ബെംഗളൂരു : മഴക്കാല മുന്നൊരുക്കങ്ങൾ ആരംഭിച്ച് ബൃഹത് ബെംഗളൂരു മഹാനഗര പാലികെ (ബിബിഎംപി).
വെള്ളപ്പൊക്കം ഉണ്ടാകാതിരിക്കാൻ മുൻകരുതൽ നടപടികൾ സ്വീകരിക്കുന്നതിനൊപ്പം ഓടകൾ വൃത്തിയായി സൂക്ഷിക്കണമെന്നും ബിബിഎംപി ചീഫ് കമ്മിഷണർ എം. മഹേശ്വർ റാവു ഉദ്യോഗസ്ഥർക്ക് നിർദേശംനൽകി.
വായിക്കുക: അച്ചടക്കം ഹിന്ദുക്കളില്‍ നിന്ന് പഠിക്കണം: റോഡുകള്‍ നിസ്‌കാരത്തിനുളളതല്ല യോഗി ആദിത്യനാനാഥ്
റോഡിലെ വെള്ളം ഓടകളിലേക്ക് സുഗമമായി ഒഴുകിപ്പോകാനുള്ള സൗകര്യമൊരുക്കണമെന്നും നടപ്പാതകളിൽ കേടുപാടുകൾ സംഭവിച്ച സ്ഥലങ്ങളിൽ ഉടൻ അറ്റകുറ്റപ്പണികൾ നടത്താനും ഉദ്യോഗസ്ഥർക്ക് നിർദേശംനൽകി.
മഴക്കാല മുന്നൊരുക്കങ്ങളുടെ ഭാഗമായി നഗരത്തിന്റെ വിവിധഭാഗങ്ങളിൽ മഹേശ്വർ റാവു പരിശോധന നടത്തി.
നാഗവാര ജങ്ഷനുസമീപത്തെ വിവിധ സ്ഥലങ്ങളാണ് ഉദ്യോഗസ്ഥർക്കൊപ്പമെത്തി ചീഫ് കമ്മിഷണർ സന്ദർശിച്ചത്. മഴക്കാലത്ത് അപകടങ്ങളുണ്ടാകാതിരിക്കാനുള്ള മുൻകരുതലുകൾ സ്വീകരിക്കാനും നിർദേശിച്ചിട്ടുണ്ട്.
