ബെംഗളൂരു:മണ്ഡ്യയില് തിരഞ്ഞെടുപ്പ് റാലിക്കിടെ ആളുകള്ക്ക് നേരെ കറന്സി നോട്ടുകള് എറിഞ്ഞതിന് കോണ്ഗ്രസ് അധ്യക്ഷന് ഡികെ ശിവകുമാറിനെതിരെ കേസ്.
സംഭവത്തില് ഡികെ ശിവകുമാറിനെതിരെ തിരഞ്ഞെടുപ്പ് കമ്മീഷന് പരാതിയുമായി എത്തിയിരുന്നു. പിന്നാലെ കേസെടുക്കാന് പ്രാദേശിക കോടതി നിര്ദ്ദേശം നല്കി. ഇതോടെ മണ്ഡ്യ റൂറല് സ്റ്റേഷനില് കേസെടുക്കുകയായിരുന്നു. മാര്ച്ച് 29ന് ആയിരുന്നു കേസിനാസ്പദമായ സംഭവം.
ബേവിനഹള്ളിക്ക് സമീപം നടന്ന തിരഞ്ഞെടുപ്പ് റാലിക്കിടെ ബസിനു മുകളില് നിന്ന് ശിവകുമാര് ആളുകള്ക്ക് നേരെ കറന്സി നോട്ടുകള് എറിയുന്ന വീഡിയോ വൈറലായിരുന്നു. തിരഞ്ഞെടുപ്പിന് മുന്നോടിയായി കോണ്ഗ്രസ് പ്രജാധ്വനി യാത്ര നടത്തുകയായിരുന്നു ശിവകുമാര്.
റാലിയില് പങ്കെടുക്കുന്ന ആളുകള് തലയില് ചുമക്കുന്ന ഒരു ദൈവത്തിന്റെ വിഗ്രഹത്തിന് പണം നല്കുകയായിരുന്നു എന്ന ന്യായമാണ് സംഭവം വിവാദമായതോടെ ശിവകുമാര് ഉയര്ത്തിയത്. താന് ആളുകള്ക്ക് നേരെ കറന്സി നോട്ടുകള് എറിയില്ലെന്നും അദ്ദേഹം സ്വയം ന്യായീകരിച്ചു. പാര്ട്ടി പ്രചാരണത്തിനിടെ സാംസ്കാരിക പരിപാടി അവതരിപ്പിച്ച കലാകാരന്മാര്ക്ക് മാത്രമാണ് ശിവകുമാര് പണം നല്കുന്നതെന്ന് മണ്ഡ്യയിലെ കോണ്ഗ്രസ് പ്രവര്ത്തകരും പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
