ബംഗളൂരു: വൈദ്യുതി വിലക്കയറ്റത്തിൽ കർണാടകയിലെ ജനങ്ങൾ പൊറുതിമുട്ടിയിരിക്കെ, സംസ്ഥാനത്തെ ജനങ്ങൾ വീണ്ടും വൈദ്യുതി വിലയുടെ ചൂടിൽ വലയാൻ സാധ്യത.
ബംഗളൂരു ഇലക്‌ട്രിസിറ്റി സപ്ലൈ കമ്പനി (ബെസ്‌കോം) കർണാടക ഇലക്‌ട്രിസിറ്റി റെഗുലേറ്ററി കമ്മിഷനിൽ (കെഇആർസി) വൈദ്യുത വില വർധന സംബന്ധിച്ച നിർദേശം സമർപ്പിച്ചതിനാൽ ഉടൻ യൂണിറ്റിന് 50-60 പൈസ വരെ കൂടാൻ സാധ്യതയുണ്ടെന്നാണ് വിവരം.
ബെസ്‌കോമിനൊപ്പം മംഗലാപുരം ഇലക്‌ട്രിസിറ്റി സപ്ലൈ കമ്പനി (മെസ്‌കോം), ഹുബ്ബള്ളി ഇലക്‌ട്രിസിറ്റി സപ്ലൈ കമ്പനി (ഹെസ്‌കോം), കലബുറഗി ഇലക്‌ട്രിസിറ്റി സപ്ലൈ കമ്പനി (ജെഎസ്‌കോം), ചാമുണ്ഡേശ്വരി ഇലക്‌ട്രിസിറ്റി സപ്ലൈ കമ്പനി (സെസ്‌സി-മൈസൂർ) എന്നിവയും വൈദ്യുതി വില കയറ്റം സംബന്ധിച്ച് കെഇആർസിക്ക് നിർദേശം നൽകിയിട്ടുണ്ട്.
യൂണിറ്റിന് 49 പൈസ വർധിപ്പിക്കണമെന്ന് ഡിസംബർ അവസാനവാരം കെഇആർസിക്ക് നിർദേശം നൽകിയിരുന്നു. ഇത് സംബന്ധിച്ച് കെഇആർസി ഉടൻ ഉത്തരവിറക്കുമെന്നാണ് സൂചന. പുതുക്കിയ നിരക്ക് ഏപ്രിൽ ഒന്നു മുതൽ പ്രാബല്യത്തിൽ വരുമെന്ന് വൃത്തങ്ങൾ അറിയിച്ചു.
കർണാടക സർക്കാർ ഗാരന്റി പദ്ധതികളിൽ 200 യൂണിറ്റ് വരെ സൗജന്യമായി വൈദ്യുതി വിതരണം ചെയ്യുന്നതിനാൽ സംസ്ഥാനത്ത് കഴിഞ്ഞ കുറച്ച് മാസങ്ങളായി വൈദ്യുതിയുടെ ആവശ്യം വർദ്ധിച്ചു.
കൂടാതെ, വൈദ്യുതി വിതരണത്തിന്റെ ചിലവ്, വൈദ്യുതി വാങ്ങൽ, കൽക്കരി വാങ്ങൽ തുടങ്ങി നിരവധി കാരണങ്ങളാൽ അറ്റകുറ്റപ്പണികൾ ഭാരമാകുന്നു. അതിനാൽ, 2024-25 വർഷത്തിൽ സംസ്ഥാനത്ത് വൈദ്യുതി നിരക്ക് വർധിപ്പിക്കണമെന്ന് എസ്കോമുകൾ നിർദ്ദേശം സമർപ്പിച്ചതായാണ് വിവരം.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
