൽപ്പാതാ നിർമാണത്തിന്റെ പ്രാരംഭനടപടികൾ തുടങ്ങി. തമിഴ്‌നാട്, ആന്ധ്രാപ്രദേശ്, കർണാടകം എന്നീ സംസ്ഥാനങ്ങളിലെ ഒമ്പത് നഗരങ്ങളിലൂടെ 435 കിലോമീറ്റർ വരുന്നതാണ് റെയിൽപ്പാത. പദ്ധതിക്കായുള്ള സർവേയും പരിസ്ഥിതി, സാമൂഹികാഘാത പഠനങ്ങളും നടത്തിക്കഴിഞ്ഞു. സ്ഥലം ഏറ്റെടുക്കൽ ജോലികളാണ് ഇപ്പോൾ നടന്നുവരുന്നത്. 70 കിലോമീറ്റർ ഭാഗം കോലാർ ജില്ലയിലൂടെയാണ് കടന്നുപോകുന്നത്. കോലാറിൽ കൃഷിഭൂമികൾ ധാരാളം ഏറ്റെടുക്കേണ്ടതിനാൽ കർഷകരുമായി അധികൃതർ ചർച്ചനടത്തിവരുകയാണ്. സ്ഥലം വിട്ടുകൊടുക്കുന്ന കർഷകർക്ക് ഭൂമിവിലയുടെ നാലിരട്ടി നഷ്ടപരിഹാരം നൽകുമെന്ന് കേന്ദ്രസർക്കാർ വാഗ്ദാനംചെയ്തിട്ടുണ്ടെന്നാണ് കർഷകർ പറയുന്നത്. ചെന്നൈ, പൂനമല്ലി…