ചെന്നൈ: ധനകാര്യസ്ഥാപനം നടത്തി 161 കോടി രൂപ തട്ടിയെടുത്ത ദമ്പതിമാര് ഉള്പ്പെടെ മൂന്നു പേര് അറസ്റ്റില്.
കോടമ്പാക്കം ആസ്ഥാനമായുള്ള ആംറോ കിങ്സ് എന്ന സ്ഥാപനമാണ് 3000-ത്തോളംപേരെ കബളിപ്പിച്ചത്.
സ്ഥാപനത്തിന്റെ ചെയര്മാനും മാനേജിങ് ഡയറക്ടറുമായ രാജരാജന്, ഇയാളുടെ ഭാര്യയും കമ്പനി ഡയറക്ടറുമായ മുത്തുലക്ഷ്മി, ബന്ധു രഞ്ജിത്ത് കുമാര് എന്നിവരാണ് പോലീസിന്റെ പിടിയിലായത്. ഇവരുടെ വീടുകളിലും ഓഫീസുകളിലും നടത്തിയ പരിശോധനയില് പണവും സ്വര്ണവും വെള്ളിയും പോലീസ് പിടിച്ചെടുത്തു.
ഒരു ലക്ഷം രൂപ നിക്ഷേപിച്ചാല് മാസം 10 ശതമാനം ലാഭവിഹിതം നല്കുമെന്നും 22 മാസത്തിനുള്ളില് നിക്ഷേപത്തുക തിരികെ നല്കുമെന്നുമായിരുന്നു വാഗ്ദാനം. തട്ടിപ്പിനരായ ഒട്ടേറെ പേര് സാമ്പത്തിക കുറ്റകൃത്യങ്ങളില് അന്വേഷണം നടത്തുന്ന പ്രത്യേക പോലീസ് വിഭാഗത്തിനു പരാതി നല്കുകയായിരുന്നു. തുടർന്നാണ് അന്വേഷണം ആരംഭിച്ചത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
