Month: August 2024

ബെംഗളൂരു : ‘മുഡ’ ഭൂമികൈമാറ്റ ആരോപണം നേരിടുന്ന മുഖ്യമന്ത്രി സിദ്ധരാമയ്യയ്ക്ക് ഉറച്ചപിന്തുണയുമായി ഉപമുഖ്യമന്ത്രി ഡി.കെ. ശിവകുമാർ. സിദ്ധരാമയ്യ രാജിവെക്കുന്ന പ്രശ്നമില്ലെന്നും മുഖ്യമന്ത്രിസ്ഥാനത്ത് അദ്ദേഹം അഞ്ചുവർഷ കാലാവധി പൂർത്തിയാക്കുമെന്നും ശിവകുമാർ പറഞ്ഞു. കലബുറഗിയിൽനടന്ന കോൺഗ്രസ് റാലിയിലായിരുന്നു അദ്ദേഹം ഇക്കാര്യം പറഞ്ഞത്. 2023 മേയിൽ കോൺഗ്രസ് മന്ത്രിസഭ അധികാരമേൽക്കുമ്പോഴുണ്ടാക്കിയ ധാരണപ്രകാരം ആദ്യത്തെ രണ്ടരവർഷം കഴിയുമ്പോൾ മുഖ്യമന്ത്രിസ്ഥാനം സിദ്ധരാമയ്യ ഡി.കെ. ശിവകുമാറിന് കൈമാറണമെന്നുണ്ട്. ഇതുമുന്നിൽക്കണ്ട് ഇരുനേതാക്കളും തമ്മിലുള്ള വടംവലി പരസ്യമായതുമാണ്. ഇതെല്ലാം മറന്നാണ് സിദ്ധരാമയ്യ മുഖ്യമന്ത്രിസ്ഥാനത്ത് അഞ്ചുവർഷവും തികയ്ക്കുമെന്ന് ഡി.കെ. ശിവകുമാർ പ്രസ്താവിച്ചത്. സിദ്ധരാമയ്യയുടെ രാജിയാവശ്യപ്പെട്ട് ബി.ജെ.പി.യും ജെ.ഡി.എസും…

ബെംഗളൂരു : ‘മുഡ’ ആരോപണത്തിൽ മുഖ്യമന്ത്രി സിദ്ധരാമയ്യയെ വിചാരണചെയ്യാൻ അനുമതി നൽകിയതിന് കർണാടക ഗവർണർ താവർ ചന്ദ് ഗഹ്‌ലോതിനെതിരേ സമരംചെയ്ത മൂന്നു മന്ത്രിമാരുടെ അറസ്റ്റ് ആവശ്യപ്പെട്ട് ബി.ജെ.പി. രംഗത്ത്. മന്ത്രിമാരായ സമീർ അഹമ്മദ് ഖാൻ, കൃഷ്ണ ബൈരെ ഗൗഡ, ദിനേഷ് ഗുണ്ടുറാവു എന്നിവരെ അറസ്റ്റ് ചെയ്യണമെന്നാവശ്യപ്പെട്ട് പോലീസ് ഡയറക്ടർ ജനറൽ അലോക് മോഹന് പാർട്ടി പരാതി നൽകി. പട്ടികവിഭാഗക്കാർക്കു നേരേയുള്ള അതിക്രമം തടയുന്നതിനുള്ള നിയമവും ഗുണ്ടാ ആക്ടും അനുസരിച്ച് കേസെടുത്ത് അറസ്റ്റു ചെയ്യണമെന്നാവശ്യപ്പെട്ട് ബി.ജെ.പി.യുടെ ദളിത് വിഭാഗം നേതാക്കളായ ഗോവിന്ദ് കർജോൾ, കൗൺസിൽ പ്രതിപക്ഷനേതാവ്…

ബെംഗളൂരു : പതിനെട്ടുകാരനെ ലിംഗമാറ്റം നടത്തി ലൈംഗികത്തൊഴിലിനിറങ്ങാൻ നിർബന്ധിച്ചെന്ന പരാതിയിൽ ബെംഗളൂരുവിൽ അഞ്ച് ട്രാൻസ്ജെൻഡേഴ്സിന്റെപേരിൽ പോലീസ് കേസെടുത്തു. ചിത്ര, അശ്വിനി, കാജൽ, പ്രീതി, മുഗില എന്നിവരുടെ പേരിലാണ് പുലികേശിനഗർ പോലീസ് കേസെടുത്തത്. നഗരത്തിലെ ചായക്കടയിൽ ജോലിചെയ്യുന്ന യുവാവാണ് അതിക്രമത്തിനിരയായത്. സംഘത്തിന്റെ പിടിയിൽ നിന്ന് രക്ഷപ്പെട്ട യുവാവ് പോലീസ് സ്റ്റേഷനിലെത്തി മൊഴി നൽകുകയായിരുന്നു. തുടർന്ന് അഞ്ചുപേരും ഒളിവിൽപോയി. ഇവരെ പിടികൂടാൻ ശ്രമം നടത്തുന്നതായി പോലീസ് അറിയിച്ചു.