Day: 14 January 2020

  ബെംഗളൂരു: നഗരത്തിൽനിന്ന് നാട്ടിലേക്കുള്ള യാത്രയ്ക്കിടെ കാർ അപകടത്തിൽപെട്ട് മലയാളി ദമ്പതികള്‍ക്ക് ദാരുണാന്ത്യം. കണ്ണൂരിലേക്ക് പോവുകയായിരുന്ന കാര്‍ മൈസൂരുവിലെ ബിലിക്കെരെയില്‍ നിയന്ത്രണം വിട്ട് മറ്റൊരു കാറുമായി കൂട്ടിയിടിക്കുകയായിരുന്നു. കണ്ണൂര്‍ ചെമ്പന്‍തൊട്ടി സ്വദേശി മാത്യു, ഭാര്യ ലില്ലിക്കുട്ടി എന്നിവരാണ് മരിച്ചത്. അപകടത്തില്‍ ഗുരുതരമായി പരിക്കേറ്റ ഇവരുടെ മകന്‍ ജില്‍സണെ മൈസൂരുവിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഹുൻസുർ താലൂക്കിലെ ഹുല്ലെന്നഹള്ളി ഗൈറ്റിനടുത്തുവച്ചായിരുന്നു അപകടം സംഭവിച്ചത്. കണ്ണൂരിലേക്ക് പോവുകയായിരുന്ന സ്വിഫ്റ്റ് കാർ നിയന്ത്രണം വിട്ട് ഡിവൈഡർ മറികടന്ന് എതിരെ വന്ന ഇന്നോവ കാറിൽ ഇടിക്കുകയായിരുന്നു. ബിലിക്കെരെ പോലീസ് കേസ് രജിസ്റ്റർ…

ബെംഗളൂരു: ബൊമ്മസാന്ദ്ര- രാഷ്ട്രീയ വിദ്യാലയ റോഡ് നമ്മ മെട്രോ റീച്ചിന്റെ (യെല്ലോ ലൈൻ ) നിർമാണവുമായി ബന്ധിപ്പെട്ട് ബി.ടി.എം ചെക്ക് പോസ്റ്റിന് സമീപമുള്ള ജയദേവ മേൽപാലം ഉടൻ പൂർണമായി പൊളിക്കും. മേൽപാലത്തിന്റെ ഒരു ഭാഗം കഴിഞ്ഞ വർഷം തന്നെ വേർപെടുത്തിയിരുന്നു. 12 വർഷം പഴക്കമുള്ള ഈ പാലം അടുത്ത 2 ദിവസത്തിനുള്ളിൽ പൊളിച്ചു തുടങ്ങുമെന്നാണ് അനൗദ്യോഗിക വിവരം. ഈ മേൽപ്പാലത്തിന് താഴെയുള്ള ബന്നാർഘട്ട റോഡിലെ അണ്ടർ പാസിൽ ഗതാഗത നിയന്ത്രണമില്ല.എന്നാൽ റിംങ് റോഡിലെ ഭാഗത്തിലുടെ രാവിലെ 6 മുതൽ രാത്രി 10 മണി വരെ…

ബെംഗളൂരു: വിദ്വേഷപ്രസ്താവന നടത്തിയ ബി.ജെ.പി. നിയമസഭാംഗം സോമശേഖരറെഡ്ഡിക്കെതിരേ പ്രതിഷേധിക്കാനെത്തിയ കോൺഗ്രസ് നേതാവും എം.എൽ.എ.യുമായ സമീർ അഹമ്മദ് ഖാനെ പോലീസ് കസ്റ്റഡിയിലെടുത്തു. പിന്നീട് വിട്ടയച്ചു. തിങ്കളാഴ്ച രാവിലെ ബല്ലാരി സിറ്റിക്കു സമീപം കുടിത്തിനിയിൽവെച്ചാണ് സമീർ അഹമ്മദ് ഖാനെ കസ്റ്റഡിയിലെടുത്തത്. സോമശേഖരറെഡ്ഡിയുടെ വീടിനുസമീപം ധർണനടത്താനാണ് എത്തിയതെന്നും ഇതിനായി പോലീസിൽനിന്ന് അനുമതി നേടിയിരുന്നെന്നും സമീർ അഹമ്മദ് ഖാൻ പിന്നീട് പറഞ്ഞു. ജനുവരി മൂന്നിന് പൗരത്വനിയമഭേദഗതിയെ പിന്തുണച്ചുനടന്ന റാലിയിലാണ് സോമശേഖരറെഡ്ഡി വിദ്വേഷപ്രസ്താവന നടത്തിയത്. സമാധാനപരമായി പ്രതിഷേധിക്കാനാണ് എത്തിയതെന്നും എന്നാൽ, ധർണ നടത്താനെത്തിയപ്പോൾ പോലീസ് കസ്റ്റഡിയിലെടുത്തെന്നും സമീർ അഹമ്മദ് ഖാൻ പറഞ്ഞു.…

