ബെംഗളൂരു : ഈ അധ്യയന വർഷം മെഡിക്കൽ, ഡെന്റൽ ബിരുദ കോഴ്‌സുകൾക്ക് ഫീസ് വർധനയുണ്ടാകില്ലെന്ന് സംസ്ഥാന സർക്കാർ ഞായറാഴ്ച പ്രഖ്യാപിച്ചു.
നീറ്റ് കൗൺസിലിംഗിന് മുന്നോടിയായി, സ്വകാര്യ മെഡിക്കൽ കോളേജ് മാനേജ്‌മെന്റിന്റെ കടുത്ത സമ്മർദ്ദത്തെത്തുടർന്ന് ബിരുദ മെഡിക്കൽ, ഡെന്റൽ കോഴ്‌സുകളുടെ ഫീസ് പരിഷ്‌കരിക്കാൻ സർക്കാർ ആലോചിക്കുന്നതായി അഭ്യൂഹങ്ങളുണ്ടായിരുന്നു.
മെഡിക്കൽ വിദ്യാഭ്യാസ വകുപ്പ് ഈ അധ്യയന വർഷത്തേക്കുള്ള ഫീസ് ഘടന കർണാടക എക്സാമിനേഷൻ അതോറിറ്റിക്ക് (കെഇഎ) കൈമാറിയിട്ടുണ്ട്, ഇത് ഞായറാഴ്ച വെബ്‌സൈറ്റിൽ പ്രസിദ്ധീകരിച്ചു.
പ്രഖ്യാപനം അനുസരിച്ച് സ്വകാര്യ മെഡിക്കൽ കോളേജുകളിലെ സർക്കാർ ക്വാട്ട എംബിബിഎസ് സീറ്റുകളിലേക്കുള്ള ഫീസ് ഘടനയിൽ മാറ്റമില്ല. സർക്കാർ മെഡിക്കൽ കോളേജുകളിലും ഫീസ് അതേപടി തുടരും. നിലവിൽ സ്വകാര്യ മെഡിക്കൽ കോളജിൽ സർക്കാർ ക്വാട്ട എംബിബിഎസ് സീറ്റിന് 1,28,746 രൂപയും സർക്കാർ മെഡിക്കൽ കോളജിൽ 59,800 രൂപയുമാണ്. കൂടാതെ, സ്വകാര്യ ഡെന്റൽ കോളേജുകളിലെ സർക്കാർ ക്വാട്ട സീറ്റുകളിൽ ഡെന്റൽ കോഴ്‌സുകൾക്ക് പ്രതിവർഷം 83,356 രൂപയാണ് ഫീസ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
