Tag: revenue department

ബെംഗളൂരു: വില്ലേജ് അക്കൗണ്ടന്റുമാർ മുതൽ ജില്ലാ ഡെപ്യൂട്ടി കമ്മീഷണർമാർ വരെ ജനങ്ങളുമായി നേരിട്ട് സമ്പർക്കം പുലർത്തുന്ന എല്ലാ സർക്കാർ ഉദ്യോഗസ്ഥരും പൊതുജനങ്ങളിൽ നിന്നും തിരഞ്ഞെടുക്കപ്പെട്ട ജനപ്രതിനിധികളിൽ നിന്നുമുള്ള ഫോൺ കോളുകൾക്ക് മറുപടി നൽകാണമെന്ന് സംസ്ഥാന സർക്കാർ ഉത്തരവിറക്കി. ഫോൺ കോളുകൾക്ക് മറുപടി നൽകണമെന്നും അല്ലെങ്കിൽ തിരികെ വിളിക്കാണമെന്നുമുള്ള നിർദ്ദേശം റവന്യൂ വകുപ്പിന്റെ പ്രിൻസിപ്പൽ സെക്രട്ടറി തുഷാർ ഗിരിനാഥ് ഒരു ഉത്തരവിലൂടെ ഉദ്യോഗസ്ഥരെ അറിയിച്ചു. ജനങ്ങളുടെ ദുരിതങ്ങൾ പരിഹരിക്കേണ്ടതും അവരുമായി സംവദിക്കേണ്ടതും , തിരഞ്ഞെടുക്കപ്പെട്ട പ്രതിനിധികൾ പ്രശ്നങ്ങൾ ഉന്നയിക്കുമ്പോൾ ആ വിഷയത്തിൽ ആശയവിനിമയം നടത്തേണ്ടതും ഉദ്യോഗസ്ഥരുടെ കടമയാണെന്നും അദ്ദേഹം ചൂണ്ടിക്കാട്ടി.