  ബെംഗളൂരു: തീവ്രവാദ സംഘടനയുമായി ബന്ധമുള്ള അഞ്ചുപേരെ ബെംഗളൂരു സെൻട്രൽ ക്രൈം ബ്രാഞ്ച് കസ്റ്റഡിയിലെടുത്തു. നിരോധിത തീവ്രവാദസംഘടനയായ അൽ ‍- ഉമ്മയുമായി ബന്ധമുള്ളവരെയാണ് സംസ്ഥാനത്തിന്റെ വിവിധ ഭാഗങ്ങളിൽനിന്ന് കസ്റ്റഡിയിലെടുത്തത്. ഇവർക്ക് കന്യാകുമാരി കളിയിക്കാവിളയിൽ എസ്.എസ്.ഐ. വൈ. വിൽസനെ വെടിവെച്ചുകൊന്ന കേസിലെ പ്രതികളുമായി ബന്ധമുണ്ടെന്നാണ് സംശയിക്കുന്നത്. ശിവമോഗ, കോലാർ, രാമനഗര എന്നിവിടങ്ങളിൽനിന്ന് കസ്റ്റഡിയിലെടുത്ത ഇവരെ ചോദ്യംചെയ്തുവരികയാണ്. ഇവരുടെ അറസ്റ്റ് ഉടനുണ്ടായേക്കുമെന്നാണ് വിവരം. കോലാർ പ്രശാന്തിനഗറിൽനിന്ന് സമീർ, ഇമ്രാൻഖാൻ എന്നിവരെയാണ് പിടികൂടിയത്. മറ്റുള്ളവരുടെ പേരുവിവരങ്ങൾ പുറത്തുവിട്ടിട്ടില്ല. അൽ -ഉമ്മയുമായി ബന്ധമുള്ള 14 പേർക്കെതിരേ പോലീസ് കേസെടുത്തിരുന്നു. ഇവർ…

ബെംഗളൂരു : ബാംഗ്ലൂർ സർവകലാശാലാ ജ്ഞാനഭാരതി ക്യാമ്പസിലെ പുരുഷ ഹോസ്റ്റലിൽ ഉണ്ടായ സംഘർഷത്തിൽ 8 പി ജി വിദ്യാർഥികൾക്കെതിരെ കേസെടുത്തു. വെള്ളിയാഴ്ച രാത്രിയാണ് ഹോസ്റ്റലുകളിൽ ഇരുവിഭാഗങ്ങൾ തമ്മിൽ ഏറ്റുമുട്ടിയത് . പിജി വിഭാഗം ബ്ലോക്കിൽ ഒരു വിദ്യാർത്ഥിയുടെ ജന്മദിനാഘോഷം നടത്തിയതിനെ തുടർന്നുണ്ടായ വാക്കേറ്റമാണ് ഏറ്റുമുട്ടലിൽ കലാശിച്ചത് . കോഴ്സ് പൂർത്തിയാക്കിയിട്ടും അനധികൃതമായ ഹോസ്പിറ്റലിൽ തുടർന്നവരാണ് ആക്രമണത്തിന് പിന്നിലെന്ന് പിജി വിഭാഗം വിദ്യാർത്ഥികൾ ആരോപിച്ചു. നാലു മുറികളിലെ ഫർണിച്ചർ അടിച്ചുതകർത്തു സംഭവത്തിൽ കുറ്റക്കാർക്കെതിരെ കർശന നടപടി സ്വീകരിക്കുമെന്ന് വൈസ് ചാൻസലർ കെ ആർ വേണുഗോപാൽ പറഞ്ഞു.

ബെംഗളൂരു : നമ്മ മെട്രോ ഗ്രീൻ ലൈനിൽ രണ്ട് 6 കോക്ക് ട്രെയിനുകൾ കൂടി ഇന്നലെ സർവീസ് ആരംഭിച്ചു. ഇതോടെ ഗ്രീൻ ലൈനിൽ 90% സർവീസുകളും ആറ് കോച്ചിലേക്ക് മാറി. ബയപ്പനഹള്ളി – മൈസൂരു റോഡ് ( പർപ്പിൾ ലൈൻ ) റീച്ചിലെ സർവീസുകൾ എല്ലാം കഴിഞ്ഞ മാസം തന്നെ പൂർണമായി 6 കോച്ചിലേക്ക് മാറിയിരുന്നു. മാർച്ചിനുള്ളിൽ നാല് 6 കോച്ച് ട്രെയിനുകൾ കൂടി വരുന്നതോടെ 3 കോച്ച് ട്രൈനുകൾ പൂർണമായും ഇല്ലാതാകും. ഗ്രീൻ ലൈനിൽ ഒരു ദിവസം 125 ട്രിപ്പുകൾ വീതമാണ് 6…