Month: May 2024

ബെംഗളൂരു : ബെംഗളൂരു കെംപെഗൗഡ രാജ്യാന്തര വിമാനത്താവളത്തിലെ ബോംബ് ഭീഷണി യാത്രക്കാരെ പരിഭ്രാന്തരാക്കി. വിശദമായ പരിശോധനയ്ക്കുശേഷമാണ് വ്യാജഭീഷണിയാണെന്ന് ഉദ്യോഗസ്ഥർ സ്ഥിരീകരിച്ചത്. വിമാനത്താവളത്തിലെ ആൽഫ 3 കെട്ടിടത്തിൽ പുരുഷൻമാരുടെ ശൗചാലയത്തിലാണ് ഭീഷണിക്കത്ത് ലഭിച്ചത്. വിമാനത്താവളത്തിൽ സ്ഫോടന പരമ്പരയുണ്ടാകുമെന്നായിരുന്നു സന്ദേശം. ഉടൻതന്നെ ബോംബ് സ്ക്വാഡും സി.ഐ.എസ്.എഫ്. ഉദ്യോഗസ്ഥരും വിമാനത്താവളത്തിൽ വിശദമായി പരിശോധനനടത്തിയെങ്കിലും സംശയാസ്പദമായി ഒന്നും കണ്ടെത്തിയില്ല. ഭീഷണിസന്ദേശം ലഭിച്ചതിനെത്തുടർന്ന് വിമാനത്താവളത്തിൽ യാത്രക്കാരുടെ സുരക്ഷാപരിശോധനയും ബാഗേജ് പരിശോധനയും തടസ്സപ്പെട്ടു. വ്യാജഭീഷണിയാണെന്ന് സ്ഥിരീകരിച്ചശേഷമാണ് പരിശോധന പുനരാരംഭിച്ചത്. വിമാനസർവീസുകളെ ബാധിച്ചില്ല.

ബെംഗളൂരു : പ്രജ്ജ്വൽ രേവണ്ണയുടെ അശ്ലീല വീഡിയോയിലുൾപ്പെട്ട അതിജീവിതയെ തട്ടിക്കൊണ്ടുപോയ കേസിൽ അറസ്റ്റിലായ ജെ.ഡി.എസ്. നിയമസഭാംഗം എച്ച്.ഡി. രേവണ്ണയ്ക്ക് പ്രത്യേക കോടതി അനുവദിച്ച ജാമ്യം റദ്ദാക്കാനാവശ്യപ്പെട്ട് ഹൈക്കോടതിയെ സമീപിച്ച് പ്രത്യേക അന്വേഷണസംഘം(എസ്.ഐ.ടി.). മേയ് 13-നാണ് രേവണ്ണക്ക് ജനപ്രതിനിധികളുടെ കേസുകൾക്കുള്ള കോടതി ജാമ്യം അനുവദിച്ചത്. ഇതേത്തുടർന്നാണ് രേവണ്ണ പുറത്തെത്തിയത്. അതിനിടെ തനിക്കെതിരേ പോലീസും എസ്.ഐ.ടി.യും എടുത്ത കേസുകൾ റദ്ദാക്കണമെന്നാവശ്യപ്പെട്ട് എച്ച്.ഡി. രേവണ്ണയും ഹൈക്കോടതിയെ സമീപിച്ചു. സ്ത്രീയെ തട്ടിക്കൊണ്ടുപോയെന്നാരോപിച്ച് കെ.ആർ.നഗർ പോലീസ് എടുത്ത കേസിന്റെയും രേവണ്ണയുടെ വീട്ടിലെ മുൻ ജോലിക്കാരിക്കെതിരേ ലൈംഗികാതിക്രമം നടത്തിയെന്നാരോപിച്ചെടുത്ത കേസിന്റെയും നിയമസാധുത ചോദ്യം…

ബെംഗളൂരു: ഈജിപുര മേൽപ്പാലത്തിൻ്റെ ശേഷിക്കുന്ന ജോലികൾ പൂർത്തിയാക്കാൻ ചുമതലപ്പെടുത്തിയ ഹൈദരാബാദ് ആസ്ഥാനമായുള്ള ബിഎസ്‌സിപിഎൽ ഇൻഫ്രാസ്ട്രക്ചർ ലിമിറ്റഡ്, സ്ഥലത്തിന്റെ അപൂർണ്ണമായ കൈമാറ്റം ചൂണ്ടിക്കാട്ടി കാലതാമസത്തിന് ബിബിഎംപിയെ കുറ്റപ്പെടുത്തി. പണി തുടങ്ങാൻ ആവശ്യമായ മൊബിലൈസേഷൻ ഫണ്ടിൻ്റെ 75 ശതമാനം മാത്രമാണ് ബിബിഎംപി അനുവദിച്ചതെന്നും സ്ഥാപനം വിമർശിച്ചു. കാര്യമായ പുരോഗതി കാണിച്ചില്ലെങ്കിൽ കരാർ അവസാനിപ്പിക്കുമെന്ന് ഭീഷണിപ്പെടുത്തി മെയ് 26 ന് ബിബിഎംപി നിർമ്മാണ സ്ഥാപനത്തിന് നോട്ടീസ് നൽകിയതിന് ദിവസങ്ങൾക്ക് ശേഷമാണ് പ്രതികരണം. കാസ്റ്റിംഗ് യാർഡ് സ്ഥാപിക്കുന്നതിലും പദ്ധതിക്ക് ആവശ്യമായ ജീവനക്കാരെയും യന്ത്രസാമഗ്രികളെയും ലഭ്യമാക്കുന്നതിലെ കാലതാമസം ബിബിഎംപി കത്തിൽ ചൂണ്ടിക്കാട്ടി.…

ബെംഗളൂരു : കർണാടകത്തിൽ സ്ത്രീകൾക്ക് ട്രാൻസ്പോർട്ട് ബസുകളിൽ യാത്ര സൗജന്യമാക്കിയ ശക്തി പദ്ധതിയിലൂടെ സംസ്ഥാനത്തിന്റെ ജി.എസ്.ടി. വരുമാനം വർധിച്ചതായി പഠനം. തൊഴിൽരംഗത്ത് സ്ത്രീകളുടെ സാന്നിധ്യം വർധിച്ചതായും അവരുടെ സാമ്പത്തിക ക്രയവിക്രയങ്ങൾ കൂടിയതായും സംസ്ഥാന സർക്കാരിനു കീഴിലുള്ള ഫിസ്‌കൽ പോളിസി ഇൻസ്റ്റിറ്റ്യൂട്ട് നടത്തിയ പഠനത്തിൽ കണ്ടെത്തി. ഇതിന്റെ ഫലമായാണ് ജി.എസ്.ടി. വർധിച്ചത്. കഴിഞ്ഞവർഷം ജൂണിലാണ് ശക്തി പദ്ധതി ആരംഭിച്ചത്. അതിനുശേഷം ഈവർഷം മാർച്ചുവരെ സംസ്ഥാനം സംഭരിച്ച ജി.എസ്.ടി. തുകയിൽ മുൻവർഷത്തെക്കാൾ 309.64 കോടി രൂപ വർധിച്ചതായാണ് കണക്ക്. ഇത് സ്ത്രീകളുടെ ക്രയവിക്രയശേഷി വർധിച്ചതുകൊണ്ടാണെന്നും പറയുന്നു. ബസ്‌യാത്ര…