Day: 17 April 2026

ബെംഗളൂരു: തെക്കൻ ബെംഗളൂരുവിലെ കോണനകുണ്ടെയിൽ വീട് കുത്തിത്തുറന്ന് മോഷണം നടത്തിയ സംഘത്തെ പോലീസ് പിടികൂടി. ഒരാൾ പ്രായപൂർത്തിയാകാത്ത ആളുൾപ്പെടെ നാലുപേരാണ് പിടിയിലായത്. രണ്ട് വ്യത്യസ്ത മോഷണക്കേസുകളിൽ നടത്തിയ അന്വേഷണത്തിനൊടുവിൽ ഏകദേശം 14 ലക്ഷം രൂപ വിലമതിക്കുന്ന സ്വർണാഭരണങ്ങൾ പോലീസ് വീണ്ടെടുത്തു. രഹസ്യവിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിൽ ഏപ്രിൽ 5-നാണ് മൂന്ന് പ്രതികളെ പോലീസ് സംഘം പിടികൂടിയത്. തുടർന്ന് നടത്തിയ ചോദ്യം ചെയ്യലിൽ, പ്രായപൂർത്തിയാകാത്ത ഒരാളുടെ സഹായത്തോടെയാണ് മോഷണം നടത്തിയതെന്ന് ഇവർ സമ്മതിച്ചു. ഇതിനെത്തുടർന്ന് കസ്റ്റഡിയിലെടുത്ത കുട്ടിയെ ജുവനൈൽ ജസ്റ്റിസ് ബോർഡിന് മുന്നിൽ ഹാജരാക്കുകയും നിരീക്ഷണ…

ബെംഗളൂരു: പാചകവാതകത്തിന്റെയും (LPG) മറ്റ് നിത്യോപയോഗ സാധനങ്ങളുടെയും വിലവർദ്ധനയെത്തുടർന്ന് ബെംഗളൂരുവിലെ ഹോട്ടലുകളിൽ ഭക്ഷണവില വർദ്ധിപ്പിച്ചു. മിക്ക ഹോട്ടലുകളിലും അഞ്ച് മുതൽ പത്ത് ശതമാനം വരെ വിലവർദ്ധനവ് നിലവിൽ വന്നു. സാമ്പത്തിക വർഷത്തിന്റെ തുടക്കത്തിൽ സാധാരണയായി നടത്തുന്ന വിലപരിഷ്കരണം ഇത്തവണ നിലവിലെ പ്രതിസന്ധി മൂലം നേരത്തെയാക്കുകയായിരുന്നുവെന്ന് ഹോട്ടൽ ഉടമകൾ അറിയിച്ചു. സാധാരണ ഗതിയിൽ അഞ്ച് ശതമാനം വർദ്ധനവ് വരുത്താറുള്ള സ്ഥാനത്ത് ഇത്തവണ അത് എട്ട് ശതമാനം വരെയായിട്ടുണ്ട്. എന്നാൽ ഉപഭോക്താക്കളെ അമിതമായി ബുദ്ധിമുട്ടിക്കാതിരിക്കാൻ പത്ത് ശതമാനത്തിന് മുകളിൽ വില വർദ്ധിപ്പിക്കില്ലെന്ന് ബൃഹത് ബാംഗ്ലൂർ ഹോട്ടൽസ് അസോസിയേഷൻ…

ബംഗളുരു : കർണാടകയിലെ യാദ്ഗിരി ജില്ലയിൽ കാറും സ്വകാര്യ ബസും നേർക്കുനേർ കൂട്ടിയിടിച്ചുണ്ടായ ദാരുണമായ അപകടത്തിൽ ആറുപേർ മരിച്ചു. സുരപുര താലൂക്കിലെ ദേവപൂരിന് സമീപം വെള്ളിയാഴ്ചയാണ് അപകടം നടന്നത്. നിയന്ത്രണം വിട്ട വാഹനങ്ങൾ കൂട്ടിയിടിച്ചതിന് പിന്നാലെ തീപിടിക്കുകയായിരുന്നു. കാറിലുണ്ടായിരുന്ന ആറുപേരും സംഭവസ്ഥലത്ത് തന്നെ വെന്തുമരിച്ചു. യാദ്ഗിരിയിൽ നിന്ന് റായ്ച്ചൂരിലേക്ക് പോവുകയായിരുന്ന കാറും ബെംഗളൂരുവിൽ നിന്ന് കലബുറഗിയിലേക്ക് വരികയായിരുന്ന സ്വകാര്യ ബസുമാണ് അപകടത്തിൽപ്പെട്ടത്. അതിശക്തമായ ഇടിക്കുപിന്നാലെ ഇരുവാഹനങ്ങളിലേക്കും തീ പടരുകയായിരുന്നു. വിവരമറിഞ്ഞ് സ്ഥലത്തെത്തിയ അഗ്നിശമന സേനാംഗങ്ങൾ ഏറെ പരിശ്രമിച്ചാണ് തീ നിയന്ത്രണവിധേയമാക്കിയത്. എന്നാൽ കാറിനുള്ളിൽ കുടുങ്ങിയവരെ…

ബെംഗളൂരു: കന്നഡ നടൻ ഉപേന്ദ്ര തന്റെ രാഷ്ട്രീയ പാർട്ടിയായ പ്രജകീയയുടെ ഔദ്യോഗിക വെബ്സൈറ്റ് പുറത്തിറക്കി. ഓരോ നിയമസഭാ മണ്ഡലങ്ങളിലുമുള്ള പാർട്ടി പ്രവർത്തകരുടെ വിവരങ്ങൾ ഉൾക്കൊള്ളുന്ന സൈറ്റിൽ ജനങ്ങൾക്ക് തങ്ങളുടെ പരാതികൾ ഉന്നയിക്കാനുള്ള പ്രത്യേക സംവിധാനവുമുണ്ട്. ആരോഗ്യ-തൊഴിൽ മേഖലകളിലെ പ്രശ്നങ്ങൾ മുതൽ അടിസ്ഥാന സൗകര്യ വികസനം വരെയുള്ള കാര്യങ്ങൾ ഇതിലൂടെ അധികൃതരുടെ ശ്രദ്ധയിൽപ്പെടുത്താം. തിങ്കളാഴ്ച വൈകുന്നേരത്തോടെ 15,000-ലധികം പൗരന്മാരും ടിക്കറ്റ് ആഗ്രഹിക്കുന്ന 250 അപേക്ഷകരും വെബ്സൈറ്റിൽ രജിസ്റ്റർ ചെയ്തു കഴിഞ്ഞു. തിരഞ്ഞെടുപ്പിൽ മത്സരിക്കാൻ ആഗ്രഹിക്കുന്നവർ കർശനമായ നിബന്ധനകളോടെയുള്ള സത്യവാങ്മൂലത്തിൽ ഒപ്പിടേണ്ടതുണ്ട്. തിരഞ്ഞെടുക്കപ്പെട്ടാൽ മണ്ഡലത്തിലെ ജനങ്ങൾക്കായി പ്രവർത്തിക്കുമെന്നും…