ബംഗളൂരു: നഗരത്തിലെ അശോക പില്ലറിന് സമീപം ബിഎംഡബ്ല്യു ബൈക്ക് കാറിൽ ഇടിച്ച് ഒരാൾ മരിക്കുകയും ഒരാൾക്ക് പരിക്കേൽക്കുകയും ചെയ്തു.
ബുധനാഴ്ച രാത്രി രണ്ട് ബൈക്ക് ഡീലർമാർ ബിഎംഡബ്ല്യൂവിന്റെ 1000 സിസി ബൈക്കിന്റെ വേഗത പരിശോധിക്കുന്നതിനിടെയാണ് സംഭവം .
വിൽസൺ ഗാർഡൻ ട്രാഫിക് പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്.
ഷെയ്ഖ് നസീർ (32) ആണ് മരിച്ചത്. പരിക്കേറ്റ സെയ്ദ് മുദാസിർ ആശുപത്രിയിൽ ചികിത്സയിലാണ്.
നസീറും മുദാസിറും ബൈക്ക് ഡീലർമാരായിരുന്നു. മുദാസിർ തന്റെ ഇടപാടുകാരിൽ ഒരാൾക്ക് ഉയർന്ന നിലവാരമുള്ള ബൈക്ക് തിരയുകയായിരുന്നു.
മുദാസിറിന് കാണിക്കാൻ ആണ് നസീർ ബിഎംഡബ്ല്യു ബൈക്ക് എടുത്തത്.
ഇരുവരും ബൈക്കിൽ സഞ്ചരിക്കുമ്പോൾ അമിതവേഗതയിലായിരുന്നു ഇരുചക്രവാഹനം അശോകസ്തംഭത്തിനു സമീപം കാറിൽ ഇടിക്കുകയായിരുന്നു.
ഇടിയുടെ ആഘാതത്തിൽ പിന്നിൽ ഇരുന്നിരുന്ന മുദാസിർ തെറിച്ചുപോയി. പരിക്കേറ്റ രണ്ടുപേരെയും ആശുപത്രിയിൽ എത്തിച്ചെങ്കിലും നസീർ മരിച്ചു.
പരിക്കേറ്റ മുദാസിർ ചികിത്സയിലാണ്.
മാധവ് പാർക്കിൽ നിന്ന് അശോക പില്ലറിലേക്ക് പോവുകയായിരുന്ന ബൈക്കും കനപാല്യയിൽ നിന്ന് വരികയായിരുന്ന കാറുമാണ് അപകടത്തിൽപ്പെട്ടത്.
കാർ യു ടേൺ എടുക്കുന്നതിനിടെയാണ് അപകടമുണ്ടായത്.
അമിത വേഗത്തിലായിരുന്നതിനാൽ കൃത്യസമയത്ത് ബൈക്ക് നിയന്ത്രിക്കാൻ കഴിയാതെ വന്നതാണ് അപകടത്തിന് കാരണമെന്ന് ദൃക്‌സാക്ഷികൾ പറഞ്ഞു.
ബൈക്കിന്റെ ഉടമയെ കണ്ടെത്താൻ പോലീസ് രജിസ്ട്രേഷൻ വിശദാംശങ്ങൾ പരിശോധിച്ചുവരികയാണ്.
വിൽസൺ ഗാർഡൻ ട്രാഫിക് പോലീസ് സ്റ്റേഷനിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.
ഈ വർഷം സെപ്റ്റംബറിൽ യശ്വന്ത്പൂർ ട്രാഫിക് പോലീസ് സ്റ്റേഷൻ പരിധിയിൽ ബിഎംഡബ്ല്യു ബൈക്ക് വൈദ്യുത തൂണിൽ ഇടിച്ച് രണ്ട് യുവാക്കൾ മരിച്ചിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
