ബെംഗളൂരു: നഗരത്തിന്റെ പ്രധാന മേഖലകളിലെ 400 കിലോമീറ്റർ റോഡുകൾ നന്നാക്കാൻ ബിബിഎംപി ഓട്ടോമാറ്റിക് കുഴികൾ നികത്തുന്ന യന്ത്രങ്ങൾ വിന്യസിക്കും. ഇതിൽ 182 കിലോമീറ്റർ ധമനിക റോഡുകളും സെൻട്രൽ ബിസിനസ് ഡിസ്ട്രിക്റ്റിലെ 215 കിലോമീറ്റർ വാർഡ് റോഡുകളാണ് ഉള്ളത്.
അറ്റകുറ്റപ്പണി നടത്തേണ്ട റോഡുകളുടെ പട്ടിക ഇതുവരെ വെളിപ്പെടുത്തിയിട്ടില്ലാത്ത ബൃഹത് ബംഗളൂരു മഹാനഗര പാലിക (ബിബിഎംപി), പദ്ധതി ഏറ്റെടുക്കുന്നതിനായി മൂന്ന് വ്യത്യസ്ത ടെൻഡറുകൾ (കിഴക്ക്, പടിഞ്ഞാറ്, ധമനികളിലെ റോഡുകൾ) ഇതിനോടകം നടത്തിയട്ടുണ്ട്. കാലയളവ് (ഡിഎൽപി) കഴിയാത്ത റോഡുകളും പതിവ് അറ്റകുറ്റപ്പണികൾക്കായി ഏറ്റെടുക്കുമെന്നും ഏതെങ്കിലും ഒരു പാക്കേജിൽ പങ്കെടുക്കാൻ തയ്യാറുള്ള സേവന ദാതാവിന് കുറഞ്ഞത് രണ്ട് കുഴികൾ നികത്തുന്ന യന്ത്രങ്ങളും റോഡ് മുറിക്കുന്ന യന്ത്രങ്ങളും ഉണ്ടായിരിക്കണമെന്നും അധികൃതർ അറിയിച്ചു.
ഇതാദ്യമായല്ല റോഡുകളുടെ അറ്റകുറ്റപ്പണികൾക്കായി ബിബിഎംപി ഓട്ടോമാറ്റിക് കുഴികൾ നികത്തുന്ന യന്ത്രങ്ങൾ ഉപയോഗിക്കുന്നത്. പൈത്തൺ 5000 എന്ന ഈ സാങ്കേതികവിദ്യ ഉപയോഗിച്ച് 182 കിലോമീറ്റർ റോഡുകളിൽ പ്രതിമാസം 20 ലക്ഷം രൂപ സേവന ദാതാവിന് നൽകുന്നുണ്ട്. ടെൻഡർ പ്രകാരം, റോഡിപ്പണികൾക്ക് ശേഷം റോഡരികിൽ കുഴി കണ്ടാൽ 250 രൂപ പിഴ ഈടാക്കാൻ ബിബിഎംപിക്ക് അധികാരമുണ്ട്. അഞ്ചിൽ കൂടുതൽ കുഴികളുണ്ടെങ്കിൽ 12,500 രൂപയായി പിഴ ഉയരുമെന്നും അധികൃതർ വ്യക്തമാക്കി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
