Day: 22 January 2020

ബെംഗളുരു : ട്രാഫിക് നിയമങ്ങൾ ലംഘിക്കുന്ന ഫുഡ് ഡെലിവറി ജീവനക്കാർക്കും ഇവരെ അതിവേഗം ഭക്ഷണമെത്തിക്കാൻ നിർബന്ധിക്കുന്ന മൊബൈൽ ആപ്പ് അധിഷ്ഠിത ഭക്ഷണ വിതരണ കമ്പനികൾക്കും താക്കീതുമായി ബെംഗളൂരുപൊലീസ്. നിയമം ലംഘിക്കുന്ന ഫുഡ് ഡെലിവറി കമ്പനി ജീവനക്കാർ അപകടത്തിൽപെട്ടാൽ, ഇനി മാനേജ്മെന്റിനെതിരെ കേസെടുക്കുമെന്നു സിറ്റി പൊലീസ് കമ്മിഷണർ ഭാസ്കർ റാവു വ്യക്തമാക്കി. ഇവർ നിയമം ലംഘിക്കാതിരിക്കാനും അപകടം ഉണ്ടാക്കാതിരിക്കാനും ഭക്ഷണം എത്തിക്കാനുള്ള സമയം ദീർഘിപ്പിച്ചു നൽകുകയാണു വേണ്ടത്. തങ്ങളുടെ ജീവനക്കാർ ട്രാഫിക് തെറ്റിക്കാറില്ലെന്നും അത്തരം സംഭവങ്ങൾ ശ്രദ്ധയിൽപെട്ടാൽ അറിയിക്കാമെന്നുമുള്ള സ്വിഗ്ഗിയുടെ അവകാശവാദമാണു ഭാസ്കർ റാവുവിനെ ചൊടിപ്പിച്ചത്.…

ബെംഗളൂരു : ബെളഗാവിയിൽ നിന്ന് നഗരത്തിലേക്ക് വരികയായിരുന്ന എൻ.ഡബ്ലൂ.കെ.ആർ.ടി.സിയുടെ സ്ലീപ്പർ ബസ് ചിത്രദുർഗ ജില്ലയിലെ ഹിരിയൂർ ടോൾ പ്ലാസക്ക് സമീപം പൂർണമായും കത്തി നശിച്ചു. ബസിലുണ്ടായിരുന്ന 30 യാത്രക്കാർ അൽഭുതകരമായി രക്ഷപ്പെട്ടു. തിങ്കളാഴ്ച രാത്രി 8 മണിക്ക് ബെളഗാവിയിൽ നിന്ന് പുറപ്പെട്ട ബസ് ,അടുത്ത ദിവസം പുലർച്ചെ 4 മണിയോടെ കത്തിയമരുകയായിരുന്നു. ബസിൽ തീ കണ്ട ടോൾ പ്ലാസ അധികൃർ വണ്ടി മാറ്റിയിടാൻ ആവശ്യപ്പെടുകയായിരുന്നു. ഡ്രൈവറും കണ്ടക്ടറും ചേർന്ന് യാത്രക്കാരെ വേഗത്തിൽ പുറത്തിറക്കിയ ഉടനെ ബസ് പൂർണമായും കത്തി നശിച്ചു. അപകടകാരണം കണ്ടെത്തുന്നതിന് വകുപ്പ്…

ബെംഗളൂരു: മംഗളൂരു വിമാനത്താവളത്തിൽ സ്ഫോടക വസ്തുക്കൾ കണ്ടെത്തിയ സംഭവത്തിൽ പ്രതിയെന്ന് സംശയിക്കുന്നയാൾ കീഴടങ്ങി. ആദിത്യറാവു എന്നയാളാണ് ബെംഗളൂരു പോലീസിനു മുന്നിൽ കിഴടങ്ങിയത്. സ്ഫോടകവസ്തുക്കൾ എത്തിച്ചയാളുടെ ദൃശ്യങ്ങൾ വിമാനത്താവളത്തിലെ സി.സി.ടി.വി.യിൽനിന്ന് ലഭിച്ചിരുന്നു. കർണാടകയിലെ വിമാനത്താവളങ്ങളിൽ മുമ്പുണ്ടായ വ്യാജ ബോംബ് ഭീഷണികൾ പരിശോധിക്കുന്നുണ്ടെന്ന് പോലീസ് അറിയിച്ചു. 2018ൽ ബെംഗളൂരു വിമാനത്താവളത്തിൽ ബോംബ് ഭീഷണി മുഴക്കിയ ആളെ അറസ്റ്റ് ചെയ്തിരുന്നു. കേസിൽ ഇയാൾ ശിക്ഷയുമനുഭവിച്ചിരുന്നു. കഴിഞ്ഞ ദിവസം മംഗളൂരുവിലെ സിസിടിവിയിൽ പതിഞ്ഞ രൂപത്തിന് 2018ലെയാളുമായി സാദൃശ്യമുണ്ടെന്ന് പോലീസ് പറഞ്ഞിരുന്നു. പോലീസ് സംശയിച്ച ഇയാൾ തന്നെയാണോ കീഴടങ്ങിയ ആദിത്യ റാവു…

ബെംഗളുരു : ചികിൽസയ്ക്കു ബെംഗളൂരു വിലെത്തിയ വിദേശവനിതയെ കാറിനു ള്ളിൽ 3 പേർ കത്തി കാണിച്ചു കൊള്ളയടിക്കുകയും വസ്ത്രങ്ങൾ അഴിപ്പിച്ചു നഗ്നയാക്കി റോഡിൽ ഇറക്കിവിടുകയും ചെയ്തതായിപരാതി. ബെംഗളൂരു-ദൊഡ്ഡബെല്ലാപുര റോഡിൽ 16നു പുലർച്ചെയുണ്ടായ സംഭവത്തിൽ ദൊഡ്ഡബെല്ലാപുര പൊലീസ് കേസ് എടുത്തു. കമ്മനഹള്ളിയിൽ നിന്നു കൊത്തന്നൂരിലേക്കു പോകാൻ രാത്രി 10നാണു യുവതി ടാക്സിയിൽകയറിയത്. യാത്രയ്ക്കിടെ കാറിലുണ്ടായിരുന്നവർ അപമര്യാദയായി പെരുമാറുകയും പണമടങ്ങിയ പഴ്സും മൊബൈൽ ഫോണും സ്വർണാഭരണങ്ങളും തട്ടിയെടുക്കുകയും ചെയ്തു. തുടർന്ന് വസ്ത്രങ്ങൾളെല്ലാം അഴിച്ചുമാറ്റി പുലർച്ചെ ആലഹള്ളിയിൽ ഇറക്കിവിട്ടു. സമീപത്തെ ഫാംഹൗസിൽ ഉണ്ടായിരുന്നവരാണ് ഇവർക്കു വസ്ത്രം നൽകുകയുംപൊലീസിൽ അറിയിക്കുകയുംചെയ്തത്.…