ലണ്ടന്‍: ഇന്ത്യയിലെ കാപ്പിക്കൊതിയന്‍മാര്‍ക്ക് ഇത്തിരി സങ്കടമുണ്ടാക്കുന്ന വാര്‍ത്തയാണ് ഇന്‍റര്‍നാഷണല്‍ കോഫി ഓര്‍ഗനൈസേഷന്‍ പുതുതായി പുറത്തു വിട്ടിരിക്കുന്നത്. ലോകത്തെ ആദ്യ 20 കാപ്പി കുടിയന്‍മാരുടെ പട്ടികയില്‍ ഇന്ത്യയില്ല.
പ്രതിവര്‍ഷം 12 കിലോ കാപ്പി ഉപഭോഗവുമായി ഫിന്‍ലന്‍റ് ആണ് പട്ടികയില്‍ ഒന്നാം സ്ഥാനത്ത്. നോര്‍വേ, ഐലാന്‍ഡ്, ഡെന്മാര്‍ക്ക്‌ തുടങ്ങിയ രാജ്യങ്ങള്‍ ആണ് തൊട്ടു പിറകില്‍.
ഉപയോഗത്തില്‍ മുന്നില്‍ അല്ലെങ്കിലും കാപ്പി കയറ്റുമതി ചെയ്യുന്ന രാജ്യങ്ങളില്‍ ലോകത്ത് ഏഴാം സ്ഥാനമാണ് ഇന്ത്യയ്ക്കുള്ളത്. ദക്ഷിണേന്ത്യയില്‍ നിന്നാണ് ഇവ ഭൂരിഭാഗവും ഉല്‍പ്പാദിപ്പിക്കപ്പെടുന്നത്. വിവിധ രാജ്യങ്ങളിലായി 767 മില്ല്യന്‍ പൗണ്ട് കാപ്പിയാണ് ഇന്ത്യയില്‍ നിന്നും കയറ്റി അയയ്ക്കുന്നത്. ലോകത്തെ ആകെയുള്ള കാപ്പി ഉല്‍പ്പാദനത്തിന്‍റെ നാലു ശതമാനത്തോളം വരും ഇത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
