ബെംഗളൂരു : കർണാടകയിൽ ഹൃദയാഘാതത്തെക്കുറിച്ചുള്ള പഠനം സിലബസില് ഉള്പ്പെടുത്തുന്നതിനായി കമ്മിറ്റി രൂപവത്കരിക്കുമെന്ന് വിദ്യാഭ്യാസ വകുപ്പ് അധികൃതർ.
ഹൃദയാഘാത പഠനം എന്ന വിഷയം സ്കൂള് പാഠ്യപദ്ധതിയില് ഉള്പ്പെടുത്തണമെന്ന ആരോഗ്യ വകുപ്പിന്റെ അഭ്യര്ഥന പ്രകാരമാണ് വിദ്യാഭ്യാസ വകുപ്പിന്റെ നിർണായക തീരുമാനം.
സിലബസ് രൂപവത്കരണത്തിനായി ആരോഗ്യ വിദഗ്ധര്, വിദ്യാഭ്യാസ വകുപ്പ് ഉദ്യോഗസ്ഥര് എന്നിവരടങ്ങുന്ന ഒരു സംയുക്ത സമിതിയെ തന്നെ നിയോഗിക്കും.
അധ്യായത്തിന്റെ ഉള്ളടക്കം, രൂപം എന്നിവ സമിതിയുടെ റിപ്പോര്ട്ടിന്റെ അടിസ്ഥാനത്തിലും മുഖ്യമന്ത്രിയുമായുള്ള ചര്ച്ചയുടെ അടിസ്ഥാനത്തിലുമാണ് തയാറാക്കുക.
ഇവയ്ക്ക് പുറമേ ഏത് ക്ലാസുമുതല് സിലബസ് ആരംഭിക്കണം എന്നതിനെ സംബന്ധിച്ചും കമ്മിറ്റി തീരുമാനമെടുക്കും. കമ്മിറ്റി റിപ്പോര്ട്ടിന്റെ അടിസ്ഥാനത്തിലാണ് തുടര് നടപടികള് വിദ്യാഭ്യാസ വകുപ്പ് സ്വീകരിക്കുക എന്നാണ് വ്യക്തമാക്കിയത്.
