ഇന്ത്യയും ന്യൂസീലൻഡും തമ്മിലുള്ള മത്സരവും മഴ മൂലം ഉപേക്ഷിച്ചു. ഇരുടീമുകളും ഓരോ പോയിന്റ് വീതം പങ്കിട്ടു. നോട്ടിങ്ങാമിലെ ട്രെന്റ് ബ്രിഡ്ജ് സ്റ്റേഡിയത്തിൽ മഴ ഒഴിയാതിരുന്നതോടെ ഒരൊറ്റ പന്ത് പോലും എറിയാതെയാണ് മത്സരം ഉപേക്ഷിച്ചത്. ഇനി സെമിഫൈനലിസ്റ്റുകളേയും ഫൈനലിസ്റ്റുകളേയും എങ്ങനെ തീരുമാനിക്കുമെന്ന ആശങ്കയിലാണ് ആരാധകർ. ഈ ലോകകപ്പിൽ മഴ മൂലം ഉപേക്ഷിക്കുന്ന മത്സരങ്ങളുടെ എണ്ണം നാലായി. ഒരൊറ്റ ലോകകപ്പിലും ഇത്രയും മത്സരങ്ങൾ ഉപേക്ഷിച്ചിട്ടില്ല. റിസർവ് ദിവസങ്ങൾ ഇല്ലാത്തതും ലോകകപ്പിനെ ബാധിക്കുന്നു. ഇംഗ്ലണ്ടിനേയും ഐ.സി.സിയേയും പരിഹസിച്ച് നിരവധി പോസ്റ്റുകളും സോഷ്യൽ മീഡിയയിൽ പ്രത്യക്ഷപ്പെടുന്നുണ്ട്.
Read Moreമഴ ചതിച്ചു; ഇന്ത്യ-ന്യൂസിലന്‍ഡ് മത്സരം ഉപേക്ഷിച്ചു
