Day: 8 May 2021

ബെംഗളൂരു: കുളിമുറിയിൽവീണ് പരിക്കേറ്റ പരിസ്ഥിതി പ്രവർത്തക മരങ്ങളുടെ അമ്മ എന്നറിയപ്പെടുന്ന സാലുമരഡ തിമ്മക്കയ്ക്ക് ആശുപത്രിയിൽ കിടക്ക ലഭിക്കാത്തതിനാൽ ചികിത്സ വീട്ടിൽ. 100 വയസിൽ അധികം പ്രായമുള്ള സാരുമരഡ തിമ്മക്കയെ കുളിമുറിയിൽ തെന്നിവീണതിനെത്തുടർന്ന് ഹാസനിലെ മണി ആശുപത്രിയിലെത്തിച്ചതിന് പ്രാഥമികചികിത്സ നൽകി. പിന്നീട് ബെംഗളൂരുവിലെ സ്വകാര്യ ആശുപത്രിയിലെത്തിക്കുകയായിരുന്നു. ഇവിടെ കിടക്ക ലഭിക്കാത്തതിനെ തുടർന്ന് വീട്ടിൽ ചികിത്സിച്ചാൽ മതിയെന്ന് ഡോക്ടർമാർ നിർദേശിക്കുകയായിരുന്നു. കിടക്കകളിൽ കോവിഡ് രോഗികളേ കൊണ്ട് നിറഞ്ഞതാണ് കാരണം. നിലവിൽ ഹാസൻ ബേലൂരിലുള്ള വളർത്തുമകൻ ഉമേഷിന്റെ വീട്ടിലാണ് സാമുലമരഡ തിമ്മക്ക കഴിക്കുന്നത്. ദിവസവും ഡോക്ടർ ഫോണിൽ വിളിച്ച്…

ബെംഗളൂരു :കേരളം, പഞ്ചാബ്, മഹാരാഷട്ര, ചണ്ഡിഗഡ് തുടങ്ങിയ സ്ഥലങ്ങളിൽ നിന്ന് നഗരത്തിലെത്തുന്നവർക്ക് ആർ.ടി.പി.സി.ആർ. നെഗറ്റീവ് സർട്ടിഫിക്കറ്റ് നിർബന്ധമാണ് എന്ന ഏതാനും മാസം മുൻപ് പുറത്തിറക്കിയ കർണാടക സർക്കാറിൻ്റെ ഉത്തരവിൽ മാറ്റം. ഈ സ്ഥലങ്ങളിൽ നിന്ന് വിമാനമാർഗ്ഗം എത്തുന്നവർ കോവിഡ് നെഗറ്റീവ് സർട്ടിഫിക്കറ്റ് കയ്യിൽ കരുതേണ്ടതില്ല, കർണാടകയിലെ വിമാനത്താവളങ്ങളിൽ പരിശോധനയും ഉണ്ടാവില്ല. അതേ സമയം കോവിഡിന് സ്ഥാനമായ ലക്ഷണങ്ങളുമായി യാത്ര ചെയ്യുന്നവർ ആർ.ടി.പി.സി.ആർ. നെഗറ്റീവ് സർട്ടിഫിക്കറ്റ് നിർബന്ധമായും കയ്യിൽ കരുതണമെന്ന് ഉത്തരവിൽ പറയുന്നു.

ബെംഗളൂരു: സംസ്ഥാനത്ത് എക്സ്റേ, സി.ടി.സ്കാൻ എന്നിവക്ക് ഓരോ ആശുപത്രികളും ലാബുകളും വ്യത്യസ്ഥ നിരക്കുകളും അധിക നിരക്കുകളും ഈടാക്കുന്ന സാഹചര്യത്തിൽ നിരക്കുകൾ ക്രമീകരിച്ചു കൊണ്ട് സർക്കാർ ഉത്തരവ്. ഡിജിറ്റർ ചെസ്റ്റ് എക്സ്റേ, സാധാരണ എക്സ്റേ എന്നിവക്ക് എല്ലാ ചെലവുകളും ചേർത്ത് 250 രൂപയേ ഈടാക്കാൻ പാടുള്ളൂ. സി.ടി.സ്കാൻ എല്ലാ ചെലവുകളും ഉൾപ്പെടെ 1500 രൂപ മാത്രം. ഉത്തരവ് അനുസരിക്കാത്ത സ്ഥാപനങ്ങൾക്കെതിരെ കർശന നടപടി എടുക്കുമെന്നും കർണാടക സർക്കാർ പുറത്ത് വിട്ട ഉത്തരവിൽ പറയുന്നു.