Month: September 2018

ബിജെപിയുടെ ‘ഓപ്പറേഷൻ താമര’ ശ്രമങ്ങൾക്കെതിരെ കോൺഗ്രസ്, ജനതാദൾ എസ് എംഎൽഎമാരെ രാജ്ഭവനിലെത്തിച്ച് ഗവർണർ വാജുഭായി വാലയ്ക്കു മുന്നിൽ പരേഡ് നടത്തുമെന്ന് ഉപമുഖ്യമന്ത്രി ജി.പരമേശ്വര. തീയതി പിന്നീടു തീരുമാനിക്കും. സാമാജികരെ കൂറുമാറ്റി ഭരണത്തിലേറാമെന്ന യെഡിയൂരപ്പയുടെ വ്യാമോഹം നടക്കില്ലെന്നും പരമേശ്വര പറഞ്ഞു. അതിനിടെ,കുമാരസ്വാമി വാക്കുകൾ കരുതലോടെ പ്രയോഗിക്കണമെന്ന നിർദേശം സിദ്ധരാമയ്യ മുന്നോട്ടുവച്ചതായി സൂചന.സിദ്ധരാമയ്യയുടെ വസതിയിൽ കോൺഗ്രസ് – ദൾ യോഗം ചേർന്നു. കുമാരസ്വാമി, ജി.പരമേശ്വര, മന്ത്രി ഡി.കെ ശിവകുമാർ,ദിനേഷ് ഗുണ്ടുറാവു, ഈശ്വർ ഖണ്ഡെ തുടങ്ങിയവർ പങ്കെടുത്തു. എംഎൽഎമാരെ ചാക്കിടാൻ ബിജെപി നടത്തുന്ന ശ്രമങ്ങളെ ചെറുക്കാനുള്ള മാർഗങ്ങളും യോഗം ചർച്ച…

ബെംഗളൂരു : പൂജ സ്പെഷ്യല്‍ സെര്‍വീസുകള്‍ പ്രഖ്യാപിച്ച് കര്‍ണാടക ആര്‍ ടി സി,ഒക്ടോബര്‍ 17 ന് നാട്ടിലേക്കു തിരക്ക് കൂടാന്‍ സാധ്യത ഉള്ള ദിവസങ്ങളിലേക്കാണ് കര്‍ണാടക ആര്‍ ടി സിയുടെ സ്പെഷ്യല്‍ സെര്‍വീസുകള്‍ പ്രഖ്യാപിച്ചത്.കേരള ആര്‍ ടി സി ഇതുവരെ സ്പെഷ്യല്‍ സര്‍വീസുകളെ കുറിച്ച് ഒരു വിവരവും നല്‍കിയിട്ടില്ല. 1381 രൂപ മുതല്‍   1591 രൂപ വരെയാണ് ടിക്കെറ്റ് ചാര്‍ജ്, സ്ഥിരം ബസുകളിലെ ടിക്കെറ്റുകള്‍ തീരുന്ന മുറക്ക് ഏറണാകുളം,തൃശൂര്‍ ,കോഴിക്കോട്,ഭാഗങ്ങളിലേക്ക് കൂടുതല്‍ സെര്‍വീസുകള്‍ പ്രഖ്യാപിക്കും.

ബെംഗളൂരു : അനാഥനായ കഴുതയ്ക്ക് ഇണയെ കണ്ടെത്തി വിവാഹം നടത്തിക്കൊടുത്ത് മൈസൂരു നഞ്ചൻഗുഡിലെ ഹുറ ഗ്രാമവാസികൾ. ഒപ്പമുണ്ടായിരുന്ന പെൺകഴുതയെ രണ്ടുമാസം മുൻപു പുള്ളിപ്പുലി കൊന്നതോടെ തനിച്ചായ ആൺകഴുത അക്രമാസക്തനായപ്പോഴാണു ഗ്രാമീണർ പുതിയ ഇണയെ തേടി രംഗത്തിറങ്ങിയത്.  കഴുതയെ വാങ്ങാൻ 23000 രൂപയും ഇവർ പിരിച്ചെടുത്തു. പെൺകഴുതയെ സൗജന്യമായി നൽകാമെന്ന് ഉടമ പറഞ്ഞതോടെയാണു പിരിച്ചെടുത്ത പണം ഉപയോഗിച്ചു ഗംഭീര വിവാഹം നടത്താൻ തീരുമാനിച്ചത്. പുതുവസ്ത്രങ്ങൾ അണിഞ്ഞെത്തിയ ‘വധൂവരൻമാരെ’ മാല അണിയിക്കുകയും പൂജാരിയുടെ കാർമികത്വത്തിൽ വിവാഹച്ചടങ്ങുകൾ നടത്തുകയും ചെയ്തു. മധുരവിതരണവും നടത്തി.

ബെംഗളൂരു: ബി.ജെ.പി. സംസ്ഥാന അധ്യക്ഷൻ ബി.എസ്. യെദ്യൂരപ്പയ്ക്കെതിരേ വിപ്ലവം നടത്താൻ ജനങ്ങളോട് ആഹ്വാനം ചെയ്യുമെന്ന മുഖ്യമന്ത്രി എച്ച്.ഡി. കുമാരസ്വാമിയുടെ പരാമർശത്തിനെതിരേ ബി.ജെ.പി. പ്രവർത്തകർ പ്രതിഷേധം സംഘടിപ്പിച്ചു മൈസൂരു ബാങ്ക് സർക്കിളിൽ നടന്ന പ്രതിഷേധ പ്രകടനത്തിൽ നൂറുകണക്കിന് പ്രവർത്തകർ പങ്കെടുത്തു. കുമാരസ്വാമിക്കും മുൻപ്രധാനമന്ത്രി എച്ച്.ഡി. ദേവഗൗഡയ്ക്കും എതിരേയുള്ള പ്ലക്കാഡുകളും കൈയിലേന്തിയായിരുന്നു പ്രതിഷേധം. കുമാരസ്വാമിയുടെ പരാമർശത്തിനെതിരേ ഗവർണറെ കൂടാതെ ഡി.ജി.പി. നീലാമണി എൻ. രാജുവിനും പരാതി നൽകിയിട്ടുണ്ട്.