Month: June 2020

ബെംഗളൂരു : ബെംഗളൂരു നഗരത്തിൽ കോവിഡ് രോഗബാധിതരുടെ എണ്ണം ഉയരുന്നു . നഗരത്തിൽ ഇന്നലെ 94 പേർക് പുതിയതായി അസുഖം സ്ഥിരീകരിച്ചു. 3 പേർ കോവിഡ് ബാധിച് മരിച്ചു. 39,46,56 വയസുള്ള 3 പുരുഷന്മാരാണ് ഇന്നലെ മരിച്ചത്. ഇതോടെ നഗരത്തിൽ കോവിഡ് ബാധിച് മരിച്ചവരുടെ എണ്ണം 62 ആയി. നഗരത്തിലെ അകെ കോവിഡ് രോഗികളുടെ എണ്ണം ആയിരം കടന്ന് 1076 ആയി. 621 ആക്റ്റീവ് കേസുകളാണ് നിലവിൽ ഉള്ളത്. ഇന്നലെ ഒരാളാണ് നഗരത്തിൽ രോഗമുക്തി നേടിയത് . ഇതോടെ രോഗമുക്തി നേടിയവരുടെ എണ്ണം 393…

ബെംഗളൂരു: മാസ്ക്ക് ദിനമായി ആചരിച്ച വ്യാഴാഴ്ച നഗരത്തിൽ മാസ്ക്ക് ധരിക്കാത്തവരിൽനിന്ന് കോർപ്പറേഷൻ പിഴയീടാക്കിയത് 2,22,600 രൂപ. 1113 പേരിൽ നിന്നാണ് ഇത്രയും തുക പിഴയീടാക്കിയിരിക്കുന്നത്. 22 പേരിൽനിന്ന് സാമൂഹിക അകലം പാലിക്കാത്തതിനും പിഴയീടാക്കി. ജൂൺ രണ്ടാവാരത്തിലാണ് മാസ്ക്ക്  ധരിക്കാത്തവരിൽനിന്ന് പിഴയീടാക്കാൻ കോർപ്പറേഷൻ തീരുമാനിച്ചത്. മാസ്ക്ക് ധരിക്കാത്തവരെ കണ്ടെത്താനും പിഴയീടാക്കാനും മാർഷൽമാരെയാണ് കോർപ്പറേഷൻ നിയോഗിച്ചിരിക്കുന്നത്. മാളുകളും മാർക്കറ്റുകളും ഉൾപ്പെടെയുള്ള പ്രദേശങ്ങളിലാണ് മാർഷൽമാരെ നിയോഗിച്ചിരിക്കുന്നത്. സാമൂഹിക അകലം പാലിക്കാത്തവരിൽനിന്നും പിഴയീടാക്കുന്നുമുണ്ട്. മുഴുവൻ പ്രദേശങ്ങളിലും വരും ദിവസങ്ങളിൽ മാർഷൽമാരെ നിയോഗിക്കാനാണ് കോർപ്പറേഷന്റെ തീരുമാനം.

ബെംഗളൂരു: വിലകൂടിയ ബൈക്കുകൾ മാത്രം മോഷ്ടിച്ച് വിൽപ്പനനടത്തുന്ന അന്തഃസംസ്ഥാന സംഘത്തിലെ രണ്ടുപേർ ബൊമ്മനഹള്ളി പോലീസിൻ്റെ പിടിയിലായി. തമിഴ്നാട്ടിലെ ഹൊസൂർ സ്വദേശികളായ മാരി (21), പെരിസ്വാമി (23) എന്നിവരാണ് പോലീസിന്റെ പിടിയിലായത്. ഇവരിൽ നിന്ന് അഞ്ച് കെ.ടി.എം., റോയൽ എൻഫീൽഡ് ബൈക്കുകൾ പോലീസ് കണ്ടെടുത്തു. ബൊമ്മനഹള്ളി, ബി.ടി.എം. ലേഔട്ട് തുടങ്ങിയ പ്രദേശങ്ങളിൽനിന്നാണ് ഇവർ ബൈക്കുകൾ മോഷ്ടിച്ച് കടത്തിയിരുന്നത്. ലോക്ഡൗൺ കാലത്ത് നിരവധി ബൈക്കുകൾ സംഘം മോഷ്ടിച്ചിട്ടുണ്ടെന്ന് പോലീസ് പറഞ്ഞു. വീടുകൾക്കുമുന്നിലോ പേയിങ് ഗസ്റ്റ് (പി.ജി.) സ്ഥാപനങ്ങൾക്കുമുന്നിലോ നിർത്തിയിടുന്ന വാഹനങ്ങളാണ് ഇവർ ലക്ഷ്യംവെക്കുന്നത്. തുടർന്ന് രണ്ടുദിവസത്തോളം നിരീക്ഷണംനടത്തി…

ബെംഗളൂരു: കഴിഞ്ഞ 2 ആഴ്ചയിൽ കോവിഡ്-19 സ്ഥിരീകരിക്കുന്ന ബി.എം.ടി.സി. ജീവനക്കാരുടെ എണ്ണം വർധിച്ചത് കണക്കിലെടുത്ത് ബസിനുള്ളിൽ ഡ്രൈവർമാർക്ക് പ്രത്യേകം കാബിനുകൾ നിർമിക്കാൻ തീരുമാനം. റെക്സിൻ കൊണ്ടുള്ള കാബിനുകളാണ് ഡ്രൈവർമാർക്കായി നിർമ്മിക്കുക. ഇന്ദിരാനഗർ, കെ.ആർ. നഗർ, കോറമംഗല തുടങ്ങിയ ഡിപ്പോകളിലെ ജീവനക്കാർക്കാണ് കോവിഡ്-19 സ്ഥിരീകരിച്ചത്. നേരത്തേ വിമാനത്താവളത്തിൽ നിന്നും വിവിധ പ്രദേശങ്ങളിലേക്ക് സർവീസ് നടത്തുന്ന ബി.എം ടി.സി.ബസുകളിൽ ഇത്തരം സൗകര്യമൊരുക്കിയിരുന്നു.