ബെംഗളൂരു: കർണാടകയിലെ ചരിത്രപ്രസിദ്ധമായ കരഗ ഉത്സവം അടുത്ത മാസം 8 ന് കോടിയേറും.
നീണ്ട ഒരാഴ്ചകാലത്തെ ആഘോഷങ്ങൾക്ക് ശേഷം ഏപ്രിൽ 16 ന് ആയിരങ്ങൾ ഒത്തുകൂടുന്ന ഘോഷയാത്രയോടുകൂടി ഉത്സവം അവസാനിക്കും.
കര്‍ണാടകയിലെ തിഗല വിഭാഗക്കാരുടെ പ്രധാന ആഘോഷമാണ് കരഗ ഉത്സവം.
കഴിഞ്ഞ 2 വർഷക്കാലം കൊറോണ ഭീതിയിൽ ഉത്സവം നടത്താൻ സാധിച്ചിരുന്നില്ല.
എന്നാൽ ഇത്തവണ ഉത്സവം ഗംഭീരമായി തന്നെ നടക്കുമെന്ന് ഉത്സവ നടത്തിപ്പ് സംഘടന അറിയിച്ചു.
ശ്രീ ധർമ്മരായണ സ്വാമി ക്ഷേത്രത്തിലാണ് ഉത്സവം നടക്കുക.
